天羅地網

標題: [分享]朋友機場和印度人奇遇事件分享 [打印本頁]

作者: alendice 時間: 2014-5-19 11:08
標題: [分享]朋友機場和印度人奇遇事件分享
前題, 我朋友係未聽過郭博士節目, 亦唔中意聽大道理既20歲頭後生仔, 經常要在香港機場工作
上星期5和他聚舊, 吃飯時他突然講起話自己而家經宣明會助養小朋友, 佢知我覺得奇怪, 因為跟佢以往個性有出入, 於是佢話事緣個幾月前嚮香港機場做野, 要趕住去一個地方執行工作, 迎面而來有個長髮老伯指住佢, 話佢行運, 朋友話唔知點解自己明明趕時間, 果刻卻同佢傾左半個鐘, 內容佢無講晒我聽, 部份內容係個印度人係印度修行, 話同我朋友有緣, 睇到佢行運, 話4月底會有好運, 夏天會出外旅遊, 我朋友同呢位印度人講佢唔信, 印度人就叫佢即時諗3樣野, 數字, 人名, 花名, 結果估中晒, 我朋友追問其故, 印度人話係佢修行既力, 所以睇到佢, 印度人繼續講話我朋友要多做善事, 對方感恩力宇宙會接收而將因果力傳到佢身上, 佢就有福氣, 又叫佢唔好講大話同做壞事, 就會有財運, 我朋友話世間好難有唔講大話既有錢人, 印度人笑而不答, 最後印度人因口喝話要走先, 對話完, 雖然事後我朋友仲係半信半疑, 但4月底佢加左比其他同事多一倍既人工, 而且亦有其他額外收入, 令佢深思印度人說話, 於是決定去助養小朋友, 而正巧我同佢吃飯原因正想約佢夏天去旅行

唔知點解, 雖然件事唔係發生我身上, 但佢既分享, 令我都有反思,
我今年先開始聽郭博士節目, 從中令我對因果有所感悟, 而身邊朋友有此奇遇, 談及因果力亦好似有種呼應感覺,
回想如果自己舊年或以前朋友同我講呢個奇遇, 我既感覺可能完全唔同, 呢D唔知係咪時空製造既機緣

作者: awah 時間: 2014-5-19 11:19
印度人繼續講話我朋友要多做善事, 對方感恩力宇宙會接收而將因果力傳到佢身上, 佢就有福氣, 又叫佢唔好講大話同做壞事, 就會有財運....

多謝分享!

歡迎光臨天羅地網 (http://farflunginfo.com/)