[香港金融管理局]_小心真假短訊

newhello

小心真假短訊
3月5日
[金管局]

近日有騙徒假冒銀行發出假短訊，以系統升級、戶口異常等藉口要求收訊人按下超連結，喺網址內「登入」版面設計好似兼像真度極高嘅偽冒銀行網站，結果係受害人被誘騙輸入咗敏感的個人資料，騙徒就有機會利用呢啲資料去偷取受害人銀行戶口嘅錢喇！！！

大家收到聲稱由銀行發出嘅短訊或電子郵件時，千祈唔好見link就撳，銀行係唔會send條link畀客戶去網站進行交易，更唔會以電話、電郵及短訊同埋超連結，要求客戶提供任何敏感嘅個人資料，例如登入密碼、一次性密碼等。

收到類似短訊，唔好亂撳link，要停一停諗一諗，去銀行網站或者提款卡/信用卡背面搵銀行熱線號碼，主動打上去問清楚，以免畀騙徒有機可乘。

如果發現曾經向不知名網站透露咗敏感個人資料或者帳戶有未經授權交易，就要盡快通知銀行，同埋向警方報案喇！