天羅地網

標題: *「一蚊」租地舖青年做老闆 [打印本頁]

作者: wu_peace 時間: 2015-1-19 08:55
標題: *「一蚊」租地舖青年做老闆
本帖最後由 wu_peace 於 2015-1-19 10:55 編輯

*「一蚊」租地舖青年做老闆

【太陽報專訊】【廖梓霖、周翠怡報道】 - 2015年 1月 19日

「一蚊地舖」助年輕人進軍飲食業！本港貴租擋住了年輕人創業夢，有善心女士捐出佐敦一間七百平方呎地舖的租用及管理權給香港青年協會，襄助有志從事飲食業的年輕人開業，象徵式每月只收取一元租金，為期兩年，鼓勵年輕人隨意發揮小宇宙。有意追夢的青年今日起可撰寫計劃書、遞表申請，名額只得一個。有創業專家認為舖位人流量多，適宜經營特色餐廳，建議有心創業者勿盲目跟隨潮流，宜設計賣得長久的「核心食物」，增加獲選機會，「依家無租金負擔，食物品質好就已經做得住！」

實用700呎可租兩年

青協推出新一期「香港青年創業計劃」，今日開始接受申請，計劃以往提供免息創業貸款、創業導師等支援服務，去年九月獲一位善心人士捐出一間實用面積達七百平方呎「清水舖」的租用及管理權給該會，供有意經營飲食業的年輕人以港幣一元月租承租，最多可租兩年，最快可於今年暑假營業。香港青年協會督導主任鄧良順指出，該地舖位於佐敦上海街二十八號一幢商業中心地下的二號舖位，同區同類地舖月租約五至六萬元，捐舖的善心女士合共持有兩間相連舖位，早年曾讓兒子從事零售生意，其後沒再經營，舖位便丟空至今，如果青協計劃成功，有心人說樂意再捐另一舖位。

近港鐵站規定開食肆

鄧良順稱，善心女士有感近年舖租瘋狂上升，主動接觸機構，提議援助「喺起跑線企得唔夠前」的年輕人。為公平起見，所有遞交申請表的人士都會獲得面試，「有啲人寫計劃書未必好，但好有創業思維。」捐舖女士亦主動提出參與面試，親身甄選舖位的未來食肆老闆。本報嘗試聯絡舖位持有人，惟對方以希望保持低調為由婉拒接受訪問。

記者到「一元舖」現場視察，舖位附近以舊樓和商廈為主，地點方便，從港鐵站步行五分鐘便到達，舖位所在地段有幾間餐廳及果汁店營業。本報再翻查土地註冊處資料，發現持有舖位者為從事製衣業務的劉胡鳳玲女士，記者再到劉胡鳳玲女士登記的又一村地址探訪，對方只通過對講機說一切會透過青協回應查詢及處理捐舖的使用。

三月中前須交計劃書

青年創業導師陸煜堃分析，現時年輕人經營飲食業的最大困難為資金壓力，「普通街舖已經飆到十萬蚊租一個月，再加埋人工，多數人因為咁做唔住。」捐出來的「一元舖」人流量高，地段好，陸煜堃認為，青年租到舖「唔怕無人幫襯」，反而需思考如何站穩陣腳，以及兩年後無「一蚊租」時，如何繼續經營，「如果只係追潮流，啲客趁墟食完就唔會返嚟」，建議年輕人構思高質素、能留住客人的「核心食物」當招牌，打好營業基礎。

鄧良順向有意申請計劃的年輕人提供「小貼士」，說計劃書宜有獨特色彩，「有經營秘技就最好」。缺乏營業資金的十八至三十五歲青年可在三月十六日前遞交申請，申請人需具備一年內開業的創業構思。

作者: wu_peace 時間: 2015-1-19 09:04

善人善事的新聞 , 確令人振奮 !

作者: 吳岩鷲 時間: 2015-1-19 10:17
最主要都係年青人要夠靱力.
如果唔係.做左兩做.見賺得少,無肉食,一樣之後又唔做,
最擔心呢樣野.

另外,最好多返d好似呢位女士咁架善心人.
等現今架人.多返d動感同創意.

因為周街可以食到架野.基本上無分別無特色.
因為大家都係要揾返份租錢糧錢,
多餘浪費時同揾唔到大錢架野.都唔會出現向宜家架街埔,
變左清一色,我係旅客,.都唔鬼黎香港,因為無癮/.

