天羅地網

標題: 20180310那些年第14集之賭博的迷思 [打印本頁]

---

作者: 容燥兒    時間: 2018-3-11 00:15
標題: 20180310那些年第14集之賭博的迷思
https://www.youtube.com/watch?v=IFu1parzMX4
那些年 180310 ep14 p1 of 3 賭博的迷思

https://www.youtube.com/watch?v=84-7TN34OHg
那些年 180310 ep14 p2 of 3 賭博的迷思

https://www.youtube.com/watch?v=JG7T0qgZ4tk
那些年 180310 ep14 p3 of 3 賭博的迷思

---

作者: peterlee    時間: 2018-3-11 12:41


黃毓民講得啱，一般人聽了會贏錢，就會去試，就算方法錯誤也不理，也不會用時間心機去學。
大多數人，賭博機率概念，與他們的天生本能相違背。
所以才會令澳門一年賭收成三千億（每日10億！！！），仍然大把人排隊去送錢比賭場。

節目中提到幾個項目，我想講下：

賭博當投資
首先要知道甚麽是期望值，然後要找到有正期望值的遊戲。
賭埸賭博游戲，都是賭場有優勢，賭客是負期望值。
除非你懂算牌，懂找漏洞，這是職業賭徒花長時間訓練才有的技術。
否則，任何注碼法，睇路，… 都不能改變賭埸優勢，長賭長輸。短暫波幅獲利，只會令人誤以為有能力打敗賭埸。長賭，十個就十個輸錢收場。

注碼
賭埸賭戲，一般來説，每手都是獨立事件，賭客每手都是投注在負期望值，下手買幾多，都改變不了負期望值，長賭長輸。

只賭三口
投注少，減低了輸身家的機會，但不能改變負期望值。
假設入賭埸的人都只賭三口，或者赢的繼續賭，或者任何形式，月尾賭場計賭收，轉碼殺數率仍然是接近平時的3%。賭客，輸錢的人數和總銀碼仍然多過赢的。

博士見過很多人赢錢
如果是割禾青，以大本博小赢，確是有機會做成短暫赢錢次數比例多。
但是這不等于是贏錢方法。因為如果一百人同樣割禾青，輸錢總銀碼仍然多過赢的，賭場收入仍然維持。
但如果長賭，結果必然是長賭長輸。

自殺馬神
他是廿一點職業算牌客出身，自然明白賭博期望值。他的電腦模型，也是一番心血換來的。

電腦馬
用統計學，做數據發掘，結合賭博知識，利用大眾馬迷的偏差投注中，尋找正期望值。
除了自殺的Robert Moor..還有已故约Alan Woods，Bill Benter，Zeljko Ranogajec。他們的事績可以很容易在網上找到。
Bill 和 Zeljko 都被選入Blackjack Hall of Frame。
Bill 做了香港扶輪社主席，又成立個數學獎，每兩年給獎金10萬美元。
Zeliko 是隱形富豪，贏錢比Bill還多，他的賭博集團一個成員，將屋企改造成藝術博物館，收藏品估值20億港幣。

賭運
懂得在賭博捉運的人，是高人，但是他的方法，是玄學，不是科學，不能被證實或者復制，所以不是方法。
香港有個阿星40元買六合彩贏4千萬，其它人學不到。
賭場裡面，也找不到長期賭運贏錢的人。世界各地的玄人，東南亞最邪最毒的玄術玄人，都來過澳門比試，亦一個也沒有留低。
澳門賭場，邊位高人來賭都歡迎，就是怕你在廿一點枱心數1.2.3...！

---

作者: goldenma    時間: 2018-3-11 18:29


希望博士在自己節目再論術一次

估計博士想講，
既然賭是天性（對一些人），
不如就教他們賭得理性一點，

---

作者: lung    時間: 2018-3-11 18:35

goldenma 發表於 2018-3-11 18:29
希望博士在自己節目再論術一次

希望博士在自己節目再論術一次 × 2

---

作者: peterlee    時間: 2018-3-11 21:54
丘成桐 ICCM 2004，Bill Benter 講電腦賭馬
The Third International Congress of Chinese Mathematicians
December 17 to December 22, 2004
https://www.youtube.com/watch?v=YOVrZrJ-wtc
及後Bill也有在中文大學和澳門科技大學定期講電腦賭馬

