|
無綫記者不滿管理層在新聞報道自我審查，公開表態的編採人員及主播已增至百多人。
而一段無綫新聞部員工大會的錄音亦在網上曝光，錄音顯示，疑新聞部總監袁志偉在會上多番訓示記者「憑乜嘢」指控警員將示威者拖至暗角拳打腳踢，又指摘報道無加「涉嫌」及「懷疑」等字眼，違反新聞專業守則。有學者指袁志偉說法「唔係水平太低，就係想掩飾真相」。
■有市民不滿無綫新聞部高層做法，日前到電視城抗議
無綫記者本周三就警員圍毆曾健超的報道被刪去部份旁白，發表公開信要求管理層尊重真相，聯署新聞部員工已增至逾百人。新聞部總監袁志偉在周四召開員工大會，昨網上流傳一段「TVB袁志偉訓示新聞部」錄音。
該段26分鐘錄音顯示，疑似袁志偉聲音在會上訓示記者，指警員打人可被判終身監禁，屬嚴重指控，但記者並無「走埋去睇住佢打，問佢係咪特登拖佢埋嚟打」。
■負責撰寫報道的記者稱畫面清楚見到警員用拳和腳打示威者
「你係嗰幾個警察心裏條蟲？」
他又質疑：「你係嗰幾個警察心裏嗰條蟲？特登拖佢去暗角拳打腳踢，憑乜嘢？」他稱當天早上在家中看到報道沒加「涉嫌」及「懷疑」等字眼，主播更讀得好流利，作為總編輯，對所有新聞每一隻字負責，所以6時35分致電回新聞部要求修改。
負責刪走旁白的新聞部女高層「明」，相信是副總監黃淑明，隨即附和指，「影像上係踢，影像上揼咗兩嘢，但係咪真係踢中晒，我哋睇唔得清楚」。寫「暗角」亦不客觀，「你覺得暗，我覺得唔暗」。她自爆報道後無補加另一旁白，是各有各忙無認真處理，反映無綫高層「是是旦旦」作風。
負責撰寫報道的「阿康」在會上指，他與同事反覆看警員打示威者片段多次，「好清楚睇到拳頭打落去，用腳踢佢」，他「相信自己對眼，信攝影師影番嚟嘅嘢係真」。用「拳打腳踢」只是客觀畫面描述，他曾想過用「毆打」或「武力」，但亦可能令人聯想是用工具去襲擊。現場只有兩支光管照明，確比外圍環境暗。他又反駁袁：「過去咁多日影警方噴胡椒噴霧，畫面影到，肉眼見到，我哋從來無加警方懷疑、涉嫌噴胡椒噴霧。」
浸大新聞系助理教授杜耀明表示，記者肉眼觀察所得就是新聞來源之一，戰地記者難道要問過每一個殺人軍人才報道，看見梁振英出席行政會議要寫特首涉嫌出席會議。「袁志偉唔係水平太低，就係想掩飾真相」。
| 
發表於 2014-10-19 00:41:38
收藏
