勤有功，戲無益？

erict

　　玩scrabble，絕對有好處。細路仔更好。十分鐘，最少識廿個生字。即使係撞中，都唔係問題，因為可以事後跟進係咩字。

　　一日玩一次，手機Apps可以免費下載，專同AI玩，睇下自己有幾多斤兩。一日廿個字，一年7,300字，五年幾乎可以了解英漢字典起碼六成生字，當常用字有一萬個，你考Toefl都叻過人。如果考到有1,000分，分分鐘有獎學金，Ivy League爭住收你。

　　商業社會現今仍以英語為主導，各人玩下都可以溫故而知新，非常著數。