天羅地網

標題: 90後學炒輪！用7萬輕鬆贏5萬「少年輸20萬」 [打印本頁]

作者: Nelsonlai 時間: 2014-5-19 13:49
標題: 90後學炒輪！用7萬輕鬆贏5萬「少年輸20萬」
本帖最後由 Nelsonlai 於 2014-5-19 14:15 編輯

有說五窮六絕七翻身，未到六月已有不少損手股民在討論區呻輸到燶。有90後青年跟朋友炒牛熊證，首嘗甜頭後愈戰愈狠，最終輸掉30萬元。有輔導機構指，病態股民趨年輕化，最細僅23歲，逾六成是大學生。

近期股市波動，走避不及的股民紛紛在討論區大呻輸到驚。有人發帖指四月已輸光數年人工，返工也提不起勁，亦有人說近月輸掉六萬多元決定退出。帖文發布三日已有三百多個留言熱議。

有戒賭機構指部分年輕股民炒股損手後不忿氣，四處借貸「填數」，結果債台高築至逾60萬元

見好友賺５萬學炒牛熊證

記者成功聯絡到年輕股民Chris（化名），年僅二十一歲的他現就讀大學會計系一年級，去年他見同齡好友炒牛熊證，以十萬元賺得五萬多元，便學人炒牛熊證。

「一月時我的本金由七萬滾到十二萬，佢就由十五萬滾到二十萬，見賺到錢就開始玩大啲。但三月起買咩就輸咩，至今我們分別輸咗十萬及二十萬！」

他指兩人為緊貼市況，每兩三分鐘用Apps查股價，形容「連發夢都見到數據分析」。他指自己輸光已收手，但好友還向家人借十萬想追回損失。

戒賭機構東華三院平和坊主任楊枬英說，中心去年處理三十宗病態股民個案，當中百分之六十三具大專以上學歷，較前年升逾一成。單是今年首四個月，已有十四宗求助，佔整體百分之十點八，較去年多。「最年輕的求助人是一名二十三歲大專男生。去年三十歲以下求助人佔百分之十三，今年頭四個月，這個組別就有百分之二十一！」

路德會青亮中心主任周雅瑩指，以前病態股民多是五十歲或以上、有積蓄的退休人士，近兩年卻多了二十五至三十歲求助者。「每個月有兩三個求助，較兩、三年前幾乎零，明顯增加。」

90後學炒輪一鋪輸20萬

股價Apps普及易接觸投機

周料股價Apps及網站普及，令年輕人更易接觸投機活動，加上受朋輩影響，令年輕病態股民趨增。「部分人見朋友賺錢就跟人玩，根本無做功課，一輸就諗點借錢去追番。」她指年長股民會循序漸進投資，年輕股民趨向買高風險衍生工具。

據平和坊資料，去年接獲病態股民求助中，有百分之三十七人借貸六十萬或以上，較前年的百分之五大幅增加。楊枬英指高學歷股民易掌握股市數據，對個人知識有信心，往往高估自己分析能力，最終可能輸得焦頭爛額。

牛熊證風險大經驗淺未必適合

牛熊證及期指等衍生工具是利用槓桿原理，產生較大潛在回報，即「贏得多，輸得勁」，惟運作較股票複雜，投資者一旦看錯市，短時間可一無所有。智才投資學會行政總裁羅振邦指，過去兩三個月因有較多消息流出，如滬港通及新國九條，影響市況走勢反覆。

「牛熊證最高倍數可逾50倍，期指則約16倍，牛熊證風險比期指更高。若收回價揀得太近市價，就有即時收回風險（俗稱：打靶）。」他指若想降低風險，可揀一些收回價遠較現在市價為低的產品。

他認為經驗尚淺的投資者，應先從穩陣派的藍籌股開始投資，或修讀投資課程，掌握投資工具特點及分析入市方法。「無論是認購證、認沽證及牛熊證也好，一定要訂立止蝕位，止蝕位最好為15至20％。」

作者: learngood 時間: 2014-5-19 20:41
可以好很肯定話你聽玩窩輪散戶輸硬。因為個莊可以出好多手法令你明明贏錢都無糊食(例如唔開價)。就算一時好彩你贏左，遲早都要比番佢。除非你割禾青以後唔同佢玩。
相反玩期權就算個莊唔出價你都可以行使佢。所以想刀仔斬大樹都係期權較為公平D。

作者: tom8812002h 時間: 2014-5-20 01:35

learngood 發表於 2014-5-19 20:41
可以好很肯定話你聽玩窩輪散戶輸硬。因為個莊可以出好多手法令你明明贏錢都無糊食(例如唔開價)。就算一時好 ...

