deleted deleted deleted deleted

lenlan

deleted deleted deleted deleted

theobald

大家看看是否合理,

Pigred Cheung：警察開槍合理的十四點理據  ｛編按：近日警員在藍田開槍擊斃持界刀男子，不少人質疑是否有必要開槍，又指警方持盾沒有即時危險、為什麼不嗚槍示警、即使開槍亦不應該射致命部位等。本文作者是前警察，他逐點反駁以上的說法，《評台》在此跟讀者分享：｝

1) 唔用警棍好合理，我唔係葉問、李小龍，唔可以空手格白刃或者用支爛鬼棍仔對一個失去理智的人，盲拳打死老師傅，唔好話有刀；

2) 有盾唔代表我安全；

3) 胡椒水可能令死者情緒反應更大，如果死者睇唔到野亂揮刀更危險；

4) 我相信警員與死者保持安全距離，如果死者突然衝向太太，果個距離未必可以用警棍處理；

5) 開三槍冇問題，如果打十槍個人仲有威脅，都要繼續打，打到佢冇威脅為止；

6) 史密夫威遜軍警十型點三八左輪長桿手槍七米內瞄一段時間都可以打中定靶，但果個人係會郁，點打手腳？鎗王？你打PS3一槍中手我話你叻！唔好話危亂中用真槍；

7) 左輪後座力大，瞄心口打中頭唔出奇；

8) 換槍啦！講左好多年，換曲尺又話子彈多、彈程遠、威力大，怕警察濫用 (多鬼餘)；

9) 打係要打目標中心點，唔係打手腳，全世界都係咁教警察；

10) 界刀冇威力？你問左朱振國警員太太未？界刀同菜刀同開山刀一樣，只要用作傷人，就係行兇武器；

11)警隊有專業訓練，點可以射死人！下？醫生仲專業，都可以醫死人，我冇怪醫生，因為好多野唔係諗咁簡單，醫生亦唔想醫死人；
12) 唔使下下拔槍！你幾可聽過警察拔槍？話行行街怕被警察開槍打死，我勸你睇心理醫生好D；

13) 向天開槍示警咪得！你咪傻啦，台灣試過有警察向天開槍示警，結果打中一個係露台的女人，就算打中天花，子彈都可以反彈打中無辜人，警察唔係用穿甲彈，可以直插石屎；

14) 係警察自己搞臭自己個朵，我覺得佢衰係冇問題！議事論事，今次同對示威唔同，界刀客唔係社民連或者人民力量，界刀傷人亦唔關政治事。其次，個人覺得警察處理好多示威都好專業，當年韓國農民仲笑香港警察「好溫柔」。

相關文章：
林超英也為警員抱打不平：高鐵、開槍：談矛頭指錯方向和「黑 + 金」時代

對警方質疑的聲音請看：從胡椒噴霧到三槍斃命︰警方的武力使用


原文載於作者fb
標題為編輯所擬

http://www.pentoy.hk/%e6%99%82%e ... %e7%90%86%e6%93%9a/