王冠第八集－－馬前卒

erict

　　話說Peter Townsend不分尊卑，不知進退，更不知家有家規，仲以為可以老馮，駙馬之位手到拿來，被另類放逐到布魯塞爾。電話傳情，或者日日同Margaret公主談情。Peter識入位，正正投其所好，講盡好聽又順其意的好話，句句入心入肺，易入口，Margaret又啱聽，Peter盡得Margaret歡心。即使Peter情話綿綿，儘盡可能非有心，但聽者有意。在這種感性使然的行為，而在理性幹事情，行東或行西完全出於一念之喜好，兩條友點會唔死？

　　正所謂精人出口，笨人出手。日日煲電話粥，或者句句都係Honey, I miss you so much, I can't live without you。笨人出手了。女皇外訪，皇太后又去蘇格蘭放下假，有些對外事務交由Margaret拍板。Margaret一世人未威過，有權力在手，用到盡。例如在不適合的場合高談闊論，又或者在煤礦講笑話，完全不知身份，場合及用詞，好似洋蔥一樣逐塊撕下來，把一點一滴得來的威信由她而失。精人者Peter都feel到咁講嘢，實出事，都馬上叫她收歛一下，豈料Margaret還不知進退，加多兩錢肉緊，還跟女皇說，父皇在生前最喜歡我，而不是你。

　　另一鏡頭，皇太后到蘇格蘭，欲購買已破落的城堡。堡主覺得面熟，就是說不出名字，皇太后也沒有直接道出是誰。到最後，邱吉爾見到Margaret胡作非為，派專員找皇太后，堡主才知道是皇太后，皇太后只是一笑而已。對比Margaret一世人未威過，不知分寸，四處闖禍，皇太后懂大禮，更深深了解有權力而不使用，才真真正正的彰顯權力，起碼不會泰山壓頂，恃勢凌人。從另一層看，例如從前聽過郭博士講，即使李嘉誠心儀某樓宇，都派第三者談判。否則，如果知道是李嘉誠想買，明明一千萬都馬上抬高到八千萬，對不對？

　　王冠第八集，盡顯人性之複雜，人情世故之要。既有精人出口，笨人出手的好例子，也有非常含蓄的一課，正是有權力而不用的精要。以前者最值得玩味，皆因甜言蜜語，投其所好，句句貼心，最令人舒服，亦最令人中招，分分鐘因為一兩句好話，自己做了馬前卒，死咗都唔知咩事。試想想，如果Margaret不是公主，而是一般公務員，死咗九次都未天光。

　　有呢個妹妹，女皇真慘，日日救火。救完火，不止一次保護妹妹，令她免受不必要的傷害，倒頭來還受到妹妹誤解，仲拋出一句以前父皇以前父皇錫我多過錫你。但最重要的是，女皇忍得，到最後都無講：你日日領嘢，闖禍，我做咁多嘢都係為你好，保護你咋傻妹，如果唔係？你一早奶嘢，由頭輸到落腳呀？白痴！

　　一再證明，King George當年選擇Elizabeth而不是Margaret，絕對正確。如果比Margaret做？可能不足十年，整個皇室盡敗在Margaret的手上。

http://8drama.com/183342/

容燥兒

咩點解啲場境，咁熟口熟面。。。

講講下，真係要坐定定睇。
唯有唔睇與諜同謀先啦，，，呵呵呵

erict

　　Peter用的招數正是郭博士曾開示同概女真的同。Margaret入世未深，從小在宮中長大，不知江湖兇險。她更當局者迷，對Peter有意，而Peter句句都按照Margaret的喜好入筍咁入，完全順著Margaret的意思，可能每一句都係甜言蜜語。久而久之，Margaret照單全收。因為易入口，受落，自己之後不自覺做咗爛頭卒都唔知，強出頭，自把自為，闖禍，要女皇救火。

　　自從郭博士開示同概女真之後，小弟在生活上跟人交談，特別提防呢四類人，一聞到唔對路，即閃，因為果類人九成九好似Peter一樣，必有圖謀，或不懷好意，拿拿臨九秒九飛的走。

　　最深沉的反而是Philip親王，佢一早知道Peter同Margaret一齊，扮唔知。事情一公開，至有類似係咩咁嘅樣。如果此劇情節係史實，Philip親王玩政治到家。反觀Peter Townsend由空軍開始到皇室工作，從來都知階級及尊卑之要。以為有機會做駙馬就雞毛當令箭，無大無細，直稱女皇為Lilibet，呢種人點會襟撈？燉你冬菇已算便宜你，因為已犯了宮廷大忌－－潛越。

容燥兒

感謝分享,

就算皇室,都沒有絕對自由,相反重少咗自由.

一套不錯的電視劇,睇怕要追返頭果七集黎睇
.

erict

容燥兒 發表於 2017-8-2 00:13
感謝分享,

就算皇室,都沒有絕對自由,相反重少咗自由.

　　值得一看。廿幾歲女臨危受命，管理國家，唔係有邱吉爾帶路，真係極有可能搞到倒瀉籮蟹。