天羅地網

標題: 言論高調郝鐵川傳調返內地 [打印本頁]

作者: CarmenNg 時間: 2014-2-27 14:29
標題: 言論高調郝鐵川傳調返內地
言論高調郝鐵川傳調返內地
大家最近有冇發覺，中聯辦宣傳文體部部長郝鐵川有一段時間冇出現過呢？據聞佢近日忽然被調返內地，仲話會調任華中師範大學做政法學院黨委書記添。據講，佢職級冇變，屬平調。

○九年任中聯辦宣文部長本身都係學者，又曾任華東政法學院副院長嘅郝鐵川，自從二○○○年獲任上海市委宣傳部副部長後，仕途一直都唔錯，○九年八月就來港任中聯辦宣文部部長。
不過，郝鐵川為人算係幾高調，到埗冇耐就搵香港記者午敍，又就住香港嘅社會議題講啲驚人嘅言論，好似喺一○年時就話傳媒喺國家處理危機時應自我審查咁，結果惹來唔少嘅批評。
直至上月，郝鐵川出席一個午餐會，話香港如出現不可控制嘅情況，中央可以宣布香港進入緊急狀態。呢次係佢最後一次公開發言，近幾日就傳出佢調走嘅消息。

歡迎光臨天羅地網 (http://farflunginfo.com/)