查看: 4389|回復: 4

苦海獨釣

111 主題	0 好友	4225 積分

論壇元老

Rank: 8 Rank: 8

發消息

電梯直達

樓主

發表於 2021-3-31 13:15:56 |只看該作者 |正序瀏覽

本帖最後由 wwongs 於 2021-3-31 13:19 編輯

我曾經認識過一啲朋友，患癌症到末期。明知西醫話唔會醫好，只有三個月命，又明知有啲人唔醫都好番，又有啲人因為另類療法康復。但佢地仍然去揾西醫，點解？

第一個原因，但凡患癌症嘅病人，都有好重死亡意識，不過佢表意識未必會知道或承認。佢哋往往話俾自己知，自己好努力「抗」癌，做哂所有可以做嘅嘢，重要承受好多痛苦，然後悲劇地死去。冇辦法啦，條命就係咁。
但係如果有人話有方法真係會醫好，而且唔痛苦。就算未必好番，起碼可以唔使咁辛苦而又長命啲，佢哋就會潛意識抗拒，話冇根據，啲方法唔得。

內裏其實係諗：點解我要唔辛苦同長命啲？呢個境況唔啱feel。悲劇地死去，先至符合內心深處嗰個mood。
第二個原因，如果係「人地」醫我醫唔好，責任就响「人地」度！

我「唔知道」點解會病，亦「唔會想」自己病呀，而且我已經為自己「做咗嘢」，重想點？冇辦法呀。
但係如果我要脫離西醫，用身心靈以及其他另類療法醫自己，就要將我個生命嘅責任揹哂上身。醫唔好，係自己責任，冇得賴。我要承認係我令自己病，係我對自己唔好；係我响人生裡面有好多嘢唔識處理，選擇逃避；原來我有好多陰暗面，唔想去承認。重有最重要一點，就係要答自己：既然一直都唔開心，點解要生存落去？

有啲人會覺得：如果要面對咁多一直都唔想面對嘅嘢，不如死咗好過。

點解要生存落去？係第一個要解決嘅問題。

網絡文章 : 身心靈平台

收藏0