命運？因果？福氣？想請教，這情況應該怎樣行孝？

alendice

以前公司個同事，本身好孝順阿媽，九唔九約返出嚟飲野，今日飲野傾開計，講到咁上下訴苦，原來佢有個咁既成長經歷：

佢本身係家族嫡孫，老豆係長子，佢祖母錫到同事窿，祖父從事殺生行業在市場買賣，後來太年老思考不靈活，將生意比仔女打理，雖不算富貴，但不缺錢財，佢話幼年十歲八歲時，因祖母把最好的給他，惹來姑輩妒忌，日日家嘈屋閉，而老豆二世祖性格，只吃喝玩樂，唔理生意，之後包二奶，生多幾件，令祖母非常痛心，而佢媽一氣之下帶呢個同事搬出住公屋，祖母暗中比錢養佢哋，佢媽知祖母好心但最後都出去做野靠自己，終日以淚洗面，之後祖母中風走左，兩母子去幫手辦身後事，比老豆報大數，呃左佢媽一筆，事出突然，祖母雖口頭上講會留東西比佢，之後分身家，但無遺囑，同事又未成年，被姑輩分晒，佢老豆又被班姑輩數佢唔理家業，分好少，但佢老豆繼續揮霍，結果個同事同佢媽只靠自己貧窮生活，仲曾經自閉，最初重陽清明有盡孝心去拜祖母，之後祖父也走了，同事也有送最後一程，但事後佢話班姑輩連拜都唔比佢拜，將祖父母合葬去第二度唔比佢知，佢媽索性離婚，雖然初時佢老豆有比膳養，但後來失業為由無比，經過多年，原來老豆同二奶正式結婚，將二奶仔列做嫡孫，同事就靠佢媽辛苦捱大佢，佢哋斷晒果邊親戚聯絡，個同事而家雖然事業穩定，但一諗起就唔開心，覺得自己三十歲人仲係咁平凡，買唔到樓比阿媽養老，成日覺得自己無機會拜祖父母，恨老豆。。。。

咁既情況，我都唔知點安慰佢，呢個我諗緊，係因為佢家業做屠夫為生既命運要佢去受，定係佢個人福氣問題，定係因果問題？同埋呢個情況，佢想拜祖父母拜唔到，孝母，但恨父，到底可以點幫佢？

andylee

有D野真係好難幫到, 不過, 我覺得人生在世, 健健康康有思想有智慧, 有份穩定工作已經不錯, 有些在戰亂地區的人更慘, 所以, 人比人比死人

我家也有精神病親人, 有時很多事自己控制不了, 只能做好自己能控制的   

alexwush

家人無得㨂，呢d係前生嘅業力，後天有得㨂，唔使自怨自縊，積極向上，多做善事將功德迴向先人，可助人助已何樂而不為呢

hkvcdso

祝福文中有助他方法、
請送祝福文給他念、日子有功、必然自有新景象出現？

練無毒

下次去開萬褔攞水，叫佢幫手去托返一pad走囉。

chrisX9

TO : alendice

叫閣下同事將自己目光從自身放眼世界，就會覺得自己渺小和世事無常！當心量擴大之後，心境就會豁然開朗！兩母子相依為命繼續生活下去，一切隨緣！

找朋有托詞查問親屬介紹長生店或喃嘸佬，佢有記錄一定知道你朋友祖父母安放地點，好人好事積陰德，一定話過你知架！連隨比返小小利是佢地就諸事大吉啦！

schumannsiu

To: alendice
介紹你以前公司同事上 Youtube 聽聽以下兩段影片, 睇吓幫唔幫到佢。

2013年10月1日國慶大放生 郭兆明博士講解為何要放生
http://youtu.be/6NqTspGURZ0

郭兆明博士 談拜山
http://youtu.be/6k003XPYX5g?list ... MVlhvsCPawhCS4VT27G

alendice

謝謝大家意見，講得啱，向前看，既然佢家族有殺生背景，希望下次有放生活動叫到佢join

nmp

家人無得㨂，呢d係前生嘅業力，後天有得㨂，唔使自怨自縊，積極向上，多做善事將功德迴向先人，可助人助已何樂而不為呢 認同你講珐

Tonka

一定要幫襯博士買多啲瑞士泉水。