威院醫生睇漏眼 累死肺癌婦！X光片有陰影 院方無診斷

Nelsonlai

威爾斯醫院發生懷疑醫生睇X光片「睇漏眼」，令肺癌病人延遲診斷致最終死亡的事故。63歲關女士今年2月因胸痛、咳嗽到該院照X光，結果顯示「肺片有陰影」，但院方並無診斷。

至4月病人在明愛醫院確診第三期肺癌，左肺腫瘤達10厘米大，癌細胞擴散到肝臟，至上月不治。病人女兒批評院方出錯令母親枉死，威院承認當時的X光片有陰影但難辨認，向病人家屬致歉。

關女士為主婦，病發前以湊孫為樂。豈料懷疑因醫生「睇漏眼」，致遲了兩個月才接受診治。女兒張小姐憶述母親病發經過指，母親今年2月病發時，因咳嗽、吞嚥困難、胸痛及背痛向瀝源健康院求診。最後轉介威院跟進，包括照X光、腸胃科作胃鏡檢查，惟最後無診斷出肺癌。


兩個月後，即今年4月，關再向私家診所求診，第二度照X光檢查顯示肺部有陰影。她其後到明愛醫院胸肺科求醫，因檢查輪候時間長，轉介到私家做電腦掃描，證實第三期肺癌，屬「大細胞肺癌」，腫瘤直徑達10厘米，並擴散至肝臟。該院翻查紀錄，揭發今年2月的X光片已顯示女病人肺部有陰影，足以懷疑患癌，未明為何無跟進。關女士最後在瑪麗接受治療，延至上月不治。

■張女士手持母親關女士（小圖）在威院所照的肺部X光片，誓要討公道


「若同事敏感度高啲　會認到個影」

經投訴後，張上月與院方會面，質疑醫生為何「有咁大個腫瘤都睇唔到」，並引述該院放射科醫生回應指，「若同事敏感度高啲，就會pick up（辨認）到個影」，暗示當初「睇漏眼」致出錯。


張批評今次事故反映威院無覆檢X光片的機制，比聯合醫院早前公佈病理科醫生睇漏報告更嚴重。「如果唔係我哋事後知道實情作出投訴，一般市民死咗都唔知係被庸醫害死」已去信醫管局總部、威院、醫委會就事件作投訴，並申請法援計劃控告醫管局出錯，誓為母親討公道。






威院發言人表示，病人最初因吞嚥困難及無胃口求診，並無肺癌常見症狀，故轉介專科跟進，最後排除食道癌。同時X光片報告顯示肺部無損傷、氣胸或積液。至家屬投訴後，院方覆檢X光片，發現左肺門有一陰影，惟影像模糊、較難辨認，故當時報告無提及。院方已向家屬致歉。


臨床腫瘤科專科醫生岑信棠表示胃口差、吞嚥困難都是肺癌症狀。從臨床腫瘤科角度看，一般肺癌難以在短短兩個月內「由冇腫瘤，變到腫瘤有10厘米大」。