師兄期權有什麼心得可以交流下嗎?

作者: learngood 時間: 2014-5-20 22:10

tom8812002h 發表於 2014-5-20 01:35
師兄期權有什麼心得可以交流下嗎?

並無心得，只是覺得玩法較窩輪公平，因為你處於被動的情況較少。任何一種投資/機當你處於被動的情況下你就一開始已經輸了！

作者: Kubrick 時間: 2014-5-22 22:55
Agreed.
不過近來多佐o的炒開股輪ge 8.90後轉學炒鴨腎, long call 有水good就死唔撤execute, 真係害街坊,連大行都俾佢玩殘...
再多o的o甘ge盲毛呢搭沉船就pk o勒
後生仔,唔好稔快錢..死左都唔知乜事....讀多幾籌華嚴經同金剛經先喇

作者: learngood 時間: 2014-5-25 12:15

Kubrick 發表於 2014-5-22 22:55
Agreed.
不過近來多佐o的炒開股輪ge 8.90後轉學炒鴨腎, long call 有水good就死唔撤execute, 真係害街坊, ...

巴打唔明你講乜？可否詳細說明一下？點解人地 long call execute 會玩殘大行？散戶真係咁把炮？點解盲毛會搭沉船？可否詳細D解下畫？謝謝！

作者: Kubrick 時間: 2014-5-31 00:46
非常sorry, 唔係經常入黎, 原來有人對拙作o甘有興趣, 稔o左半日, 都攪唔惦點用幾百字會令 option layman 明白 (我 suppose 閣下未玩個option), 好彩記得蘋果以前有班高手論option, 去片先:

  ["股票期權，說易不易，說難不難；只是見杜Sir上周五財經專欄論及滙控（005）除淨前8月14日之8月及9月Call位大減倉，以及Call倉被行使驚魂，已經不簡單；所以無貨在手開Naked Short Call風險高，如果遇上派息兼送紅股，加添更多麻煩和額外費用，開倉前後必須做功課，以免賠了夫人又折兵。

還有一點要提醒預備開Covered Short Call期權朋友，如果閣下的股票存放在A證券行，而開倉Short Call時卻在B證券行，信心十足有貨在手開倉，忽然月中被Call貨，那麼要搬貨也來不及，卸貨最快也要兩個工作天，遇上星期五或翌日公眾假期，的確是狼狽萬分；最快解決方法是在市場買貨給對家，不過三數天後，股價下跌，做對了方向也要輸錢"...aug.2012..

讀MBA ge 同學如果係non-bba, 讀左六個學分都有6,7成人要重考, 上面文章ge作者話["股票期權，說易不易，說難不難] 真係客氣.. 明吾明真係睇你ge造化,
玩殘大行係有個晌carlyle 做dealer ge  friend 撞正杜sir講ge被行使驚魂,execute 雖然係有錢賺,但蝕死時間值,其實係變相攬住一齊跳.
好開心有人傾option, 因為learngood 兄講得好,玩法較窩輪公平, 大鱷無得惡晒.大師個節目間唔中會講下..不過要識游水,點可以唔落水呢.!..
智慧無價起落無常 ,,,,,, 祝君好運

作者: Kubrick 時間: 2014-5-31 00:57
老眼昏花, 原來係learngood 兄(姐?)提問, 當然不是layman,請高人多多指教才真,
sorry sorry.

作者: tom8812002h 時間: 2014-5-31 02:57

Kubrick 發表於 2014-5-31 00:46
非常sorry, 唔係經常入黎, 原來有人對拙作o甘有興趣, 稔o左半日, 都攪唔惦點用幾百字會令 option layman 明 ...

(杜sir講ge被行使驚魂,execute )

請問為什麼不在市場平倉，去execute，而 execute 又要時間和很多費用又佷多野做？

作者: learngood 時間: 2014-5-31 10:54

tom8812002h 發表於 2014-5-31 02:57
(杜sir講ge被行使驚魂,execute )

請問為什麼不在市場平倉，去execute，而 execute 又要時間和很多費用又 ...

