印度電影:可憐天下父母心2017

容燥兒

https://drive.google.com/file/d/ ... 6R/view?usp=sharing

容燥兒

此套電影,在郭氏影院巳有。重係高清版

最近有新版侏羅2預告出,男主角就係第一集的Big boss.
我較少見佢做呢類無咩冷靜的角色。

講返故事內容,描述現今社會,祟尚名牌學校的風氣。
就算窮人都覺得名校出身,就可以為子女脫離苦海。唔使再挨窮。
有錢人就以唔好失面子為主要。

學校就變成咗挖金的地方,家長就將金送去呢啲掛羊頭賣狗肉的學店。
教出黎的學生,可能真係有張進入大機構的入場劵。
但似乎做人最基本就學唔到。就算滿口溜利的英文,人都唔值得尊重。

記得郭博士在節目中講過,家長自己為咗入呢啲學校。
都不斷講大話。自己都其身不正。又如何為兒女作榜樣?

觀看映片的同時,感覺到社會跟本係一個大學校。
只要你願意,無時無刻都有嘢學到。而且學校係教你唔到。
要靠自己不斷改進去適應。就正如片中主角一家。
在窮民區中都學懂好多做人嘅道理咁。

容燥兒

http://www.kwokscinema.com/

容燥兒

Login:  wisdom
Pwd: india

容燥兒

https://www.youtube.com/watch?v=xNuDapZDGYI
中国教育的痛，居然被印度人拍出来了，10分钟看完印度神片《起跑线》

容燥兒

: Checked. File as usual and have it downloaded successfully.
: You can try it on www.convert2mp3.net

erict

　　睇見起跑線，不禁動筆寫兩句。貫穿整套戲就係由因果而恨開始。

　　今日社會，有心人捉正豐裕社會中上層人士心態，先用恐懼為先鋒，玩一套啖啖肉但其實係棉花糖嘅遊戲，再教埋你子女點樣interview，亦可以將呢套手法反過來用，同樣收到效果，恰恰就係中國千幾年前老千方法（因為在公開平台，唔講呢套手法個名，以免有人知道一二而害人）。陰謀論講一句，個補習學校教你點樣喺回答interview時嘅問題，果一套model answer就係交底，就係密碼，要嚟打籠通。

　　遷入貧民區扮窮人爭學位，喺香港正正有此情況。若非主角良心發現，一定過到骨。

　　再睇到公立學校冇錢冇人冇社會及地方政府支持，但學生們不怨天尤人，竭力打好基礎。公立學校學生去德里學校表現完時，拍掌果一幕非常震撼。原來，掌聲來自你個牌頭，恰恰就是因為你著套靚靚老西去中環飲茶，待仔都招呼好D，這等心態，先敬羅衣後敬人，完全唔係因為你有內涵而稱讚，這就是現實世界，而家都仲有。

　　最令人心酸就係貧民區幫主角爭取學位果個大哥，因為主角冇錢交雜費，扮撞車搏懵幫佢籌旗，搞到周身傷而不問付出幫男主角。真係仗義每多屠狗輩。

　　但最令我感到震撼就係德里學校個校長。校長出身家貧，以前受盡有錢同學白眼，日日要幫同學做功課至有機會去玩。大個咗身在高位，忘記晒以前嘅苦頭，今日，反而用以前的怨恨對待社會，而忘記晒當日自己曾經因為社會比個機會佢上位。回顧今日社會上頭面人物，當日又何嘗唔係好似呢個校長咁？今日回顧從前，點解變晒？權力呢個兩個字確實係鴉片，令你有名又有利，日日追求，比性更興奮。追逐權力永無止境，個重點係你時常會有患得患失之感，今日好似有權力，聽日唔知點。為保權力又令自己名利雙收，可能因為咁，一而再，再而三，驅使你做盡壞事。反而女主角因為最後明白，即使得來的學位係不當，最後亦不會有好結果，懂得放手，不再為難男主角放棄德里學位，竟然天空海闊，想通了，就放手。

　　千祈唔好錯過呢套咁正嘅起跑線，非常寫實而正正在香港今時今日發生。