天羅地網

標題: 管不好自己咀巴的後果 [打印本頁]

作者: erict 時間: 2017-4-3 18:31
標題: 管不好自己咀巴的後果
　　曾碰過不少人，一坐低，不是說公司八卦，就是東說人家是非，西說好友的心底話及難處，那時已非常反感。因為，隨意把人家的東西，不管是好是壞，如數家珍，視這為家常便飯的話題，心中早已認定這類人絕對信不過。更嚴重的是，如果公司正在籌碼大項目，動輒可能以億計，反求諸己，你會唔會對這類人委以重任，分分鐘因為佢一兩句話唔見一兩億？有三幾次眼見這類人真的有事沒事就把人家的東西毫不考慮就衝口而出，非常非常反感。從來對這類管不好自己咀巴的人非常提防，早已認定是say hello一族，多句都無，最好唔好行埋嚟。

　　及後，有幸再三拜讀郭博士介紹的增廣賢文，文中有一句守口如瓶，防意如誠非常深刻，套用在各層面也有得著。

　　今天，香港有些一腔熱血的所謂搞社運頭面人物，正正可能沒有深究以上增廣賢文的八字真言而中招，實在是最好的反面教材。因口舌招搖，或可能係是非當人情，比老廉非常有誠意的請去飲咖啡。這種完全管不好咀巴嘅人，喂，以後搵阿茂信你喇！

BIG MOUTH.png (796.39 KB, 下載次數: 215)

BIG MOUTH.png

作者: chriswong 時間: 2017-4-3 19:19
在增廣賢文中，用這句也可以，"來說是非者，便是是非人。"
唔知點解早年已經好鍾意哩句 "相逢不飲空歸去，洞口桃花也笑人。" 把握機會，珍惜光陰。

不過哩條友，好似喺冇常識多。

作者: erict 時間: 2017-4-4 14:31
　　固然係無常識。但做人最基本的道義及應有心態係口德。呢D友知少少扮代表，驚死人唔知佢收到料，傻更更，一講出口即衰。稍有少少常識都知在法律程序下爆料，本身已可能有防礙司法，隨時拉得而多數入，尖啤就係咁。無論係口德，做人守則及丁點法律常識都無，真係流到嘔泡。

　　做人哋大佬都咁撚流，跟佢班友有無諗過佢哋跟邊個搵食？仲唔死得？

作者: linolin 時間: 2017-4-4 17:47
做人有做人嘅道義，以前老人家教落將口當耳仔用麻煩自然少；禍從口出都唔識。跟着佢呢D白馬黑搵食都尿壺養蛇危乜險!!

歡迎光臨天羅地網 (http://farflunginfo.com/)