Exclusive Interview with Bill Benter: Extended Version
https://www.youtube.com/watch?v=Ptg2XFaEtLY

+++

MONA founder, David Walsh
http://www.abc.net.au/7.30/gambl ... turned-mona/5777746

http://www.dailytelegraph.com.au ... reuy9-1226387003384

---

作者: peterlee    時間: 2018-3-12 10:41
【任何注碼法改變不了期望值】，三百年前已經得到數學證明，現今科學家數學家電腦專家賭業精算師都認同這點。

如果利用注碼法玄法可以改變期望值，即是長賭長贏，并且得到證明，這將是石破天驚的事情。就好似證明鬼魂存在，上帝存在...咁。

其實量子力學，并沒有否定可以預測短暫未來的可能性。
運氣的存在與否，也沒有一個定論。

---

作者: chriswong    時間: 2018-3-12 16:15
第3節4:44 博士講到程式 俾毓民哥仔打斷左。
最後要就住毓民哥仔嘅強迫觀念圍繞小賭宜情去講。
人生聽多啲嘢 冇笨七嘅! 人窮笨七兼硬頸!
主持主觀性太強，博士好難發揮。
其中以賭具作分析從死數中找出缺口，之後窒住左降低層次變左保本。
不過冇毓民哥仔就冇博士嘅通識聽咯，所以都係隨緣，聽得幾多得幾多。

---

作者: alexwush    時間: 2018-3-12 16:38

chriswong 發表於 2018-3-12 16:15
第3節4:44 博士講到程式 俾毓民哥仔打斷左。
最後要就住毓民哥仔嘅強迫觀念圍繞小賭宜情去講。
人生聽多啲 ...

毓民無錯，博士一講賭錢當佢係投資嘅睇，即刻頂唔順，點解，賭場係抽水架，話之你點賭，賭親就抽水，何來投資之理。
博士咁叻，逢賽馬日俾條二串一屁屎過關大家保本先講

---

作者: alexwush    時間: 2018-3-12 17:06
二串一屁屎過關勝出機會率4.5%，十四隻馬計，點保本

---

作者: tangeric    時間: 2018-3-12 17:45
我都想跟博士過澳門,睇下點樣五個鐘贏五千蚊。

---

作者: 容燥兒    時間: 2018-3-12 23:54


今集較深刻的是郭博士講一訓醒起就high咗六千萬。

以往其實聽時唔太大感覺,今次郭博士講多咗一句,就即係感覺唔同哂。
明白坐地鐵搭巴士,將自己生活貼地化,係一種訓練。係防禦衝擊。

今次聽的時候,多了重"住菩提心"的味道。

---

作者: Perry    時間: 2018-3-13 08:35
認同博士的當作投資的心態處理手上的賭場籌碼，但也應同時預備放出街的錢財籌碼，隨時無曬，
才埋台玩。

玩之前，都應再brief 自己，賭場有無限注碼，荷官，時間精神跟你玩；還沒提他們
隨時千你，見你贏多就請你離場，如果你賭大D，記下你的所有投注模式和習慣，設計套餐招呼你。
面對這些種種不利因素，如果都有信心長賭而贏到錢的，就抵你贏。

---

作者: 陳柱民    時間: 2018-3-13 10:07


如果叫啲賭仔唔好賭, 賭仔就可以即刻聽話以後唔賭, 咁我相信博士基本上唔會講呢個題目。

問題係, 如博士所言, 人就百零磅, 你抬佢唔走啊, 佢會走番入去喎。博士唔走入佢哋嘅世界, 又點導佢哋返出嚟呢?

是以博士授與心法, 教賭徒要自己Set好規矩, 只玩三舖……(跟住俾毓民哥仔殺停咗……)，此所謂戒！最後無非要得到智慧，識得離開個賭場。

---

作者: panic_lau    時間: 2018-3-13 12:39


那些年驃叔的賽馬結果, 非常精彩.

