天羅地網

標題: 2016.9.5 郭博士開壇捉鬼 [打印本頁]

作者: peterau 時間: 2016-9-5 22:57
標題: 2016.9.5 郭博士開壇捉鬼
《與所有群組分享》
開壇捉鬼：如果呢次選舉係共黨成功部署；比班由佢地養大嘅鬼仔出嚟上位，(無厘頭班小鬼有咁多票) 殺到啲泛民老鬼政棍一頭烟，輸人、輸時、輸機、輸陣、輸面、輸氣、輸錢、輸岸周。整個八輸局出來獻世兼衰收尾，佈局嘅人真係唔簡單，相信共黨無呢種人材，如果有就社稯有福了！大家不妨幫手跟進下邊一隻係鬼仔，等本人去設法清除，否則會養鬼為患。

郭謹泐！

作者: 莊得智 時間: 2016-9-5 23:56
鬼仔：青年新政部分核心成員，黃台仰（梁天倚老死），某d網媒

我估由初一魚旦革命前開始部署緊

作者: KenFong 時間: 2016-9-6 00:18
本帖最後由 KenFong 於 2016-9-6 00:19 編輯

Dr. 行走商、政多年、與北大人交手/握手無數，熟悉中男海運作，又曾以外交官身份走在世界舞台，與俄國聯繫友好，耳目遍布......(擦鞋就此打住)。

既然佈局如此精密，當然是高手，Dr. 心中應該有個大概吧？如此勞師動眾真的可以密不透風?!

若不是爺爺，會是外人嗎......一個屬 Dr. 級數的鬼頭？

一個游小姐，得票2,0643，單靠自己，她賣 X 也賣不到此數吧?!

作者: 大樹人 時間: 2016-9-6 01:20
本帖最後由大樹人於 2016-9-6 01:22 編輯

熱普城的根叔，在半小時前話離港。

好似走得太快吧，呀x師。
呢次離地基本法，，，，，，，，聽聞佢提出的。

某人同我講，覺得似係送個核彈比教主自爆用的。

作者: erict 時間: 2016-9-6 01:23

莊得智發表於 2016-9-5 23:56
鬼仔：青年新政部分核心成員，黃台仰（梁天倚老死），某d網媒

我估由初一魚旦革命前開始部署緊 ...

　　同意莊兄。
　　幾個後生仔，選區議員係局部性，來來去去幾條街，使費肯定不會比一個大區多。
　　你留心整個九龍西，由美孚到老尖，點豉油都點死你。
　　再睇睇九龍西個妹妹仔，以常理計，你要有七八成基金上漲的華爾街金童子，又或者中過三幾次三T，先會有風險基金或金主打本你去搞，因為九龍西分分鐘有一二百萬人，當有一百萬合資格選民，又當佢由油尖旺起家，係咪起碼都要寄四五十萬份宣傳單張？當一份單張五毫，連郵費個幾，起碼一份兩蚊，即係成一百萬。係邊個對一匹從未有大場經驗嘅馬落重注？除非呢匹PPG早在澳洲紐西蘭試好晒閘，以當地前列練馬師摸到有幾多料再匯報比香港馬主及練馬師，一到香港初出即勝。但你留意下佢幾場辯論，真係九唔搭八，完全對行政，民生及常識都不懂。換轉呢隻係翠河，都要起碼有五六倍至夠膽賭。
　　仲未計街站，宣傳，仲要係九龍西為例，up少D都至少三幾十個站頭掛？個幾月選舉及前期功夫，係咪一個站頭連飯盒都要兩三皮？即係40街站 x 兩皮 = 80萬。有邊個傻到賭180萬喺一匹從未試閘而初出馬？仲要係一出就幾個，即係大數係六七百萬賭幾隻馬。
　　順藤摸瓜，支持呢班友嘅網媒係輔仁媒體，幕後人真係......我認為呢幾條友絕對有合理懷疑。

　　第二個係佔中三恥其中一個港大教棍。搞佔中時打開口牌已經非常好笑。以兩軍對戰計，即係話到明我聽日六點出兵，後日八點掘戰壕。商場情場選戰如戰場，最後只有輸同贏。真係想贏嘅話，點會七到日日向敵軍匯報出擊策略？即係話，我如果喺呢個星期三度咗條三T好大可能中八百萬，而原則上越多人中三T，彩金越少，我又會唔會廣告天下？所以，我一早對呢三條友非常懷疑。
　　搞埋個唔知咩雷動計劃，唔識嘢就嚇死，識就笑死。扮晒有學術包裝，自己又唔係數佬出身，憑咩嘢又用咩方法做到個leverage選票呢？另一重點係，扮晒民主客觀，在選舉當日，有朋友及網台講，係好有主導性分票，即係數據係假，有指導性方向係真。講民意調查，如果要出術，一張太空卡幾十蚊，四十萬已有一萬個網絡人頭，非常易搞又可以模糊視線，絕對做得到而無難度。如果有是有非，點會加入埋不明資金何來的青年新政？
　　仲有一個問題，稍為諗吓都好搞鬼。以中共角度，搞港獨分裂一定係死罪，而係人都知港大早已染紅，點解果個姓戴的仲有得喺港大撈？又據聞青年新政早有搞港獨口號，但又點解可以在中銀開到戶口？當呢班友真係搞港獨，難道中共允許你開到戶口，搬起石頭打自己的腳？

