曾鈺成拒絕欽點

yinkk

大家又講起誰是下屆特首，呢個是猜謎遊戲，才子曾鈺成在am730專欄（6月13日）出謎面，「寬掌彩綢，無財暗占」，俾晒貼士，引用楊修「絕妙好辭」的故事，講明曹娥格，於是變得好易估，左丁山家族WhatsApp群組議論後，唔夠十分鐘，左丁山老襟已傳來答案：「拒絕欽點」，有成員不明所以，左丁山就加插註解：「寬掌，巨手也，手巨即是拒！彩綢，色絲也，即絕；無財，五行欠水，水即金，欠金便是欽，暗占，暗地裏占卜，黑箱裏求占卦，就是點，四字加埋就是拒絕欽點。」WhatsApp未寫完，馬場才子余伯樂已傳來謎底：拒絕欽點。曾鈺成真係夠卜，身為建制派元老，竟敢公開聲明拒絕欽點特首，係唔係已有內幕堅料呀，否則佢要付出政治代價嘅噃！


左丁山

erict

其實這個左丁山的行為大有問題. 第一, 開群組的目的, 可能旨在於友儕之間吹水或討論認真事情, 但不管是那一種目的, 這群組內的所有對話, 除非當事人同意或全群組內的成員, 絕不能輕易公開, 情況等於你向你的好朋友或深交吐苦水, 講心事, 如你的好朋友輕易把你的心事任意公開, 試問你又有何感想? 如果講出嚟而唔公開對方姓名, 還勉強說得過去, 因為你已保護別人 (其實都唔應該講, 如果面對大是大非, 姑隱其名, 例如A君, 算是下策之中的上策).

這類是非當人情的行為非常曳, 呢D友, 如果我係群組成員, 馬上退出, 以後亦唔會再信呢個人. 因為可能無嘢寫文章, 又冇題材的情況下, 當蘋果日報專欄五蚊一個字, 犒費高過陶傑, 一篇文章當你一千字, 五千銀就可以出賣群組的成員, 你係當事人, 又比人公開, 你又有何感想???????

http://hk.apple.nextmedia.com/su ... t/20160620/19660839