神人投資專家教你：得四千應該點投資好？

wookawah

http://www.hothk.com/44194

笑話一則，只供娛樂!

真，四五千話多唔多話少唔少，我建議你上大陸搞生意，香港已經冇咩發展空間喇。你先去買兩張廣州直通車飛，就400蚊，再去信和買1000蚊咸碟，同佢講大量買打個折，應該買到50隻以上，要買鬼妹同日本妹的，唔好買其他，理由下面再講。
坐到上廣州你手上仲有100蚊，去買包雲煙5蚊，然後係車站旁邊睇下邊個蛇頭鼠眼，打個眼色比佢佢就知你想唱假人仔，90蚊唱500蚊番黎，同佢講要唱散唔要100蚊紙。唱完拎包煙出黎問佢食唔食，佢見你幫襯佢就有計傾，你打蛇隨棍上問下邊到賣咸碟好。
將淨低果5蚊打散，用1蚊搭巴士入城，搵佢講既地方。然後搵間士多買罐可樂，比唱番黎既假50蚊佢，找番47蚊真人仔，袋好準備最後用。
等到日落你就開始擺地攤，乜都唔洗，只要擺一塊黃布企係隔黎人地就知咩事。大陸憤青最憎架仔，暴發戶又媚外，你d架妹同鬼妹碟勁好賣。d碟唔係跟身，搵條後巷收好，有人黎就帶佢去收貨，一隻賣佢100蚊，一路賣一收收錢之餘一路將你d假人仔唱番曬出去。
賣完50隻，你應該已經賺到5000蚊，連埋你本身果47蚊+4蚊，已有5052蚊，你既利潤100%，冇野好搵得過咁。如是這你重複50，你既複利率收益已過億，可以買張武漢高鐵飛坐去溫州，用現金收購就黎執既廠，再請人造名牌手袋當真賣，不出3個月可翻10倍，到時應該有正牌注意到你，同你打官司，你就比5000萬個官庭外和解，跟住執左間廠，渣住9500萬番黎香港準備買殼股上市。
上市後洗人去蒙古做假新聞，話你間野挖到地下有稀土，即時炒起隻股，3日內再賺10倍，然後配股比基金佬配到自己既股份唔夠5%，你就正式引退，求其捐1000萬比仁濟醫院拎個名人身份黎做，再洗100萬登7張報紙支持政改同起高鐵，等特區政府頒大紫荊比你。
最後一步，就係等，等咩野？等天災。你最後需要既係一個機會，一有大型天災係內地發生，你捐會副身家上去，然後係街執垃圾比香港傳媒影到，舉世讚美你，1年內就做人大。
做人大後你有得選舉共產黨既常委，選自己，呢個時候唔好忘記你當初留低既47蚊+4蚊，去搵萬裡，佢係中共前朝唯一未死既大佬，你拎呢52蚊出黎話係你全副身家，佢會深受感動，重拾共產黨當年起義既激情，結果拉人隊幫拖投你，以佢既影響你你足到被委任為黨主席，去到呢步，唔洗再講啦...

hkvcdso

有四五千、都係二餐一宿、被委任為黨主席，都係二餐一宿、不用強求？

jackychan

去工聯會學推拿，按摩，按蹻。。 一生受用。