華為用家注意：停止軟件更新！隨時「死機」+ 資料全失！

odin

華為用家注意：停止軟件更新！隨時「死機」+ 資料全失！
Ah Kwan 阿坤(prince1025) 2019-05-29 17:10
近期華為花生特別多，繼被美國佬封殺事件之後，今朝又爆大鑊：一大批華為手機突然死機，成班華為用家衝哂上客戶服務中心求救，令客戶服務中心罕見地非常「熱鬧」。到底點解無啦啦會發生咁嘅問題呢？

華為用家注意：停止軟件更新！隨時「死機」+ 資料全失！

同畀美國佬封殺無關，根據香港蘋果日報報導，原因可能是更新檔出現問題，而因為有部份用家設定咗自動更新，一更新就 GG 了。同時，並唔係淨係得新款華為手機，先出現咁嘅情況，就連舊型號手機都出事。

最慘嘅係，有用家拎咗部手機去客戶服務中心，職員的解決方法係幫佢重設手機，但變相就會令所有資料都無哂。所以，如果你係華為手機用家，而又沒有設定自動更新，咁就千祈唔好手多多升級，如果唔係隨時出事！

來源：蘋果日報