　　呢兩個單位非常可疑。

　　題外話，稍稍擔心朱凱迪，以一人之力，踢爆新界佬不少醜聞，真係天天在刀口上過日子，小弟非常佩服......希望佢有運行，處處化險為夷，行運一條龍......

作者: KenFong 時間: 2016-9-6 02:45

erict 發表於 2016-9-6 01:23
　　同意莊兄。
　　幾個後生仔，選區議員係局部性，來來去去幾條街，使費肯定不會比一個大區多。
　　你 ...

有數據、有理據，算盤都俾您算穿，勁！

"換轉呢隻係翠河，都要起碼有五六倍至夠膽賭"
笑左，勾起小弟對一代馬王的回憶

作者: ryan5454 時間: 2016-9-6 06:38
我估劉小麗，青年新政團隊及朱凱廸。
另外，建制d票好似想要幾多有幾多。加上（好似）票箱存放在選舉主任屋企，在機場點票及其他零星新聞，今次選舉感覺鬼鬼地

作者: panic_lau 時間: 2016-9-6 11:00
上屆會期,成日點人數/流會...., 最頭痕係邊班人?
衣家用左幾個小鬼,幾個素人, 幾個年輕新人去換左班老政客, 變化會係點? 而這個變化的最大得益者,係邊班人?

作者: 容燥兒 時間: 2016-9-6 12:38
本帖最後由容燥兒於 2016-9-6 13:02 編輯

https://www.youtube.com/watch?v=SDrY-tzw5YQ&feature=youtu.be
(暫名)郭博士-中國人玩不起英國人的議會制度 (2016-09-01)

個人覺得最精彩,係郭博士响最尾的一句,發人深省,
真係中國人玩唔起呢套嘢.

作者: wisehunter 時間: 2016-9-6 12:58
梁粉棄議席保 689，打後繼續有鬥爭就繼續有 689。

作者: gate0144 時間: 2016-9-6 23:39

ryan5454 發表於 2016-9-6 06:38
我估劉小麗，青年新政團隊及朱凱廸。
另外，建制d票好似想要幾多有幾多。加上（好似）票箱存放在選舉主任屋 ...

我都咁話

作者: bingo23 時間: 2016-9-8 00:26
【政情】青年新政梁頌恆從染紅之路走進黃傘 (連結有影片)
http://news.now.com/home/local/player?newsId=159340

【now新聞台】區議會選舉結果，引發大家討論的是政治素人抬頭。主持今集《政情》的，不是大家熟悉的面孔，而是由我們兩個為大家分享一些這班政治素人的政圈耳語。

最觸目的，當然是青年新政。他們派人在黃埔區硬撼梁美芬及劉偉榮，一勝一負吸引不少傳媒注視。大家談起傘兵，幾乎就把青年新政當成代表。文字開宗名義，用雨傘革命來作引子，但就沒有任何他們參加佔領運動的相片。青年新政召集人梁頌恆就說，他們當時有到過不同佔領區。

我們向一些學聯成員打聽，他們說佔領期間，確實有人接觸他們，提出應該傘落社區，但肯定不是青年新政成員，也對他們沒有任何印象。

青年新政引起傳統泛民政黨討論，當然還包括他們提出要與公民黨在新東補選中舉行初選較勁。我們聽聞，公民黨在區議會選舉初期，與青年新政關係還算有交流，甚至曾經派人與青年新政分享選舉心得。不過，選舉還未結束，大家還在想辦法化解建制派鐵票時，公民黨竟然收到青年新政的來信，說想在新東補選中先作初選，令公民黨內不少人感到驚訝。

其實在區選之前，民主黨也嚐過青年新政的挑戰，雙方更引發罵戰。民主黨私下說青年新政是建制派B隊，青年新政否認。

從結果來看，在青年新政與民主黨在三區硬撼，兩個加起來票數都較民建聯高，但因為分薄票源而落敗。

青年新政召集人梁頌恆，原來也是學界「老鬼」。他07年任城大學生會會長。當年遴選委員會推薦郭位做新校長，梁頌恆都有接受傳媒訪問，還表示支持郭位。

我們又在北京人民大學一段07年的新聞，當中還引述梁頌恆說，期望透過這次交流團，能加強兩校學生會合作，日後更好地開展工作。一些城大「老鬼」跟我們說，梁頌恆當年與中聯辦青年工作部處長張學理頗熟，與中聯辦有頗多的交往。