等我試下答你個問題，如有錯誤歡迎網友指正，大家一齊學一齊進步。
假設你買了個call option，而家有某個消息令到正股大幅上升。但你認為這個升勢不能持續。這時候你可以選擇食糊，最慳錢方法是平倉。但是其他人的想法可能同你一樣，所以你個call 的平倉價可能會與你心目中有一點差距。在這個時候可能行使會較為化算。行使後你可以立刻食糊賣出正股。從這例子你可能會浪費時間值，但點都好過你買左個call窩輪相食糊時要打電話叫莊稼開價。個莊開個價好差你都要硬食，唔係就無糊食。

作者: Kubrick 時間: 2014-5-31 13:47
Good observation!

learngood 兄講ge s.t 係the best way out. 但most terrible 係同時有大量call option closed 而係好遠期ge. 個下short call holder pk 唔在wa下 (被殺個造手不及), 做對了方向ge Long 友也可能會上T+滯後價要輸錢或贏少左 (Theta 重未計), 名呼其實攬住一齊死.

當然高進都會比睹蟲偷雞喇.....請多多指正.

作者: learngood 時間: 2014-6-1 00:09
"做對了方向ge Long 友也可能會上T+滯後價要輸錢或贏少左 (Theta 重未計), 名呼其實攬住一齊死."

C Hing唔係好明你呢段說話點解，敬希不吝賜教。

重有想問下點解會做遠期long Call option?你個期越遠premium越貴但日日個call係度縮時間值？這裡可否解釋一下？

作者: tom8812002h 時間: 2014-6-1 00:28
本帖最後由 tom8812002h 於 2014-6-1 00:30 編輯

execute 買同賣要好多錢，被execute無咁多錢會怎样？

作者: Kubrick 時間: 2014-6-1 20:28
老人家手慢眼慢...個腦仲腎腎地..遲左覆真唔好意思,
原則上call option 買家不會提前execute,.如果有人為左少少比溢價高ge股息而提前行駛,隨時貪字貧,因為接貨時已經係隔日之後.溢價可大不同,仲害埋街坊o架(short side 有 naked o既,隨時要晌市場不問價貨).
至於大戶造long side o既 put 當然係為左hedge 現貨.做long call 則各有前因o勒, 最過癮當然係用盡貢槓而趁I.V. 高時賤價做long, 亦有不少故仔講春江鴨用衍生工具食到肚滿腸肥.想像你晌08初知道保時捷會收購Volks,(不過唔知幾時),造左遠期long call,結果..你就知幾和味.遠期係貴,但亦扯高delta,物有所值.
至於execute 買同賣要好多錢(或貨),股票行會有crisis management, 自然會追廋你.程序如何,有無高人指教下?

作者: learngood 時間: 2014-6-2 13:10
"至於execute 買同賣要好多錢(或貨),股票行會有crisis management, 自然會追廋你.程序如何,有無高人指教下"
Kubrick 師兄對option的理論好有心得，希望有時間同我地上下課。如果你覺得用中文較難講，請用英文，我也可以看得明。
通常未好深入價內時已經追你補倉。如果無追你補倉(唔係好價內)就算你被execute股票行風險都好低。例如你的short call被人execute,你無貨股票行在市場用市場價同你買然後用行使價賣出，你只補差價，這個差價點都少過你放在股票行的按金，所以股票行無乜風險。至於short put被execute也一樣你接左貨無錢埋單股票行會用市價幫做沽出，你一樣補差價。

作者: Kubrick 時間: 2014-6-2 23:47
多謝learngood兄指點,其實我呢o的老鬼中英文都差,之不過連輸入法都唔識,淨識o的爛鬼廣東輸入法,又慢又廢,唯有用o的三腳貓英文遮醜.
Out la, 而家係learngood 兄o牙, 錢志健o牙,杜嘯鴻o牙,甚至坊間8仔o牙呢o的年輕才俊ge世界la. 我仲有排要學o野.
投資要正路,最好期權,可惜蘋果個option專欄無lala停左,真係好o野無長久.
唯有請各路才俊繼續賜教.請請.

作者: learngood 時間: 2014-6-2 23:53
CHing太謙了！將我個名同呢D大師級擺埋一齊真係令我面紅。
知識都是要透過大家交流而獲得，那有老幼之分？

歡迎光臨天羅地網 (http://farflunginfo.com/)