工作前途的抉擇（望郭博士及網友請教）

focuswise

本人自人網時開始聽郭博士節目，最近面對搵工事宜，有困於抉擇，冒昧向郭博士及網友請教。現述如下：

背景（浮沉audit 十多年）
本人年過三十，已婚，有女10個月大。

大學甫畢業便從事核數行業(audit industry)。起始在一間second tier firm (即4大核數師樓以外，較具規模的核數師樓) 工作，6年多晉升致assistant manager。但因工作量大及信心不足，還未完成會計師專業試(QP exam)。為了完成考試，毅然辭工，轉去細核數師樓(local firm) 工作。

當時仍金融海嘯後兩年。因市淡及未完成專業試，唯有接受新工降至audit senior。 憑本人audit的經驗及工作不苟，1年左右升至audit supervisor (主管），兩年內完成專業試。種種原因，在這local firm 過了4年，仍是主管。

我很想重投second tier firm，因出路不俗，可闖一番事業。自問在核數經驗及魄力上可應付，但履歷(resume) 遜色，多次求職也得不到second tier firm睛睞。上年7月中轉去一間有上市公司核數(listed com audit) 的local firm做主管，以aufit-in-charge身份完成其中一間上市工司核數工作，豐富了resume. 今年6月底因事祼辭。

機遇 (兩份offer的苦惱)

祼辭後努力搵工。7月中獲得一間有超過30間上市公司核數的second tier firm面試，職位是assistant manager。想不到最大合伙人直接電郵本人相約面談。面試中自問表現不錯。其後等待消息。然至7月底，仍無音信。

因家有一妻一女，不能再失業下去。遂8月初再找工作，核數(audit) 及會計(account)也試。即日收到一間小型corporate service 公司邀請兩日後面試，職位是account manager。與大老板面談融洽。翌日應邀二次面試並簽約，8月中返工。當中與該老板有君子協定，口頭承諾簽了約，便彼此有承擔（即她不會另聘別人，我也不會轉投他方）

兩難 (君子承諾與工作前景)

本人實欣賞7月中獲面試那間audit firm，所以與corporate service公司簽約翌日，直接電郵該合伙人，告訢他本人已受聘並感謝當初給予本人面試機會。不料當日黃昏（8月5日），該合伙人致電給我，說他因公事煩忙，一時疏忽，遲了聯絡本人，並願聘本人為assistant manager。

本人婉拒，解釋有君子協定在先。然合伙人再三遊說。大家談話客氣，他沒有相迫，重點為我陳列audit及account職業出路利弊，著本人三思。我說再三思量，數日後答覆他。

抉擇

本人內心忐忑。

Second-tier audit firm之assistant manager職位，可算是本人期待己久。若表現合格，可晉升至audit manager，介時既可在audit往上發展，也可往大公司任職財務總監(financial controller)，前景不錯。

Corporate service公司雖小，但那老板著重work life balance及員工和洽的工作關係，對有家庭的我蠻適合。身為account manager，我將統籌會計工作，直接匯報老板。然而缺點是晉升有限，前景不明。

思前想後，有已下決定：

遵守君子協定，在corporate service公司工作，因合約已簽，承諾已定。

詢問

敢問郭博士及眾網友：

１）我這決定正確、適合嗎？

２）如我決定在corporate service工作，應怎樣回覆audit firm的合伙人才算得體有禮？

萬分感謝！

alexwush

好簡單，同有君子協定嘅講，因家有要事延期一個月番工，依時上有前途個份，此舉可試一試對你有協定那間的誠意，如果佢答應，又可做下後者，睇下好唔好做，好做繼續，唔好做可再選前者。執生

Oldboy

   
To: focuswise

溫馨提示: 快D走去萬福請個祝福玉扣練習做玉泉水改吓運先再講!

chrisX9

錯！不適合！既然完成了考試，有了目標，就要用一生時間去 成就。

細果間遲早都要走，做落至話走仲 黑人憎，不如咪鬼去做，攞黎搞。

大果間係心之所向，記得簽約，免得兩頭吾到岸，撻左Q 就 痾拔甩。

erict

　　focuswise兄，你好。小弟意見係：既然你之前應承咗某公司在先，一定要堅守承諾，去果間做。如果你應承咗果間已請人，變相佢先反口，又作別論。咁你可以去有前途果間，因為係之前果間負你，不是你負他。民無信不立，因為你有言在先，亦唔係在你在被人要脅下作決定，好應該守諾。
　　其實可唔可以咁樣睇？你做你守信的公司，而你將你的情況早已陳明另一間公司老闆，雙方都知道情況，另一間老闆會覺得你為人守信，有講有做，係人才，對佢嚟講，今天之失不要緊，說不定是明天之得？
　　但我建議係千祈唔好以應酬式對待已有承諾果一間，即係求其做，再為自己找藉口唔好撈，借頭借路蟬過別枝。有應酬的心態，就有應酬的結果。一般行頭好細，人哋問多兩問，就知道你係咩人，而家個世界透明度咁高，好多嘢呃唔到人。如果盡力做而真係唔好做，再坦誠問自己呢間公司係咪真係做唔過。係嘅話再考慮走人。
　　另一場景：你去果間已有承諾的做，同時保持之前個老闆搞好關係，一來兩間公司可能有合作，由你穿針引線，你立功；二來人哋老闆做咗幾十年人，可能見盡不少古惑仔，收兩家茶禮，起飛腳各樣，我相信果個老闆一定見得多。砂紙，可以用努力達到目標，但人格就係無砂紙，亦無標準。又或者，人格係一張終生都要考而你永遠唔會知道你有幾多分的砂紙，不妨看看以下連結？呢間公司只係玩咗十幾年，一有朵又多元化，今天，市值數以千億計。
　　希望幫到你。