賽馬結果 - 大信封https://www.youtube.com/watch?v=yWyi7G9tf1Y


賽馬結果 - 最後的晚餐https://www.youtube.com/watch?v=yu3rzgLhLPI

---

作者: peterlee    時間: 2018-3-13 12:50
想賭仔唔賭，一係等佢輸到驚輸到怕，...怕之前有機會跳樓燒碳。
一係等佢學曉甚麼是賭博。這個有兩個方向：
一是用科學方法看賭博學賭，了解之後有可能對賭失去興趣，或者做了優勢玩家。
二是用玄用錯誤數學去看賭博學賭，這類賭仔最多，一般都是輸身家收場。

只賭三口。。。賭仔開始時或者可以做到，時間長了，因為輸多贏少，輸時要追，就會著火，收不了手，攞數賣樓賣廠，跳樓燒碳。

---

作者: wongs    時間: 2018-3-13 14:17
任何嗜好都有機會上癮和沉迷，現時玩手機、打機等現象都是一樣。
問題係當事人究竟何年何月突然一朝醒覺原來失去了自我，做了自己喜好事物的奴隸，自發性地去尋回自己珍貴的自由為止。

自我覺醒是容易的事嗎？回想博士每天苦口婆心想盡辦法透過網絡點醒我們各種生命的迷思，就會明白是一宗何等艱巨的事兒。

---

作者: kenji0hk    時間: 2018-3-13 17:37
希望博士在自己節目再論術一次 × 3

---

作者: erict    時間: 2018-3-13 19:54

alexwush 發表於 2018-3-12 17:06
二串一屁屎過關勝出機會率4.5%，十四隻馬計，點保本

　　你用generalization計，梗係十四分之一啦。人有肥廋高矮，馬有強弱高低，十四分之一之說係萬能key，用邊度都得，犀利呀哥哥仔！

---

作者: alexwush    時間: 2018-3-13 20:09
強馬得1·1倍，冷馬唔敢博，㸃保本

---

作者: alexwush    時間: 2018-3-13 20:13
兩場屁屎都要賠$18先可以講攞三分一賭注保本

---

作者: peterlee    時間: 2018-3-14 08:17

Perry 發表於 2018-3-13 08:35
認同博士的當作投資的心態處理手上的賭場籌碼，但也應同時預備放出街的錢財籌碼，隨時無曬，
才埋台玩。

【認同博士的當作投資的心態處理手上的賭場籌碼】
只有心態沒有技術，自己呃自己。
用錯方法，以為纜法注碼法玄法可以打敗賭場，自投羅網。

【隨時千你，見你贏多就請你離場，如果你賭大D，記下你的所有投注模式和習慣，設計套餐招呼你】
澳門賭場不會做這些。他們做的很簡單，抽你水，明水或暗水。一年成三千殺數，就係靠抽水。

---

作者: peterlee    時間: 2018-3-14 08:22
驃叔講馬, 非常精彩
馬匹賽馬知識冷知識，亦高超。
但賭馬，甚至比一般馬迷還要差！

---

作者: peterlee    時間: 2018-3-14 08:28
如果在選馬/稱賠率沒有高超水準，二串一，三串七，過關，...無論怎樣調配注碼，都不能夠轉輸變贏。

---

作者: 容燥兒    時間: 2018-3-16 08:22
https://youtu.be/y_86ERAanls

Screenshot_2018-03-16-08-19-50.png (1.29 MB, 下載次數: 151)

2018-3-16 08:22 上傳

點擊文件名下載附件

---

作者: alexwush    時間: 2018-3-16 10:38


博士都係無辦法贏賭場，潮水漲退賭輪盤，的確聰明，但賭場好快堵塞咗漏洞，算牌，唔係個個得。有如此奇人，列入黑名單就攪掂，靠打麻雀櫈腳為生，只係幫賭場對付賭客。
賭色寶唔抽水係事實，不過你夠唔夠膽賭大d,荷官可以出術千你。
毓民唔係見識少，只係點明做庄贏緊。

---

作者: peterlee    時間: 2018-3-16 12:59

打麻雀，德州撲克，打桌球私賭，...，這些是玩家們對賭，技術成份重，技術好的如果高過其它玩家有一段距離，就可以長賭贏錢，也即是贏錢多過自己的抽水。

打麻雀，德州撲克，牌例上玩家們都是機會均等的。
賭場游戲，賭規都是賭場定的，賭場也必然設計到是賭客蝕賭場賺，是為【賭場優勢】，俗稱抽水。有明水有暗水。
這個賭場優勢，如果沒有算牌捉漏洞之類的技術，是改變不了的。所以一般說【不能打敗賭場】是正確的。

