天羅地網

標題: 一支鉛筆絕對可以贏幾百元一支鋼筆 [打印本頁]

作者: erict 時間: 2016-7-25 19:10
標題: 一支鉛筆絕對可以贏幾百元一支鋼筆
　　曾聽過郭博士鼓勵北京無戶籍家庭的小學生，他說，今日你看來咩都無，唔緊要，你要知道你絕對贏到其他條件比你好的學生。郭博士說，只要你有一支鉛筆，已勝過不少富裕家庭的小學生，因為重點不在於你手上的是什麼筆，而是用鉛筆那個人到底有什麼真功夫。

　　近日，思考一下為自己打拼之路，發覺到原來你可以做到好多人哋做唔到的事，只爭在你是否善用你的才能，甚至將你的才能稍有思考，再擺在合適位置，你可能會看到曙光。例如灣仔碼頭水餃老闆當年來香港字都唔識多隻，靠賣水餃加上不斷精研水餃，後來得到日本人打本在上海開廠，行銷全世界；味千拉麵老闆潘女士三十年前來香港，以今日的形容詞係新移民，但她努力不懈，搞搞下今日味千拉麵在大陸有幾百間分店，公司值數以億計；最近有傳賣盤的翠華餐廳老闆，據報紙講十幾歲前係外賣仔，如果傳聞係假（是真是假不是重點），今日翠華市值也以數以億計。

　　香港，可能係一個搵食傳奇的地方，因為絕少有各種形勢上的限制，又好少講你出身，學歷，人胍關係等等，大多數情況是唯才是用，能者居之（其實外國也差不多，無能力的坐CEO個位，一個星期即刻叫你執包袱）。所以，我們看到過往到今天，有不少商界傳奇人物，都不是世家子弟，有好多甚至由大陸偷渡來，例如肥佬黎。

　　回想起過往，咩都驚真係好戇居，今天，坐下而冷靜看看全世界各產品市場，再比較我們今天已有的客觀優勢及對比上一代創業的條件，其實我們今天如要創業，論優勢已比他們大得多，條件又足。平白浪費了十年時間，只因為一個驚字，真係傻到無人有。

　　說了那麼多，其實係以一個過來人身份，分享一下咩都驚的後果。當然，我不是胡亂鼓勵大家去創業。我相信，要在搵食層面有所突破，小心行事仍需要，但不妨大膽假設，想像力永遠比數佬思維優勝。就如看過一個墨子故事，墨攻叫某國人打仗只用長竹，某國國王不明所以，一開戰，長竹及刀劍，牌頭一睇係輸晒。但刀劍削長竹後，長竹馬上變銳利的長矛，將對方打個落花流水，取得勝利。或者......某國之勝，贏在策略及敵軍輕視。

　　再次感謝郭博士及各位網友鼓勵。

作者: wu_peace 時間: 2016-7-25 22:29

我相信只要有膽識、智慧和謀略 , 則以寡能敵眾 , 以柔能制剛 , 成功指日可待 .

Erict網友加油！謝謝您這篇摯誠的文章分享！

作者: wu_peace 時間: 2016-7-25 23:59

補充一點： "毅力" 也不能缺少的 .

成功不是一時三刻可達，必須努力耕耘才得以煉就 .

作者: erict 時間: 2016-7-26 00:23

wu_peace 發表於 2016-7-25 23:59
補充一點： "毅力" 也不能缺少的 .

成功不是一時三刻可達，必須努力耕耘才得以煉就 .

多謝鼓勵。

作者: kytsui 時間: 2016-7-26 20:37
實力故然重要，關係同後台更重要。

作者: moc 時間: 2016-7-28 17:28
博士講得啱，大學畢業鳩流流。學門手藝仲實際。

作者: moc 時間: 2016-7-28 17:35

kytsui 發表於 2016-7-26 20:37
實力故然重要，關係同後台更重要。

屋企有家底，就算中産，條路易好多，起碼唔洗掛住搵食。以前住劏房，有望努力買屋。家下住劏房係一世住劏房。人工，時間都 cap 曬，邊有閒置去諗創業。

歡迎光臨天羅地網 (http://farflunginfo.com/)