天羅地網

標題: 20170108郭博士開示【被人搵笨招貴人】 [打印本頁]

作者: 容燥兒 時間: 2017-1-8 13:43
標題: 20170108郭博士開示【被人搵笨招貴人】
《與所有群組分享、請貼上網》

【被人搵笨招貴人 v.2】

村長有貴，你問我點解咁多貴人?非常簡單，只要有人肯嚟搵你笨實，已証明你有笨實本錢，一般人揾揾下就唔好意思，就會介紹返啲人比你賺佢錢，自己會舒服啲，呢啲就係人性，所以當年我開修車廠時，凡是差佬工錢多數是任比，有時啲人三更半夜死火，都會即去攪掂，並拒絕收費用，等佢感覺欠你人情。

--/這是課室內不會教的學問，十個揾你笨實，只有一個良心發現，你想窮都幾難，我本身乜都無，所以夠胆去睹良心，不過重點是讀者文摘老闆提醒了我：上帝做的人係唔會去揾人著數，你要對人有信心，否則你會活得很辛苦!

同學：博士，你這樣說已經絕對是「開示」了！

郭博士：無野帶來呢個世界，係無得輸。連良心都唔敢睹，表示自己個心污染了，隨時會連自己都信唔過，這樣的人想有貴人相助，等如問和尙借梳!

同學：絕對正確

郭博士：你要感覺到自己良心，才會相信別人一樣有良心，一般人無良心感覺，所以不信人是正常。感召不到貴人出現亦是正常!

同學：看來這就是博士你曾經說過的「佛祖加持力量」啊

郭博士：佛祖即大宇宙本體智慧。世俗人要先取，覺悟才懂得捨，如果我連取都無，又何需要捨呢!當頭一棒喝捨個什麼!

所以在印度只有最低層的賤民才有資格點引聖火替人火化!皇帝都無資格!

Dr郭謹泐！
08/01/2017

作者: 大樹人 時間: 2017-1-8 14:04
[size=36.0276px]世俗人要先取，覺悟才懂得捨，如果我連取都無，又何需要捨呢!當頭一棒喝捨個什麼!

呢兩句，好咩咩咩喎。
有無師兄講下睇法?

作者: chris99991 時間: 2017-1-8 15:13
唔係賣人情咩?
真搵笨??
有冇其他例子... 呢個好難理解(或者我誤解?!)

作者: 大樹人 時間: 2017-1-8 15:26
本帖最後由大樹人於 2017-1-8 15:29 編輯

連取都無，又何需捨。

啱啱諗到咩意思，即係咩咩一物，咩咩
惹塵埃的意思。

作者: chrisX9 時間: 2017-1-8 20:37
任比係一狠辣招數，除笨有精。

十個笨實一個良心，任君放縱一試。

心已染污了，隨緣受業，自當一力承擔。

奉行天網金句︰但行好事，莫問前程，可也！

作者: 容燥兒 時間: 2017-1-8 21:54
C9網友，你尾兩句。

真的發人深省。謝謝分享。

作者: wwkin 時間: 2017-1-9 22:08
既然連取都無咁用乜目的係呢個世界努力，唔通用還債心態。

作者: 容燥兒 時間: 2017-1-9 22:14

wwkin 發表於 2017-1-9 22:08
既然連取都無咁用乜目的係呢個世界努力，唔通用還債心態。

wwkin網友的說話,令我想起了中道.

作者: 容燥兒 時間: 2017-1-9 22:17
果日聽咗呀潮洲大師講.唔知佢有無講錯.

就係處於,有同無中間,

即係既係有,但又係無,

作者: 容燥兒 時間: 2017-1-9 22:19
本帖最後由容燥兒於 2017-1-9 23:39 編輯

所以我哋既係無,但又係有,

既然我地都係重係有的情況下,就不能完全放棄爭取,
但其實我哋又本身係無,所以又唔使太執著,博命攞太多又唔應該.

要做到塔塔冚,應取則取,應捨則捨

作者: erict 時間: 2017-1-9 22:36
本帖最後由 erict 於 2017-1-9 22:38 編輯

　　我估計係咁：有人搵你做嘢，目的可能係：一，佢等人用而你有能力，二，佢欣賞你有能力但未交過手，唔知你能力去到邊。

　　以一般情況及用上商業上的價格談判，即使佢知道你做到嘢，但未知你有幾高能力，大多數人初頭都會以試的心態對待。即使去街市有檔嘢新開張，明知D嘢好好食，店主都可能用減價招徠，正是唔怕你精，唔怕你呆，最怕你唔來。而站在顧客方面思考，亦有風險，因為始終都未試過，有幾好食，到最後都係停留在聽人講。如果用較低成本一試，或會踏出第一步。好喇。一試過，好食，店主又有功夫又均真，假以時日，慢慢加價加上去都未遲。