廿一點，咁啱就是可以簡單用算牌來改變賭場優勢，令賭客有著數的游戲。一般賭場，就是只有廿一點可以用數學來打敗賭場。原因是一些牌出了下手不會即時再出，這形成了一類叫做“記憶性”，即是上一手和下一手有機會率變化的關系。

其它游戲，骰寶，輪盤，番攤，每口都是獨立事件，與上一手沒有關系，機會率和上一手開乜野冇關。睇路，格式，都是自欺。

百家樂，也有記憶性，但是因為之前出過甚麼牌與之後開乜，機會率變化很微，用電腦計算，也只能一星期出現三兩個著數投注機會，而所賺的，也只有千份之一，所以也被視為【冇得數，冇得贏】的游戲。
在西方用記牌贏百家樂，條件是荷官洗牌唔混，這種機會是有的。

---

作者: peterlee    時間: 2018-3-16 13:00
黃毓民有提到德州撲克的搵食幫，廿一點算牌，電腦馬贏大錢。
但黃指出一般人贏不了賭場，這是正確的。

---

作者: peterlee    時間: 2018-3-16 13:22

alexwush 發表於 2018-3-16 10:38
博士都係無辦法贏賭場，潮水漲退賭輪盤，的確聰明，但賭場好快堵塞咗漏洞，算牌，唔係個個得。有如此奇人， ...

算牌，唔係個個得。有如此奇人，列入黑名單就攪掂，靠打麻雀櫈腳為生，只係幫賭場對付賭客。
賭色寶唔抽水係事實，不過你夠唔夠膽賭大d,荷官可以出術千你。

+++

算牌，并不是甚麼複雜艱難的事，我教過很多小學程度的師奶，三日學識基本策略，再三日學好練好算牌，第七日可以開工搵食。
如果問這樣簡單為什么不是個個都懂算牌？原因是95%的賭客，都不相信電腦計出來的玩法，例子16點對莊家7面，他們就是知道電腦叫佢地要牌，但是佢地還是相信自己的感覺多過電腦，選擇不要牌，等莊爆。這樣，他們就永遠學不了。

骰寶，當然有抽水，是暗水，即是抽了你也不知道。暗水一般是在減低賭客勝出機會，或者賠率偏低。
例如輪盤平均37手中一次，但是只賠35，連本36，即是每37手蝕一注。
大細，圍骰通殺，這個比較容易看到。
骰寶的大隻1，一賠一，開兩粒賠2，三粒賠3，好似不抽水還有紅利獎金！這個世界當然唔會有咁著數喇！
實際這個買法賭場優勢是7.9%，比較大細蝕圍的2.8%，輪盤蝕0的2.7%，高出兩倍幾 ！
https://en.wikipedia.org/wiki/Sic_bo

