將所有問題“空咗佢”，係智慧還是逃避

alexwush

空性係佛學嘅最高智慧，咁博士答問題很簡單一句“空咗佢”攪掂晒，要做到空咗佢又唔難，問題係你要自己呃自己去到乜嘢程度。不過問題依然存在。

容燥兒

Alexwush網友:

我都想將問題空咗佢,如果識呢招,都玩哂。無哂所有問題。

但似乎大家嚟呢得呢個娑婆世界,就係因為呢度有問題比你解決。大家先要嚟。

琴日聚會問過,咩係空性。似乎唔係乜嘢都無哂咁嘅意思。

容燥兒

我部電腦又彎咗。。。呢啲嘢又要解決。

Rondey

空性即無常，萬事萬物皆由因緣和合而成果，無既定不變地永恆存在。
如此推論，
逆境毋需過悲，因無常的緣故，有機會逆轉，宜韜光養晦。
順境毋需過喜，因無常的緣故，有機會逆轉，宜居安思危。
以上是人世間觀念上的應用。

當然，空性是一種客觀的現象，並無任何感情色彩。
但其智慧內涵的使用，可謂一體多面，亦端視乎事主主觀的心︰心正則用於正途，心悲則用於悲途等。

但莫論如何，用途在宇宙間並沒有什麼正確不正確，因為所謂的對錯、道德只是一種世間人為的觀念。

(有錯輕插。)

Perry

掉番轉，把問題實左佢，咪搵自己笨實？！耿耿於懷又惶惶不可終日，心神不定，問題係咪就快左解決？

鬼佬成人有句掛在嘴邊 "take it easy, man" 就類像空左佢的智慧。

看事情又好，解決問題也好，始終用動態來相處，就自然會出到"空左佢" 的心得，總比什麼那麼"不呃自己"來得自在

wongs

純是個人的理解，經書少讀，幸勿見笑。
空性是 : 可有可無，正如火種一樣，在合適條件底下，就會出現。條件消失了就隱藏在宇宙中。毫不執著，來去自如，不受束搏。
可用於解決煩惱，但不是唯一的方法。

cwcheung24

On 9仔，空性一向都存在。只是你覺唔覺察到佢。正如"on 9仔"這個名詞(或形容詞)本質也是空的,希望你唔好嬲

alexwush

cwcheung24 發表於 2018-4-15 17:34
On 9仔，空性一向都存在。只是你覺唔覺察到佢。正如"on 9仔"這個名詞(或形容詞)本質也是空的,希望你唔好嬲: ...

我唔會嬲，我點會嬲，空咗佢咪攪掂囉，空唔度就交义你。不過空咗佢只係陀鳥政策，同掩耳盜鈴一樣。

alexwush

覺察空性，本身有語病，可睇度摩度嘅仲算空性咩

漢賢

龍樹菩薩就已經有十八空
心經就已經有講色即是空，是從心靈角度睇，
唔係講外在事物，但講外在一樣講得通，只係對修行唔重要
有啲可以空有啲可以唔空，
道，無為，無不為
說食不飽，好多正確問題都係要問自己既
就係每個思維係咪啱呢
係咪來自無明，係咪貪嗔癡慢疑
係咪慈悲，係咪只係諗自己
可唔可以做好啲
其他唔關事既可以空咗佢