梁頌恆回覆我們時承認，當年與張學理見過三次，但不覺得自己與對方熟，返內地交流也不代表認同對方立場。究竟梁頌恆是否因為一場雨傘革命，令他加入泛民陣營？還是如民主黨所說是建制B隊？相信泛民要去車公求返枝籤。

作者: erict 時間: 2016-9-8 17:05
　　買親孖T三T成日斷一兩關，指出青年新政似乎真係鬼，中晒！仲有不少網台話佢哋變相為香港帶來希望，瞓醒未呢？搞港獨，入到閘，仲據聞喺中銀開到戶口，調轉你係中銀香港Number One，你夠唔夠薑比佢開到戶口？怕唔怕有一天阿爺雙規兼抄家？究竟中銀香港阿頭係咪真係傻到唔知有呢個後果？
　　新界西三幾個大佬係明知輸梗定係戀棧權位？馮檢基玩開西九，為何去新界西？三幾個人加埋成十萬票，連同其他友，足以搗亂大局。
　　鄭家富撈咗二三十年立法會，呢一舖同范國威拆台，盲嘅都睇到，有咩嘢令到佢來個大U-turn？
　　就當港大教棍真係好天真，成事不足，敗事有餘。睇佢都成五十幾歲人，係咪真係咁天真？真係天曉得。
　　老實講，要害盡無數人而上到位，呢D錢我就唔敢賺喇，好驚有Dr講嘅花報（唔知有無寫錯）。

　　你問我，我就唔敢講拆到個局......特別係第一點。

作者: 莊得智 時間: 2016-9-8 18:57
本帖最後由莊得智於 2016-9-8 18:59 編輯

[backcolor=rgba(255, 255, 255, 0)]Erict 兄我同你睇法有d出入，我認為共產黨依盤棋裡面有明鬼有暗鬼，最可疑既未必一定系鬼，共產黨目的系要你泛民鬼打鬼互相攻擊同

作者: 莊得智 時間: 2016-9-8 18:58
本帖最後由莊得智於 2016-9-8 19:02 編輯

過多一二屆時機到泛民再吾團結小心輸到趴系到，同最驚小鬼好似美國拉登甘到時小鬼變大鬼

首先我吾覺游蕙禎未必系鬼，因為我見佢真系傻下傻下吾似甘醒目做到鬼最多比人利用，但我見佢選完面相
即刻變左好多
至於肥佬黎同戴耀庭依班人甘多年黎都系做埋依d野想做民主大佬控制選舉
但問題系雷動計畫頭一星期得一萬會員到最後一星期突然有四萬，跟住朱海迪羅冠聰都甘多票我懷疑系共產黨灌落去，到下次選舉一次過抽起曬，你泛民輸凸，當然我仲未諗通條數點計

黃台仰依個人最初系光復行動靠廣粗囗罵市民同差人起家，d行為成個古惑仔甘，但上到毓民個網台同梁天崎二條友仔廣野陰聲細氣扮曬斯文，之後魚旦革命吸曬本土d支持，選舉時一同熱普城反面可以即刻得到輔仁媒體支持，唯一解諗到
黃台仰同梁頌恆系同一條缐，因為依二隻友都系渣住資金來源，梁天崎就系替死鬼，首先魚旦革命推你上神枱，頭大左就叫你去同朋友借錢，跟住dq左冇得選冇錢還，焗住支持青年新政同熱普城反面

作者: erict 時間: 2016-9-8 19:27

莊得智發表於 2016-9-8 18:58
過多一二屆時機到泛民再吾團結小心輸到趴系到，同最驚小鬼好似美國拉登甘到時小鬼變大鬼

首先我吾覺游蕙禎 ...

　　一張太空卡當你五十蚊，四萬張二百萬，加埋另類IT技術......一場選舉，幾舊水你話係咩錢呢？要做到有幾難？

作者: KenFong 時間: 2016-9-9 19:28
不要再談捉鬼了，應該學習博士的正觀、正念、正能量，只是短短幾天時間，就從大動肝火，轉識成善用新血新氣像，而且更主動聯絡幾位新血，傳授錦囊，教授如何在獨木橋上走四年。

往後立局開會，氣氛應該比以前祥和，正所謂：
「係人?! 係鬼?! 總之做到野就係好計！」。

事實勝於一切，立局開動，看未來社會、民生如何就是。

歡迎光臨天羅地網 (http://farflunginfo.com/)