天羅地網

標題: 如果郭博士師父冇收郭博士錢，點解郭博士要收錢？ [打印本頁]

作者: nickykll1 時間: 2014-1-27 20:26
標題: 如果郭博士師父冇收郭博士錢，點解郭博士要收錢？
如題...............

作者: WongKamMing 時間: 2014-1-27 21:01
本帖最後由 WongKamMing 於 2014-1-27 21:17 編輯

請勿搞錯，錢不是郭博士收的，是捐給國際釋迦文化中心的

作者: Alexng 時間: 2014-1-27 21:14
師兄，唔係好明你想講咩喎！！

作者: johnsonweed 時間: 2014-1-28 00:08
本帖最後由 johnsonweed 於 2014-1-28 00:22 編輯

其實又有誰知道博士尋求此類知識付出了多少呢？這種知識不易尋求而博士又知道，固中因緣困難又有誰明白。付出的可能比起衆學生付出的更多。另外博士之前亦說明收錢的原因，費事比因果糾纏，就好似醫生收錢醫人咁。其實聽晒睇晒博士嘅節目，就會好了解博士做事嘅因由。

原所有人健康快樂。

作者: jingiou 時間: 2014-1-28 08:20
未能上到堂相信不止你一個，既然緣未到，條件未有，不如由現在開始增強自身的福氣：念祝福文，設錢箱，迴向眾生，多做善事，但不用想著做過的好事，宇宙因果力自然運行.

祝健康富貴有智慧

作者: 江上月 時間: 2014-1-28 11:46
TO: NICKYKLLI

原來你唔知現實世界金錢就係上帝，所以縛同情。十幾年前郭博士在伊館開講座，都收咗成６００萬，呢次講座應該每位收幾萬至啱數。

作者: 教父 時間: 2014-1-28 12:20
三千八好抵........

作者: rich38profound 時間: 2014-1-28 13:18
"人"通常都会是這样子的：
人家若说分文不收;他们肯定不会(懂)珍惜地；努力地去学习的！
不会感激博士的厚爱恩泽；以为是奉止(老奉的),
更左右盘算人家的意图动机!!
结果最怕可能出现的情况:
好的听不进;不好的却形成一大堆!!

作者: chrisX9 時間: 2014-1-28 13:28
純粹吹水

今時今日係師傅搵徒弟既年代。
當徒弟準備好，師傅就會出現。
nickyll1 老弟，加油！！！

作者: johnsonweed 時間: 2014-1-28 15:23
師兄，其實佛經都有講，有神通對證悟未必有幫助，佛在世時神通第一的也改變不了因果。沒有也不是損失。若果師兄不是為了證悟，相信師兄因緣未到。不過也希望師兄想的都會得到。本人也沒錢，如果師兄想要的，在下也可贊助數百，可pm我，完師兄的心願。

作者: artai 時間: 2014-2-6 22:21
本帖最後由 artai 於 2014-2-6 22:41 編輯

首先, 我唔係郭先生的信徒, 又唔係參加上課堂的會員, 繼而, 我係信道家的人, 由我話你知佢點解要收你錢!

原因係: 師徒關係
大家唔夠料做佢徒弟, 只係佢見香港咁O既情況, 唔培育一下向善的種子, 香港前境會向負面發展! 本來呢D事, 未必關佢事, 但佢對香港O既情意下, 佢願意埋下呢D種子!

佢唔係你地師傅! 佢只係你地O既老師, 老師係: 你俾左學費, 佢教完講完就算, 呢個係現代人的老師和學生間的關係! 如果, 佢免費教你, 你就係佢徒弟, 但你係想做佢徒弟之前, 先問自己, 是否有能承受一切的大智慧?是否有能承受一切的福德? 不明白的話, 去看看 <<聊齋誌異>>裡陸判和朱爾旦的故事! http://big5.china.com/gate/big5/ ... 201203/9430331.html

繼而, 個人覺得HKD3,800上個開腦班, 點醒你做人處世, 開你第一道人生真義之門, 絕對係抵俾! 九年免費教育裡, 你學到的, 只是書裡的死智識, 就算俾你讀埋大學, 你都未必會懂得如何做個真正O既人!! 如何能做到一個似樣O既人!! 上完開腦班, 你起碼會懂得, 你點解黎到呢個世界? 點解你係人? 只要博士肯教, 你一定學到你人生未必會能學到的事, 唔好咩?

如果唔係郭先生講:有宗教的人唔上得, 我都去報名! 只係佢講左呢個條件, 就足以證明, 我無緣上課! 那就隨緣~

作者: look4astar 時間: 2014-2-7 00:14
artai 兄，說得有好。希望樓主有所領悟 .....

作者: winto 時間: 2014-2-7 02:38

jingiou 發表於 2014-1-28 08:20
未能上到堂相信不止你一個，既然緣未到，條件未有，不如由現在開始增強自身的福氣：念祝福文，設錢箱，迴向 ...

我也未有緣份上堂，只唸祝福文，所以我同意你的说法。

作者: winto 時間: 2014-2-7 02:39

artai 發表於 2014-2-6 22:21
首先, 我唔係郭先生的信徒, 又唔係參加上課堂的會員, 繼而, 我係信道家的人, 由我話你知佢點解要收你錢!

...

说得好，同意

作者: CarmenNg 時間: 2014-2-7 14:19

artai 發表於 2014-2-6 22:21
首先, 我唔係郭先生的信徒, 又唔係參加上課堂的會員, 繼而, 我係信道家的人, 由我話你知佢點解要收你錢!

...

我們上完後,要做功課及分組,博士有跟進的.不是上完便算.$3,800是做善事不是學費.

作者: artai 時間: 2014-2-7 15:56

CarmenNg 發表於 2014-2-7 14:19
我們上完後,要做功課及分組,博士有跟進的.不是上完便算.$3,800是做善事不是學費. ...

我冇得上, 我點知呢... 哈哈!
下次博士開班, 可以放寬條件, 我好樂意報名~

作者: maharaja 時間: 2014-2-7 17:02
樓主除此帖外，亦曾因為三千八百元學費上課出帖，看此有所耿耿於懷。

很可惜，你還是未有所領悟，其實只要你用上真心，決心和腦筋，你是可以想到郭博士課的。

歡迎光臨天羅地網 (http://farflunginfo.com/)