點解

晴仁

利申  ﹕ 晴仁絕對反佔中

1) 表達自己訴求有好多方法  咁樣由一班年青人亂霸地黎表達自己 會對社會有一個好負面影響  個個有樣學樣 真係唔得掂

2) 中國有十幾億人口  只要有百分一人有樣學樣  顛覆國家指日可待  雖然有好多人不滿共產主義  但都要俾時間個國家慢慢轉化  一旦政局不穩  死嘅都係無辜老百姓  中國本身已有好多派系鬥爭   維持一個繁榮安定嘅國家並唔容易

3) 外國勢力一向對中國俯視眈眈 一有機會  佢地會show no mercy!! 真係唔想有一日再一次八國聯軍 又或者軍伐割據  到時苦嘅又係老百姓  今日伊拉克係一個好例子

今日嘅年青人到底為咗出風頭先出黎搞事  定係真係懂得憂國憂民呢﹖﹖﹖ 真係做到憂國憂民者有幾人  呢個代價又真係太貴!!

man6552000

係我眼中, 呢個係一個不合作或者公民抗命運動, 並唔係佔中, 亦都由學生運動轉為集會示威人士自發運動

就我係過去見到既情況, 講吓我既睇法.

第一點 :
1. 訴求方法 – 根據過去幾年見到咁多場爭取行動, 無論係議會內外, 政府都無意接納行政會議以外既意見. 除今次普選之外, 就最近既係新界東北係立法會財委會, 功能組別點樣粗暴通過. 仲有咩訴求方法?
下面網台節目頭段已經有講, 如果有時間可以自己聽下再自己分析.
http://www.ourradio.hk/images/me ... mystery20140930.mp3

2. 對社會負面既影響 – 點樣為之正面同負面? 你話學生好粗暴, 我話學生勇敢 - 佢哋攞佢哋既前途嚟較飛. 事實上, 我係示威區觀察集會人士既秩序比起係地鐵站內有寫明規則仲要好.
下面條LINK, 我都轉貼過, 俾少少時間去睇吓點解佢哋會出嚟.
而將來係佢哋(包括全香港人既子孫後)面對既呢個社會, 佢哋無辨法唔緊張.
http://vimeo.com/104832413

man6552000

第二點 :
大陸情況, 在而家香港人嚟講, 不在考慮範圍之內, 因為要爭取只係自己香港港人應該有既. 高登仔已經講咗好耐”自己香港, 自己救”.
回歸前後都換咗三代領導人, 只見到”沒有最差, 只有更差”.
如果大陸個勢係向好, 相信都唔會咁多人出嚟爭取.
連帶香港都跟隨上面既風氣, 唔好講曾生等高官. 就前兩日, 有一個司機(唔知係唔係大陸人)去到老尖去到示威區,走既時候係銀包攞張一百蚊出嚟俾警察, 好在嗰兩位警察無收.

香港人連自己都幫唔到自己, 仲有咩能力理大陸.

第三點 :

如果中共當權政府得民心, 無人攪到你. 俗D講, 你有冇位俾人入到.

現實上,全世界有資源既國家都有攪其他國家, 記憶中幾年前新聞講有中資機構有捐款俾美國既政黨(唔記得邊個政黨).只差在係高手定低手啫.

真心講, 我都曾經希望中共會變得好, 香港會係一個美好既家園, 但而家已經死咗心啦.

就我見到呢班後生仔藉住呢次事件, 自發去組織行動, 佢哋可能將會成為政治人才.