---

作者: peterlee    時間: 2018-3-16 13:34

很多人說，番攤枱的老鬼，可以長期維生，證明佢地有本事贏賭場。

事實係，佢地盡量少投注，吹一個小時才買自己一口，投注少，蝕水少，吊住條命。然後有乜野好路，就叫其它賭客買，間中贏錢有醒，賴以為生。

而家鬼佬場，有績分賺績分，攞船飛攞房嚟賣，就日日同super嗌交話績分少。

---

作者: alexwush    時間: 2018-3-16 16:07


骰寶出現1,2,3,4,5,6嘅機會並非1/6+1/6+1/6=1/2
而係1-5/6*5/6*5/6=91/216=0.42
俾賭場抽咗水都唔知

---

作者: 楊灝貽    時間: 2018-3-16 16:50


賭幾舖冇得講機會率
50%個D機會率係由N咁多舖隨機結果得出嚟
冇人會一日賭一萬幾千舖

所以就算一舖大細都冇所謂50%機會率
只係隨機開大細

乜野機會率實際都係賭隨機
純粹攞機會率講贏面唔去最好
班友攞嚟點人去
好似郭生講有力學計到先可以諗下

---

作者: alexwush    時間: 2018-3-16 17:54

楊灝貽 發表於 2018-3-16 16:50
賭幾舖冇得講機會率
50%個D機會率係由N咁多舖隨機結果得出嚟
冇人會一日賭一萬幾千舖

咁博士賭骰寶即係賭五行，你同意

---

作者: peterlee    時間: 2018-3-16 19:23

楊灝貽 發表於 2018-3-16 16:50
賭幾舖冇得講機會率
50%個D機會率係由N咁多舖隨機結果得出嚟
冇人會一日賭一萬幾千舖

賭幾多舖，1舖n舖，都可以講機會率。
如果唔喜歡理機會率的，賭幾多舖都可以唔使理。
澳門每年賭收殺數三千億，日日成十億，都是冇乜賭客理的。

【50%個D機會率係由N咁多舖隨機結果得出嚟 冇人會一日賭一萬幾千舖】
49%贏51%輸，蝕2%至一些蝕20%的游戲，機會率是計算出來或者統計出來，給人知道下注贏輸機會率。
坐巴士意外的機會率是萬份之一，發生的機會不大，所以大多數人會坐。午夜超速飛車沖紅燈，意外易生，多數人不會做。
機會率的概念是給我們一個預算。

【所以就算一舖大細都冇所謂50%機會率】
買大細，贏的機會率是48.6%，蝕水2.8%，好多人唔會理，或者覺得少唔理。但這就是每年三千億賭收的來源。

【乜野機會率實際都係賭隨機 純粹攞機會率講贏面唔去最好】
開出的結果是隨機。機會率就是賭場設計成賭場賺賭客蝕。絕對不是50/50

---

作者: 楊灝貽    時間: 2018-3-16 19:39

alexwush 發表於 2018-3-16 17:54
咁博士賭骰寶即係賭五行，你同意

唔識五行，一般人賭頂多百零舖冇得講機會率
但我開賭一定望人信機會率

---

作者: peterlee    時間: 2018-3-16 20:02

楊灝貽 發表於 2018-3-16 19:39
唔識五行，一般人賭頂多百零舖冇得講機會率
但我開賭一定望人信機會率

信機會率，是理性的表現。
賭場最喜歡的是個個賭客都冇理性。
賭場優勢玩家，搵食幫，是最明白賭場游戲機會率的玩家，佢地第一個守則，就是機會率低過50/50的（等于負優勢）唔賭。
澳門賭場，一萬個賭客都冇一個優勢玩家，即是99.99%以上唔理機會率，如果佢地信機會率，賭場執笠。

---

作者: 楊灝貽    時間: 2018-3-16 20:48

peterlee 發表於 2018-3-16 20:02
信機會率，是理性的表現。
賭場最喜歡的是個個賭客都冇理性。
賭場優勢玩家，搵食幫，是最明白賭場游戲機 ...

尼個係概率嘅前設/講概率嘅根據
咁學術嘅範圍你要問下d數佬
係佢地先解得好
總之一舖大細係技術上冇得講五五波
係你信念上存在，但現實係冇

唔知有冇數學學/碩/博士睇天羅地網

---

作者: 楊灝貽    時間: 2018-3-16 21:48


你聽返郭生講高手計嘅野
追牌，記牌，算人點執牌，計骰每面重量，計潮水漲退，比較確實精準
班友唔會計機率，計機率就黃生結論，冇得贏

---

作者: peterlee    時間: 2018-3-17 00:35
簡單的骰寶機率計算，應該屬于中小學范圍吧。

很多人都對賭博的基本觀念錯誤
老蕭以前，都喜歡講賭，但是每次講都有錯。
唔知係咪比我話得多，之後一句都冇講。

澳門日報，我睇過兩篇分析賭收的文章，兩個筆者是行內人，專家知識份子。
但是就連最基本的計算賭場贏率的方法也不懂，就來寫分析賭收文章。

---

作者: erict    時間: 2018-3-17 03:33

alexwush 發表於 2018-3-16 16:07
骰寶出現1,2,3,4,5,6嘅機會並非1/6+1/6+1/6=1/2
而係1-5/6*5/6*5/6=91/216=0.42
俾賭場抽咗水都唔知 ...

　　憑你計呢條數，就知你讀中五嘅probability一定肥佬。

---

作者: alexwush    時間: 2018-3-17 07:56

erict 發表於 2018-3-17 03:33
　　憑你計呢條數，就知你讀中五嘅probability一定肥佬。

你計，試下啦

---

作者: alexwush    時間: 2018-3-17 08:27
比喻係當而家有六個賭客,每個人買一個號碼,剛好1-6各一人買,每人落注$100,假如結果當開"1,1,2"點細,莊係呢局會賠$200+$100比其中2個人,殺台面$400.....即係贏$100.......甘正好指出開雙骰時暗水所在........如開圍,派$300,殺其餘$500.....賺$200(賭台)..........