作者: hkvcdso 時間: 2015-1-19 12:10
一元租鋪、清水鋪、說就好聽？有好大的穩憂？
關鍵是2年合約？合約大短？指定開食肆？
一間清水鋪裝修連生財工具同還原費至少100萬費用？平均每月5萬多元？
員工大約10人連食材、流動資金最小都要50萬

開鋪最小要150萬資金

作者: hkvcdso 時間: 2015-1-19 12:25
開鋪分分鐘渣都無？

作者: hkvcdso 時間: 2015-1-19 12:47
做飲食租約3年死約2年生約共5年約的
唔係百多2百萬裝修費如何回本？

作者: hkvcdso 時間: 2015-1-19 14:27
本人見意開木方保健所、可以賣埋中成藥如地龍丸、夜光丸等等............
博士找20個學生做老細、每人出4萬做老細
總共有80萬、20學生輪流返工又實習？
每位病人收200元乘30個病人、每日收6000元、每月就有18萬收入做5個月就回本、以後的有賺無蝕？
30位病人後半價或義診都得？
裝修小、皮費輕、學員學有所用？

作者: moc 時間: 2015-1-19 16:23

hkvcdso 發表於 2015-1-19 12:10
一元租鋪、清水鋪、說就好聽？有好大的穩憂？
關鍵是2年合約？合約大短？指定開食肆？
一間清水鋪裝修連生 ...

鋪租一元，咁雜費呢? 會唔會重建比人踢走呢?

生意好時，會唔會倒狂加租迫走? 做生意最難係當業主見人好生意狂加租，呢下最致命。
無生意可以諗計，生意好，迫遷搵舖難。好舖難求。

作者: hkvcdso 時間: 2015-1-20 07:56
社會大學................凡事不要看好的一面？

「唔識睇貨好易俾人呃」

中原（工商舖）工商部營業董事劉偉成就稱，該處人流不多，也不是以食肆為主，租金沒太大變動，「嗰度聚唔到人流，因為一入夜好多舖頭都閂門，附近又得一、兩幢唐樓、公園，啲人消費、食飯多數行去尖沙嘴」。
一蚊舖機會當前，食肆老行尊如何「教路」？連鎖點心店添好運負責人之一麥桂培表示，一元象徵式租金對創業有頗大優勢，但對由經驗較淺的年輕人搞食肆就有所保留，「隔行如隔山，又唔識買貨，又唔識睇貨，唔係做開好易俾人呃」。他指人工與食材佔營運成本最重，亦最易有大變動，若控制不好「生意會好難做」。

作者: hkvcdso 時間: 2015-1-20 08:06
落場開波？自已唔識、又無班底、下下求人、等死
飲食最頭痛的是大廚的出品、一玩野死實............

作者: wu_peace 時間: 2015-1-20 15:31

** 一元租舖咁筍　一圓青年創業夢

https://www.youtube.com/watch?v=UjIGgneY4CE

作者: wu_peace 時間: 2015-1-20 15:46

其實大家不妨以欣賞角度去視之。

此項計劃是需要提交「計劃書」並須接受面試的 , 不是你個人單方面想做就成。面對香港的超高昂地舖租金 , 已令許多想創業者為之咋舌、卻步 , 生怕「日做夜做 , 搵埋都唔夠交租 ...... 」。既然現在可以省卻租金 ( 首兩年 ~ 開墾期 ) , 而此計劃又提供免息創業貸款及創業導師等支援服務 , 正是許多想創業者所渴求的啊 ! 經營生意當然要計算成本 , 大有大做 , 小有小做 ...... 故此要提交計劃書及要接受面試囉 !

祈盼那位女士之善舉能起示範帶頭作用 , 觸發更多善長參與贊助行動 !

作者: 101 時間: 2015-1-20 16:12

hkvcdso 發表於 2015-1-19 12:10
一元租鋪、清水鋪、說就好聽？有好大的穩憂？
關鍵是2年合約？合約大短？指定開食肆？
一間清水鋪裝修連生 ...

龍吐珠兄個然心水清

博士經常說,出面好多陷阱,

其實可能系班社企夾雜出面D人來棟9政府貸款額.

作者: wu_peace 時間: 2015-1-25 06:49

*【創業者心路】譚小環
https://www.youtube.com/watch?v=1C5jHf6_DG0

*【創業者心路】李燦琛
https://www.youtube.com/watch?v=L5oyJsHtIY0

作者: wu_peace 時間: 2015-1-25 06:51

【創業者心路】ROSEMARY
https://www.facebook.com/video.php?v=805997986099464

【創業者心路】河國榮
https://www.facebook.com/video.php?v=768754939823769

作者: wu_peace 時間: 2015-1-25 06:52

* (台灣) 高材生賣冰 8千元(台幣) 創業剉出百萬(台幣) 身價
https://www.youtube.com/watch?v=oxtqpjG_NY4

* 尋找香港：創業者
https://www.youtube.com/watch?v=pmzb5kF-QuU

歡迎光臨天羅地網 (http://farflunginfo.com/)