賭場揾老襯，仲兩次大獎都壞機

alexwush

東網電視
更多新聞短片




                            葉先生
                                    
                        「有人質疑我係咪咁好彩，幾日中咗兩次（老虎機）大獎，咁邊個又可以答我，點解我咁唔好彩，兩次中獎都畀人話壞機唔認數？」從事貿易生意，現年五十一歲的澳門人葉先生，自去年得悉友人拉老虎機中了逾千萬獎金後，便開始迷上拉老虎機，幾乎每天都會到賭場「過手癮」。今年四月十八日，他攜同約四百萬元現金，到威尼斯人娛樂場，準備「搏殺」，「當時我揀咗部青龍圖案，彩池有成一千二百七十八萬嘅『黃龍』機嚟玩。」
                                    第一格青龍圖案離奇消失            他由每局五十元開始落注，拉了不久即中了二萬元獎金，眼見運氣不俗，即「加碼」增加注碼行數及金額，玩了約一小時，老虎機上便出現了他夢寐以求的圖案，「當時第一格中咗青龍（頭獎圖案），第二格又中咗青龍，第三格又即將停喺青龍度。」惟在第三格即將停定於青龍圖案時，第一格的青龍圖案卻離奇消失，變成甚麼圖案也沒有的空格。他即時通知附近的職員，「職員見到，就同我講要搵總經理，叫我喺度等。」
            

威尼斯人 葉先生在威尼斯人娛樂場玩老虎機，中了三個青龍圖案，惟右下角的青龍圖案「被消失」（箭嘴示）。（受訪者提供）

美高梅 葉先生在美高梅金殿娛樂場玩老虎機，中了三個財神圖案，惟其中一個突然「反彈」，停在中間，未有顯示第三個財神圖案（箭嘴示）。

                            他於老虎機旁等候足足三小時，賭場總經理始出現，「佢行埋嚟第一句就同我講，數據顯示無中獎，只係機器故障。」葉對回覆大感不滿，遂與該名總經理理論，惟對方卻一直以機器故障為由，以圖打發他離開，「佢之後話同我去飲茶，仲準備叫工作人員重新啟動部機，咁咪即係毀屍滅迹？」
            [tr]                                    [/tr]

一名澳門居民先後在威尼斯人娛樂場及美高梅金殿娛樂場玩老虎機中獎，獎金分別逾一千二百萬元及近一千萬元，惟兩間賭場均以故障為由，拒承認中獎。（資料圖片）

美高梅金殿娛樂場

高天賜促請澳門當局加強監管，以免事件影響澳門賭業聲譽。（資料圖片）

                            職員指畫面hang咗 唔算數            千多萬元獎金可能化為烏有，葉深感不忿，至四月二十二日，他又再帶同巨款，到美高梅金殿娛樂場拉老虎機，結果再次中獎，「今次呢部機個彩池有九百九十萬，玩咗無耐就中咗三個財神圖案，點知今次職員就話個畫面hang咗，唔算數。」他即時與職員理論，並要求駐場稽查人員查看老虎機，「佢試咗部機，證實部機正常郁到無問題，就叫我去登記，要求賭場賠償。」
                            葉其後到博彩監察協調局投訴，惟兩間賭場分別提交該兩部老虎機的檢查報告，指老虎機的系統未有更新，且電壓不足，致機件出現故障，拒絕承認中獎結果，「更新部機唔係賭場責任咩，點解可以因為佢哋嘅問題，就當我無中獎？點解佢唔賠番錢畀所有玩過呢部機嘅玩家？」他表示，對賭場回覆極為失望，不排除入稟法院，追討所得獎金。
                            高天賜今午陪事主遞信究責            協助葉先生追討損失的澳門立法會議員高天賜直斥賭場所為，「人哋入錢落去就無壞機，到人哋中大獎先話壞機，呢啲個案，只會不斷損害澳門博彩業嘅名聲！」他表示，除賭場外，有關當局亦有責任做好監察工作，今午三時，他會聯同葉到政府總部遞信，要求政府正視相關問題，以免再發生類似事件。
                            澳門美高梅發言人表示，已接獲本報查詢，惟需先了解事件，才能作出回應；但至截稿前仍未能聯絡到威尼斯人澳門股份有限公司的發言人。
                            專案組

learngood

所以我永遠唔會同D機器賭錢！

TonyLeung

賭場永遠立於不敗之地。一百個九十九個輸，但D賭仔期望自己是百分之一贏那個。

容燥兒

感謝好文章分享