http://www.farflunginfo.com/foru ... 2603&extra=page%3D1

bcyeung

心迷人生轉  心悟轉人生

thx for sharing

苦集滅道

erict

　　focuswise兄，可以分享一則紙牌屋的情節。
　　話說幕僚長Doug嗜酒，飾演美國總統的Kevin Spacey不得不換人。當臨近選舉，Kevin手下無人可以打仗，又被對手Dunbar窮追猛打。Dunbar想挖黑材料，以二百萬美元利誘Doug。Doug不為所動，在Kevin面前燒掉黑材料。
　　因為Doug曾有一次幾乎出賣Kevin，Kevin對Doug曾有懷疑，但Doug浪子回頭，Kevin知道Doug是大將，忠誠。而試問誰人係完人？總有失落的一刻，Kevin面對大局，又知道Doug已痛改前非，決定再起用Doug。
　　雖然是電視劇，但其道理在日常生活上都一樣。一言之諾，是終身，是磨滅不掉的話語，除非對方再不需要你的服務，這又作別論。因為一個誠字，Doug失而復得。如果你接受已許下承諾的工作，又同時向另外一個老闆問問，他日如你再需要人幫手而我又有空，我是否the top of the list？路在口邊而你又表現到你對人以誠，人家或多不少一定會看重你，這是小弟意見。

wu_peace

絕對認同 erict兄 之見解 ! 故此 , focuswise網友 的決定是正確的 .

塞翁失馬 , 焉知非福 . 由於 focuswise網友 已把受聘於別行之事告知了那位 audit firm 合夥人 , 因此 , 您最後的決定是會讓人心目中奠定您是什麽人格的 . 若您毁約 , 日後即使人家真的錄用你 , 亦早已對您的誠信觀感打了折扣 , 儘管聘用您 , 也不敢委以重任呢！ 謹記 "人無信不立" 啊 !

不妨坦誠地回覆那位合夥人 , 您是渴望加入他的公司工作的 , 也是您期待已久的目標 , 無奈已受聘於别行並簽署了合約 , 內心經歷多番交戰後 , 終認為要遵守合約精神 , 有謂人無信不立 , 請那位合夥人能諒解包容 , 並申明希望日後能有機會效力於他 ； 最後 , 當然要誠懇衷心地感謝人家對您的賞識啦 !

Goonerstar

有另一個小小睇法，無對或錯，唔同角度參考。

呢個"誠信"似乎有別于落老闆格/ 為利益出賣同伴個種。 只係一個未發生既僱傭關係。萍水相蓬，男未娶女未嫁，陣前變卦，唔打車仔轉打曼聯之類，一份新工而已，未來發展其實無人知。 如果無抵觸法律，要做既只係一個企理"交代"(不論邊間) e.g. 親身誠懇道歉 + 90度鞠躬 + 一支好d既紅酒 (或"提出"請食飯賠罪之類)，似乎唔係咁大件事 (當然我可能錯)。

如無睇錯你第一份工已經係做到AM，為唔同原因轉左幾次工，一恍數年又有機會重回原位，變既係心態能力家庭狀況。 三張幾野話大唔大，話細唔細。 咁既年頭你仲有得揀，個天對你都唔錯。 睇劇情你係一個對事業有衝勁有理想既有為青年，而簽左約個間似乎只係徬徨中出現既一個"救生圈"，唔係你以前想爭取既野。 睇你既腳法，三兩年後"又"可能會另謀高就。 當然環境同人都可以變，對方Offer / Pay 亦都可能非常好，老闆互動亦好正，仔細老婆嫩，計條數可以好唔同。 而未來金融世界動盪非常，邊度先係好遮蔭之處，亦可能要在計算之列。

究竟你愛紫霞仙子定白晶晶無人可以幫你決定，但菩提老祖睇你段文話你提xxxxxx xxxx xxxx多出好多次......   Anyway祝一切順利。

focuswise

alexwush 發表於 2016-8-7 08:39
好簡單，同有君子協定嘅講，因家有要事延期一個月番工，依時上有前途個份，此舉可試一試對你有協定那間的誠 ...

多謝alexwush。
但是這樣有點牆頭草，小弟要再諗諗。