---

作者: 楊灝貽    時間: 2018-3-17 10:02

peterlee 發表於 2018-3-17 00:35
簡單的骰寶機率計算，應該屬于中小學范圍吧。

很多人都對賭博的基本觀念錯誤

唔係計機率
係計機率之前, 先知道機率嘅根據,
再睇下自己嘅情況夠唔夠條件用尼個結果去計算機率

人地D機率要大量重覆先有, 重要只係一個好可能出現嘅傾向, 唔係必然
你重覆開大細十萬次, 只係好大機會出現50%大50%細
一般人賭得幾多舖, 實際係搏一舖
又咁啱, 郭生介紹嘅高級賭徒, 未見有人依靠計算機率, 個個都計算更加實際嘅數
計算機率通常都係一般賭徒先會做

---

作者: peterlee    時間: 2018-3-17 10:22

楊灝貽 發表於 2018-3-16 21:48
你聽返郭生講高手計嘅野
追牌，記牌，算人點執牌，計骰每面重量，計潮水漲退，比較確實精準
班友唔會計機率 ...

【追牌，記牌，算人點執牌，計骰每面重量，計潮水漲退，比較確實精準
班友唔會計機率，計機率就黃生結論，冇得贏】

當贏面大過面好多時，你可以唔理機會率，因為幾乎是怎樣也會贏的。

但是如果講的是好似賭三口這樣的方法，能否打敗賭場，關鍵就是那兩三個%的分別。

玩大細，賭客就是蝕水2.8%，而家澳門賭場，冇人可以破解。

廿一點算牌，用蝸牛機，打基本期望值是-0.2%，利用騎士策略，算枱面牌等等，可以將期望值提升到+0.1%，算牌客然後在唔蝕水的情況下賺取績分優惠。這是而家澳門搵食幫在做的事。賭場在這兩年也開始"做野"對付搵食幫。
講的，也只是千份之二的分別，這0.2%的分別也是能否在賭場賺利的關鍵。

而那些用纜法睇路玄法的，幾十年來，來一個死一個。

---

作者: peterlee    時間: 2018-3-17 10:39

楊灝貽 發表於 2018-3-17 10:02
唔係計機率
係計機率之前, 先知道機率嘅根據,
再睇下自己嘅情況夠唔夠條件用尼個結果去計算機率

【唔係計機率
係計機率之前, 先知道機率嘅根據,
再睇下自己嘅情況夠唔夠條件用尼個結果去計算機率】
機會率，可以用統計來收集數據做分析。也可以用邏輯推理的方法去估計。
例如有一個新游戲新賭具，一粒10面體（1~10)的骰仔（假設以前未出現過），想知道擲骰後開【1】的機會率，這時不一定需要先收集數據，也可以知道開1的機會率。

醫生告訴病人，如果唔開刀，就30%死。如果開刀做手術，就5%死。...
這是機會率，病人不需要做好多次手術，或者唔做手術睇佢死幾多次才可以估計。

以前電視有個報導，直播，一個人用全副身家，大約值100萬港幣，去賭一口輪盤紅黑，他只會賭一手，贏輸都以後唔賭，他的贏面是48.6%。就算他只賭一手，這個機會率仍然有效地作出預算。

---

作者: peterlee    時間: 2018-3-17 10:46

楊灝貽 發表於 2018-3-17 10:02
唔係計機率
係計機率之前, 先知道機率嘅根據,
再睇下自己嘅情況夠唔夠條件用尼個結果去計算機率

【人地D機率要大量重覆先有, 重要只係一個好可能出現嘅傾向, 唔係必然
你重覆開大細十萬次, 只係好大機會出現50%大50%細
一般人賭得幾多舖, 實際係搏一舖】

【大量重覆】... 或者叫蒙地卡羅法(Monte Carlo Methods)，是計算機會率的其中一個方法。
另外的方法有組合計算，例如計六合彩頭獎的機會率，在未加到49個號碼之前，已經可以知道用49個號碼，中頭獎的機會率。

