香港邪教社團運作大爆料

文殊之俊

對象式的愛情陷阱
層壓式的相處埋伏

香港邪教運作大爆料
https://m.youtube.com/watch?v=2jEfA3UPYxU

容燥兒

感謝分享，今晚慢慢嗒。

erict

　　二十幾年前，小弟被好同學帶去返仆街錫安教會，同而家個video講者講的九成九相似，好彩小弟稍稍醒爬，見唔到唔撚對路，即閃。正所謂橋唔怕舊，最緊要受。宗教代理人之恐怖，在於捉正都市人的心靈空虛，再加上表面一臉慈愛蒙騙你。由入會，生活，期期十一奉獻，連感情生活都過問，唔係邪教係咩呢？

　　人人都好怕collateral damage，口講口賠信神信到十足，核心管理層住太古城六七百尺，市值租金無二萬都萬八，仲有可能出入坐business class，即使某一天知道原來已中了老千局，但今天，要放棄太古城，business class，一下子打回原形，試問邊個可以大膽踏出一步？唯有口up up信住先，為生活，為名聲，某程度上可以理解。

　　如果稍為有D腦都會諗，如果所謂核心人物可以住太古城，business class，remote control果個美國老千教主，過嘅又係咩生活？舉一反三，班羊係咪真係傻到日日食甜筒，個個七懵懵？當東南亞flight business class計，平均都要三五皮，如果有D腦，走過街頭，見到拾荒的老人家，係咪話如果我唔坐去台灣business class，當三皮，改坐經濟倉，千幾銀，用果三皮比拾荒老人家，都起碼供給有需要的老人家片刻溫飽？信主信到咁撚樣，到底為了名聲，打份工定係堅係有信仰？係咪做人懵撚到咁？自私到咁？

　　講到底，由空虛到給予你安全感，洗腦，供給生活所需，到住兩皮幾月租太古城，business class，就係要你做同謀，因為你一旦離開咗個confort zone，咩都無晒，今時今日，試問又有邊個夠膽好似聖經所講，耶穌掃X晒拜金牛班友，踢枱掃場？由可能真係信到做咗共謀，就好似立法會九萬幾月薪咁，一霸到個位，有咩好得過純9up而可以原則上有二三百萬年薪，成本只係用把口呢？

　　人性之複雜，有時好難講。即使真係上咗當，一離開，咩都無晒，真係唔係邊個都夠膽行出一步，焗住做同謀。美國佬教主就高床暖枕，或者定時海外發功講幾句廢話，分分鐘私人飛機都有得坐。當年，我同學就係中晒呢隻老千橋。

　　宗教代理人之仆街，真係數九年都數唔完，大家要小心。多謝文殊兄的video。