　　而博士講佢以前整車對住差佬都會任比，無價錢，因為，當時身為差佬，疊水，又可能有不少差佬夠豪氣，見你反而任收，唔詐型，亦可能捉正差佬個心態，因為如果身為差佬又正正係果陣時個個都要型，好多時英雄地最怕比人唱，所以，明明整完車應該係收二十元，差佬都可能豪D，比夠二十五三十元。而有一次博士講，整好車時，先打電話去打聽阿Sir心情靚唔靚，整笛好架車阿Sir又happy，九成可能醒多一個幾毫。

　　因為所謂比人搵笨實，至少你有少少能力在某方面先，如果你無能力，人哋連搵你笨實嘅機會都無。但如果你真係好有能力，次次有難題，係搵你至掂，可能對方都唔敢睇輕你，或者刻薄你。因為去到某個位，如果你比人另類包起（即係某大公司以高薪請你），佢即時連一個可以幫到手的好伙伴都無，到最後最蝕底果個一定係搵你笨實果個。

　　郭博士的開示令我想起心量一定要大。我都見過好多左算右算，自作聰明，倒頭來係一場空，咩都無。正如以前打工，見過有條友外國番嚟，扮晒有質地，一食飯埋單，例唔比錢，人哋幫佢比先再夾番，佢就永遠扮失憶，踢一踢至郁一郁，哎呀係喎咁樣，扮懵扮到出神入化。之後，人人都怕左佢，唔敢搵佢食午飯。到最後，邊個損失最大？

作者: chrisX9 時間: 2017-1-9 23:06

wwkin 發表於 2017-1-9 22:08
既然連取都無咁用乜目的係呢個世界努力，唔通用還債心態。

啊 ..... 取是空，捨是空，債是空，心態是空。

這個要郭博士跌 D 錢落大家個袋至明白啦。

作者: 容燥兒 時間: 2017-1-9 23:42
感謝c9網友的空空空空,睇怕要嗒返一段日子先掂.

作者: 容燥兒 時間: 2017-1-9 23:45
erict網友,

感謝你的睇法,睇完有win win的感覺,

但要win win前.自己要主動........................跌返多少出去先.
拋磚引玉,做生意都要本錢,揾大錢都要本錢.

咁揾貴人都要本錢先掂.個本錢就係自己有料.但要都要跌多少.

作者: yc_ray 時間: 2017-1-10 09:40
呢個問題都有少少同感。不過我就睇人。所以唔能夠講我係「被搵笨實」。更多係「賣個人情」。
「搵笨實」的標凖好難界定，要是你知道對方係「搵笨實」而不計較地被搵，咁應該屬於「賣個人情」吧。
反之，若你不知對方係「搵笨實」，咁的話係唔足以構成有無賭上良心嘎喔。因為本身自己唔知啊嘛。
所以都呢個問題都幾頭痕嘎。

作者: erict 時間: 2017-1-10 12:37

yc_ray 發表於 2017-1-10 09:40
呢個問題都有少少同感。不過我就睇人。所以唔能夠講我係「被搵笨實」。更多係「賣個人情」。
「搵笨實」的 ...

　　家家有求，其實到最後計條數都是誰需要誰。
　　李生檔生意咁鬼大，十幾年前已經發債券，無記錯的話係年息都有成幾厘（十幾年前在信報睇到），好似仲高過好多大投資銀行債券基金......其實李生都有所求，用個牌頭引入現金。真係好睇個情況是誰需要誰。
　　如果換一個方法演繹，搵笨實就係退一步海闊天空。要取決於賣$100而三日發一次市，還是$60而貨如輪轉；要求精選客戶還是不停擴大商業網絡，都好視乎你做緊邊一行。但如果純計賺口碑，例如：喂，果個erict係傻仔嚟架，出面賣一百佢賣六十，貨又一樣，去佢度買賺四十，點解唔去先？唔去佢度買我就真係傻仔喇......759就係咁樣日日做傻仔，傻到可以上市（雖然呢一兩年生意差D）。

作者: yc_ray 時間: 2017-1-10 17:57

erict 發表於 2017-1-10 12:37
　　家家有求，其實到最後計條數都是誰需要誰。
　　李生檔生意咁鬼大，十幾年前已經發債券，無記錯的話 ...

