中國末代皇后 翡翠首飾拍賣！

Nelsonlai

甜品、手袋之外，珠寶首飾肯定係女士至愛。香港蘇富比下月初舉行秋賣，其中一場有340件珠寶首飾，拍賣總估值超過7億元，重點拍品包括一粒估值逾1億元嘅8.41卡內部無瑕鮮彩紫粉紅鑽，仲有一套原本屬於晚清最後一位皇后孝恪愍皇后郭布羅．婉容嘅翡翠首飾，仲係首次有佢嘅首飾喺拍賣場出現。





婉容系出名門，媽媽愛新覺羅氏乃貴族出身。婉容以家族勢力入選皇后，17歲與溥儀完婚，溥儀1924年被逐出宮，婉容亦有跟隨，終年40歲。

【8.41卡拉梨形內部無瑕鮮彩紫粉紅鑽】　估價：1億至1.2億元

呢一套翡翠珠項鏈、馬鞍指環連同手鐲，屬於一位身處海外嘅年長女收藏家，婉容將呢套翡翠首飾送畀佢媽媽，媽媽離世後留畀佢一直收藏至今。

■郭布羅．婉容（左）與溥儀合照

【晚清翡翠首飾套裝　原為孝恪愍皇后郭布羅．婉容舊藏】　估價：200萬至250萬元

對於呢套具有歷史價值嘅拍品，估價只逾200萬元，蘇富比亞洲區珠寶部副主管朱燕儀回應話，希望有更多人可以參與競投，唔排除有博物館有興趣。