天羅地網

標題: 20190110時空識海外班分享 [打印本頁]

作者: 容燥兒 時間: 2019-1-10 16:46
標題: 20190110時空識海外班分享
好多同學或者都仲摸索緊，到底時空識點運用係日常生活入面。小弟最近摸到少少心得分享一下。
小弟從事互聯網行業傳播，經常接觸各行各業的商家。慢慢發現，時空識係世俗層面的運作相當有趣。
「時」，係大陸呢個大媽特色社會主義入面營商尤其重要。最近大陸都流行“食政策”，咩叫“食政策”，就係20年前你做農民就係等待脫貧的人群，今日你做農民，就係“新農民”。新農民就威水咯，配合住個吹到天上有，地下無的電子商務。施行產地直送，無佐中間環節，加上國家大力發展農業趨勢下，不斷比錢補貼。不管你做實事又好，打住旗號cap水都好。反正都發過豬頭。
「空」，顧名思義空間，原來空間係直接影響一件產品的好壞的。一般人覺得，我產品品質靚，價錢靚，咁一定搵錢嘎。非也非也，原來係會虧到渣到無。舉例，近日有個客戶佢係做代理日本的汽車機油，入佐批係日本當地質量非常靚的油。價錢都非常靚仔，按道理掂硬嘎。點知擺來中國一賣死得，原來中國車D機頭本身就好渣，加上環境質量不如日本。一入D靚油，D車搞到燒缸。日日有投訴，虧到渣都無。竹門要對竹門，你D野靚又便宜，反而D低端野會“虛不受補”，本來係靚野，都會做死。相對世界啊，開始明白博士推產品點解要賣得貴。
「識」，意識，見到將就係指人，人就即系市場。咁意識點應用係市場呢？人以群分，物以類聚。原來唔同的人，對於唔同的字眼、用詞、顔色、形狀係特別青睞的，呢個就係博士所講每個生命都有振頻，同某事物只要match，就掂，玄D講，呢D咪叫緣分咯。所以我地做產品投放策划時候所用的設計、文字、slogan，都能夠運用到呢點去做，自然就幫客戶做出效果。
時空識，運用係工作上有好多體會，從中自己都學到好多好多野。係日常生活中周圍都係時空識，開始明明地博士講”日日都用緊“；”十字街頭好修行“係乜一回事，感謝博士七年以來不辭勞苦的教育。

作者: alexwush 時間: 2019-1-10 17:52
你口渴想飲水，你唔須要擵七年先知水有解渴嘅你作用卦，好明顯明空識對解決當前問題冇用

作者: 陳柱民 時間: 2019-1-10 18:27
賣得貴先可以皆大歡喜, 否則無人得閒同你「共同體」, 寸步難行了。

作者: odin 時間: 2019-1-10 18:33
感謝網友分享、你話時空識係幾咁重要。

歡迎光臨天羅地網 (http://farflunginfo.com/)