Screenshot_2018-12-12-23-53-21.png (1.32 MB, 下載次數: 204)
涼風有信, |
秋月無邊; |
虧我思嬌情緒好比度日如年。 |
小生系繆姓乃是蓮仙字; |
為憶多情嘅歌女叫做麥氏秋娟。 |
見佢聲色與共性情人讚羨; |
佢更兼才貌咯就的確兩相全。 |
今日天隔一方難見面; |
是以孤舟沉寂, |
晚景涼天。 |
你睇斜陽照住個對雙飛燕; |
虧我獨倚蓬窗我就思悄然。 |
耳畔聽得秋聲桐葉落; |
又只見平橋衰柳鎖寒煙。 |
唉第一觸景系更添情懊惱; |
睇我懷人愁對月華圓。 |
正系舊約難渝潮有信; |
新愁深似海個無邊。 |
睇我呢種情緒悲秋同宋玉誒; |
況且客途來抱恨啊你話叫我對乜誰言。 |
近日聽得話有羽書馳牒報嘞; |
重話干戈撩亂擾亂個江村。 |
個的崑山玉石也遭焚毀; |
好似避秦男女入桃源。 |
你係幽蘭不肯受污泥染; |
又怕賊星誒來犯月中仙。 |
你話嬌花嘞若被狂風損咯; |
個陣玉容無主, |
你話倩乜誰憐。 |
一定輾轉呃馬前遭血濺; |
日落魂歸玉化煙。 |
你話若然你艷質系遭兇暴啊; |
我寧願同埋白骨啊去伴姐妝前。 |
或者死後得成連理樹嘞; |
好過生時長在呢個奈何天。 |
但望慈航法力總要行方便; |
把楊枝甘露救出火坑蓮。 |
等你劫難逢凶俱化吉; |
個的災星魔障兩不相牽。 |
虧我心似轆轤千百轉; |
空綣戀咯, |
嬌呀但得你平安願啊, |
我就任得你天邊誒明月啊都照向別誒人圓。 |
(轉乙反南音) |
聞誒擊誒柝咯, |
鼓嘅三更啊; |
只見江楓啊漁火照住個愁人。 |
幾度啊徘徊思往事啊; |
勸嬌誒唔好咁癡心啊。 |
你話風塵不少這、不少憐香誒客; |
羅綺誒還多嘞惜嘅玉人。 |
試問煙花啦誰不貪豪富咯; |
做乜你偏把多情向住小生誒。 |
況且我窮途作客囊如洗誒; |
擲錦誒纏頭愧誒未能。 |
記得填詞偶寫個段胭呃脂井誒; |
你含情相伴嘞對著盞銀燈。 |
你細問我嘅曲中何故啊事咯; |
我把陳後主個段風流講過你聞。 |
講到兵困景陽家國破嘞; |
歌殘玉樹後庭春。 |
攜住二妃誒,(拋舟腔) 攜住啊二妃藏井底; |
死生啊難捨、難捨、難捨佢嘅意中人、人啊人。 |
你聞聽啊此言就多嘆息咯; |
重話風流天子嘞更重系情真。 |
(轉正線) |
但係唔該誒享盡個的奢華福啊; |
就把錦繡江山委誒路塵。 |
你係女流也曉嘞興亡恨; |
不枉梅花為骨雪為心。 |
重話我珠璣滿腹者實在原無價; |
我知你憐才情重更不啊嫌貧。 |
唉,我想到此情嘞欲把嫦娥問; |
無奈見得楓林月誒色昏。 |
遠望啊個處樓台人影近啊; |
人影近咯, |
都莫非相逢呢一位啊系月下魂。 |
歡迎光臨 天羅地網 (http://farflunginfo.com/) | Powered by Discuz! X2.5 |