---

作者: peterlee    時間: 2018-3-17 10:51

楊灝貽 發表於 2018-3-17 10:02
唔係計機率
係計機率之前, 先知道機率嘅根據,
再睇下自己嘅情況夠唔夠條件用尼個結果去計算機率

【計算機率通常都係一般賭徒先會做】

我唔知你講的【一般賭徒】是哪一類/
行入澳門賭場的賭客，99%唔會理會準確機會率的。
以你為例，你只重復說買大細50/50，我講出/計出的比較準確數字，你不會理會。

---

作者: peterlee    時間: 2018-3-17 11:11

楊灝貽 發表於 2018-3-17 10:02
唔係計機率
係計機率之前, 先知道機率嘅根據,
再睇下自己嘅情況夠唔夠條件用尼個結果去計算機率

【又咁啱, 郭生介紹嘅高級賭徒, 未見有人依靠計算機率, 個個都計算更加實際嘅數】

正如我上面講過，【當贏面大過面好多時，你可以唔理機會率，因為幾乎是怎樣也會贏的。】
贏面大就可以唔計，要計佢地也唔識點計。所以一些贏面不那么大，只賺些微的，他們是玩不了的。

假設四個技術相約的在打麻雀，Mr.A可以追蹤36隻牌的位置，他的贏面就很大。
如果只追到12隻，又如何？只追到4隻，又如何？只追到1隻又如何，0隻就肯定冇著數，蝕水蝕時間了。
這個情況在廿一點的算牌客也有發生的。我們的用語，是得到額外的資訊，這些資訊可以給帶來幾多著數？

多年前，MGM新開時，有個電子百家樂，每隔20手就會開頭一張牌給你看，然後可以加注，這是額外資訊，懂得利用，就變成了漏洞。被搵食幫圍攻，賭場輸了百多萬。後來賭場需要將電腦機全部換"肉"，改變設計。

---

作者: alexwush    時間: 2018-3-17 17:08

peterlee 發表於 2018-3-17 11:11
【又咁啱, 郭生介紹嘅高級賭徒, 未見有人依靠計算機率, 個個都計算更加實際嘅數】

正如我上面講過，【當 ...

既然賭場設下天羅地網；有何妙計破之，

---

作者: peterlee    時間: 2018-3-17 18:38

alexwush 發表於 2018-3-17 17:08
既然賭場設下天羅地網；有何妙計破之，

有人有贏錢方法，賭場當然會想辦法停止，堵塞漏洞，改例，黑名單...等。
搵食幫也只可以想辦法尋找新的贏錢方法，盡量不被賭場發現，延長那游戲的賭博壽命。
被黑名單，隔一段時間可能又可以再玩。也有人不斷教新人團隊運作，黑一個又教一個新人。
或者全世界周圍走，搵未黑名單的賭場。
電影決戰21，是真人真事改編，講MIT教授，教學生算牌，進攻拉斯維加斯。真人版的John Chang，美籍華人，團隊最多人時超過300人。電影裡講了很多賭場黑行動的情節。

一些不是贏賭場錢的游戲，德州撲克，賭場不會黑你名單。
電腦計馬，雖然贏的是馬迷的錢，馬會也因為投注額多了抽水更多，但是馬會覺得對馬迷不公平，隻眼開隻眼閉，也試過將電腦馬集團的戶口取消。

---

作者: alexwush    時間: 2018-3-17 21:31


賭仔對賭場，憑漏洞，可以揾度食，但漏洞隨時唔同，一本通書唔可以睇到老
賭仔對賭仔，可技術取勝，如賽馬，竹館等場所。
普通馬迷，又如何同練馬師，馬伕，馬主對賭呢。而竹館又有高手長駐候教
如果冇背景無人脈，揀唔賭都係上策。

---

作者: alexwush    時間: 2018-3-17 21:42


博士講象棋停着，一步閒棋之後對方就死棋，但佢無教點樣對付停着。
如果行停着嘅係賭場，你走邊步都死。又如何呢？

---

作者: alexwush    時間: 2018-3-17 21:45


如果你行停着，我當場暈低或者借尿遁，算唔算輸呢

---

歡迎光臨 天羅地網 (http://farflunginfo.com/)

Powered by Discuz! X2.5