2016.8.2 郭博士通識題：電影導演、明星、藝員

erict

第一條: 唔識行內人, 答唔到.

第二條: 如果以三十年前計, 會因應廣告商及片頭片尾位就內容, 而那段時間電視藝員都似乎賣力少少, 呢點係聽好多以前電視劇界老前輩講.
但而家時代唔同, 唔再係排排坐食粉果式定時定候睇電視劇, 例如紙牌屋 (House of Card)由Netflix打本, 一口氣比你下載整套睇, 以往的模式已過時, 不在存, 再配合Netflix以小米盒形式銷售, 可能整個心態都有好大轉變.
就以電影及電視劇演員不同之處, 前者好講執生, 因為一來導演在有限預算內完成, 可能要求演員隨時執生, 極少熱身, 所以拍戲演員好可能身經百戰. 就以寒戰二為例, 我見到好多大頭特寫, 而又見到好多TVB演員有份做, 似乎離不開電視劇模式. 而電視劇劇情可以拉長補短, 因為時間上對比電影充足. 因為受眾可能比入場睇電影的「水準」不太高, 所以有時大頭特寫及面部表情要畫公仔畫出腸, 而電視劇又算係經TVB模式行咗三十年, 算係流水作業式運作, 一般演員未必有電影更有敏感度, 所以, 有一次聽林家楝訪問, 佢講劉德華叫佢入電影呢行, 一定要甩咗浸電視味, 可能就係呢個意思.
但其實並不代表電視藝員比較水皮, 有好多綠葉我都好欣賞, 例如廖啟智, 拍無間道一樣出色, 仲有大時代葉天, 盧海鵬做一代宗師燈叔, 已不在人間的關海山, 特別係拍辣手神探時的無奈, 佢哋做戲都好好睇又唔會over晒.
我相信電影或電視演員分別之處好細, 先不講高低, 而問題係喺果個環境要求咩, 而佢哋又要因應環境及劇本要求, 正所謂食客要咩佢哋比咩. 我相信, 演員都係廚師, 明明煮到四頭鮑出神入化, 但食客只要求揚州炒飯, 唔做就生意都無, 為生活, 為將來有嘢撈舖路, 唯有做住先.