天羅地網

標題: 多謝Dr [打印本頁]

作者: erict 時間: 2018-5-21 21:17
標題: 多謝Dr
本帖最後由 erict 於 2018-5-21 21:22 編輯

　　近日工作，去到某個位，需要教新人基本辦公室專業軟件及日常公司事務，而我要教的是女同事。

　　回家後，細心一想，唔多對路。一來工作間門口小，工作地方前面有個六尺櫃，如從外面睇入去，幾乎睇唔到人及工作地方，而工作間又冇閉路電視，而我則面對牆工作，後面的同事又背著我工作，新來的女同事坐旁邊。想到Dr講過「危邦不入，險地不進」，「懷疑你都死」，另外係類似男女共處一室「男方好危險」，仲有諗諗近月興起的metoo投訴王，例如果個什麼欄王在Facebook大聲疾呼個教練咸豬手（按：在討論區睇過佢之前同教練影相，係佢自己主動勾教練手影相，我相信絕少男人會勾人手影相，勾手九成九係女方或姊姊淘行為）。再諗一諗，個工作間一男一女，有咩事上嚟，個女同事無情白事齋喊你都死。欄王事件話比我聽，一遇到呢類疑似桃色醜聞，公眾係白痴，九成會X個男方，女方九成得到同情，再度一度，如果佢一大聲嗌，我真係由頭奶到落腳。即使我最後係冇事，街外人食花生睇戲心態，好事不出門，醜事傳千里，D友傳傳下，冇都當你有，真係水洗都唔清。

　　跟住，同某好友傾傾，因為一人計短，二人計長。再諗諗，都係制唔過，通知上司，我唔會教女同事。事緣為動機不止為自己，更加為公司著想。因為，如果上市公司一有醜聞，個股價分分鐘唔見三幾個%，有咩事起上嚟，邊個負責？而跟一跟Dr講，能夠保護自己，也是保護別人。此刻，再諗一諗有場棋局，三隻卒攻到城下，類似係雙車雙馬都鞭長莫及，如果因為個女同事大聲嗌一句，因我而起，著實過意唔去。再講，初到公司，對各類事仍未掌握好好，倒不如讓較有經驗嘅其他同事教。

　　再次多謝Dr！

歡迎光臨天羅地網 (http://farflunginfo.com/)