我喺大陆呢邊的網友，故不知759。剛維基佐下方得知。
佢薄利多效的模式其實唔係做傻仔。
香港係點稱呼呢種模式就唔清楚，大陸呢邊叫「散貨」。
「散貨」玩資金流。表面佢傻仔。實際其獲利途徑不在賣貨利潤。而在圈錢（大陸呢邊的叫法）

呢種圈錢模式好比UBER。UBER貼錢比客人坐車。根本無想過在車費中獲利。
表面都係傻仔。貼埋錢比人打車，還要補貼司機。
但實際UBER是4天才發放工資給司機。換句話就是全世界的車費有4天在UBER手裡。
這4天的車費到金融市場轉一圈。。。就呵呵了。

作者: wwkin 時間: 2017-1-10 21:10
因為因緣和合所以無我所以無取所以無捨
你覺得有取是一種幻覺，根本連取都無得取。

作者: erict 時間: 2017-1-10 21:12
　　做人肯蝕底肯行多兩步，其實真係有著數，表面睇可能係傻仔，其實可能係天道酬勤。肯捱義氣又平靚正，又唔會諗嘢諗到仙屎位，真係唔荒無機會出頭。

作者: 容燥兒 時間: 2017-1-10 21:14
本帖最後由容燥兒於 2017-1-10 21:33 編輯

謝謝wwkin網友的分享。

明白了。

以下呢段姐妹講啲嘢，真係發人深省。
雖然佢講嘢粗俗啲，但講嘢夠真實。

作者: 容燥兒 時間: 2017-1-10 21:14
https://www.youtube.com/shared?ci=cHSE4mdQp1g

Screenshot_2017-01-10-21-09-50.jpg (596.75 KB, 下載次數: 276)

作者: wwkin 時間: 2017-1-10 21:42
以上呢個姐妹要學下被人搵笨招貴人
咁現實點比人搵笨，但都要有野比人搵笨同有人搵你笨。

作者: odin 時間: 2017-1-13 01:59
一般人被人揾了著數，都會忿忿不平。因為一般人被不想被人標纖做"傻仔"。
問題是要問清楚內心的所謂忿怒，是天然的義忿，還是被人為加上去的偽情緒。
正如很多香港年青人會為沒有真普選而噪怨巴閉，被D民主政棍話你比中央揾了著數，人點上街，擲石頭。

但一般民生問題，医療制度的缺陷，工程超支，露宿者被人趕盡殺絕，卻無人出來張聲！明明做晒傻仔，仍要扮晒有型，扮晒有理想。

作者: 容燥兒 時間: 2017-1-13 02:57
本帖最後由容燥兒於 2017-1-13 10:49 編輯

https://youtu.be/U_okjP0-LPQ

短短3分鐘，郭博士說話中，已經暗藏不少玄機。教埋人點樣比人揾笨，，，，，，賣人情。

值得一聽再聽，嗒真啲。

Screenshot_2017-01-13-02-55-12.jpg (649.97 KB, 下載次數: 278)

作者: 容燥兒 時間: 2017-1-13 10:50
順勢也感謝網友們的意見。

也是一種寶貴的經驗之談。

作者: alexwush 時間: 2018-1-15 16:07
視人生如夢幻，講到無得好講就講本體，係好後期嘅大乘佛學思想，並非原始佛學。博士表面推原始佛學，骨子裏係大乘

作者: alexwush 時間: 2018-1-15 16:11

容燥兒發表於 2017-1-9 22:19
所以我哋既係無,但又係有,

既然我地都係重係有的情況下,就不能完全放棄爭取,

捨係最不負責任嘅做人態度，我問你係唔係事連人義道德都捨棄。

作者: erict 時間: 2018-1-15 17:15
　　最近回顧了一些事，深深感覺比人搵你笨其實好著數。至少，你有一個舞台發揮先，舞台都冇，你難以顯身手，識飛都死。
　　搵笨，個個定義可能唔同，但好肯定嘅係，人人學做一件事，都有過程。過程，包括金錢，時間等等。前者，即係交學費；後者，你會更能掌握某事，功多藝熟。
　　玩任何一個遊戲，表面同內裡絕對係兩回事。計蓆面條數，多數冇錯，其實咁先死，一路錯落去；從另一層看，明明係蝕底，但回頭拉勻條數，竟然係正數。事關好多嘢我認為唔係純粹數字咁簡單，你賺到嘅可能係口碑，人哋介紹，撻長計。如果用公司計營業額，所謂account management，一個客或一間公司成為你嘅客，係全部有得計，但如果你撒下種子，多邊投注，中一棍可能將來係顆大樹，就唔同計法喇。
　　再講，以搵食層面計，你好難單打獨鬥勝出一場又一場嘅競賽，如果用博士方法，變相有人同你賣廣告，又或者做多兩做，人哋睇呢條友育蝕底，又在過程中有交帶，說不定會入股，合作做生意，三七四六分帳等等，你自然可以有一個算係好嘅合作伙伴／拍檔／傳聲筒同你賣廣告，除笨有精呀！

歡迎光臨天羅地網 (http://farflunginfo.com/)