天羅地網

標題: 博士好，我有問題～ [打印本頁]

作者: 陳柱民 時間: 2013-9-13 14:35
標題: 博士好，我有問題～
1. 打仗打到嚟，何處可逃？（前提：無錢移民）
2. 路見斷手斷腳的乞兒幫，該不該佈施？（會不會變成鼓勵賊人製造更多受害者）
3. 在貴珠寶店買回來的玉刮砂板有裂紋，阿媽唔肯用，說已「破氣」云云，可否換一塊？

謝謝解答～

柱民上.

作者: 鹿野苑 時間: 2013-9-23 02:22
1. 打仗打到嚟，何處可逃？（前提：無錢移民）
星期日去維園追個菲傭,結婚入籍移民去菲律賓

2. 路見斷手斷腳的乞兒幫，該不該佈施？（會不會變成鼓勵賊人製造更多受害者）
要察施

3. 在貴珠寶店買回來的玉刮砂板有裂紋，阿媽唔肯用，說已「破氣」云云，可否換一塊？
天然的玉會有自然形成的紋理,首先要分清楚係裂紋定係紋理,
無論係裂紋定係紋理都唔會影響正確使用刮砂法的功效,
阿媽肯唔肯用,就睇你用咩態度同點講,你可以講到刮砂時病氣由裂紋到放番出泥,
心病還須心藥醫

作者: Quattro 時間: 2013-9-23 13:59
TO: 陳柱民

可逢星期二、四、六下午４時至６時，攜同痧板前往萬福珠寶更換。

作者: maharaja 時間: 2013-9-23 22:11
鹿野苑好野。

作者: 陳柱民 時間: 2013-9-25 14:50
OK. 唔該 Quattro ~

作者: petertoyuen 時間: 2013-10-4 19:27
第1個我以我自己觀感黎答,
如果真係發生打仗又冇錢移民,我都拎把刀沖上去殺人算喇,
你冇錢去到邊都係死架喇,不如為國爭光,以身捐驅

作者: 陳柱民 時間: 2013-10-5 22:54
本帖最後由陳柱民於 2013-10-5 22:55 編輯

由於老媽說玉刮沙板有裂紋, 已破氣云云, 不肯使用, 我今天專誠拿到萬福珠寶店去, 看看能不能換一塊。

下午四點半才到埗, 郭博士已端坐店內, 道明來意, 博士二話不說:「過去自己挑一塊吧 !」

待我慢慢挑好了, 博士叫我把玉板給他祝福一下, 我很感恩。

我收好玉板後, 博士告訴我:「其實那不是裂紋, 是玉石的紋, 天下間哪有石無石紋的呢, 若有的話, 那只是倒模倒出來的吧」。

的確, 我以前認識一位懂玉石的朋友告訴過我, 以打針注色, 可以把玉器弄出很通透的綠色, 或其它你想要的顏色, 要辨認真偽不容易, 真玉的顏色是有紋理的, 而注射顏料進去的玉器的顏色反而極其均勻。

不過為了老媽願意使用玉牌刮沙, 我也算是完成任務了, 借此再謝謝郭博士啊。

歡迎光臨天羅地網 (http://farflunginfo.com/)