有趣問題一問, 香港小市民可否集體投地起屋比自己?

cwcheung24

眼見中資以168億天價投走鴨脷洲土地, 呎價超過2萬元. 今天出席完博士的聚會後忽發奇想: 其實香港人可否合資投地比自己起樓?

假設有我們集齊了三萬個未能上車的香港人, 每人夾份三十萬, 合共90億元. 目標當然不是香港島或者九龍市中心的地皇. 而是新界或大嶼山的大幅土地. 投了地之後商討如何發展.

當然地積比率或發展單位的伙數是一大難關. 如何在一幅土地發展出三萬個單位更是一大難題. 而且起樓時要揾邊個建築商也是很大的學問, 建築費更是未知之數......

小弟對香港的投地知識和發展成本可謂一無所知, 但當今政府昏傭無道, 就當發個夢, 又或者當作一個笑話來看也好. 懇求博士開示, 及歡迎各位網友討論.

感謝

kinyan

有趣!

容燥兒

如果咁樣，緊係好啦。

睇過外國啲節目，有同樣做法，就係集合一班人。各自出資本起一座大廈。

其實重平過幫人買。

但香港呢個特殊地方，有咁嘅諗頭。
未知有無咁順利比人起到，
政府有地產霸權啲內鬼睇檔。

才是做呢個計劃最核心要解決的問題。
如果人人都咁做，佢哋食風都似。

bcyeung

發夢

erict

　　分享一下小弟的經驗及認知的資料。

　　約二十年前，起一橦公屋，約由畫則到起貨，當時約一億到一億二三元度，size大約係將軍澳厚德邨。小西灣有些公私合營的大型屋邨大約也差不多。假如二十年來物價及公料上漲幅度是四倍，即是大約五億一橦。假設一橦三十五層，即是280伙，也就是未計地價一伙為178萬。估計公屋一般為400-500呎，當中位數為450呎，即是4,000呎。

　　胡官在競選時說，如香港政府只用現時四分之一棕地，相信可以完全解決一般市民居住問題。如果香港政府有心解決居住問題，棕地半賣半送，當總成本為200萬，或者租金2000-3000元一個月，完全可以做到。

　　引伸可用的地方至係主菜，例如在各棕地起樓之餘，可以搞一屋邨一中醫診所，街市商店各樣，租金超平，可以變相鼓勵好多人有嘢撈之餘，做到當年英國佬搞衛星新市鎮套嘢，例如元朗大埔沙田等等，好橋抄來用。而起樓又可以考慮大間D，例如600呎，或可以適用於三代同堂，因為三代人分住，原理上生活支出多2-3倍，三合一，整體家庭支出一定慳咗至少三四成，又有一家人凝聚力量處事，和諧等等，一樣有好處。

　　如果胡官言論成真，只用現時四分之一棕地而不需要用什麼郊野公園地，已可解決晒所有居住問題，即使做唔晒，幫到一半，成個形勢已經好唔同。

FenixChan

雖然樓主應該係無意，其實你呢個做法本質上就係搞獨立

人類點解要建立社會? 就係因為一個人本身可以做嘅野有限，所以集合眾人，建立一個制度(即是法律, 政府那些)，然後人人各就各位，咁先可以減少生活成本

如果你集合30000人，走去自己規劃社會建設(本來係政府嘅本份)，同獨立本質上係冇分別

再講，就算你真係去做，房屋唔係話你買地起樓放人入去住咁簡單，食水呢? 交通呢? 污水處理呢? 垃圾房d垃圾邊個理? 物業管理，大廈維修.....幾百件事要處理，平時你生活上唔覺有問題，係因為政府同你做曬咁多野，果d全部都係生活成本

仲未計你打欄地產商飯碗，隨時比人做瓜你......

peterchanchun

是可以的。
例如集合一班人,開一間公司。
以公司買地,再發展即可。
只不過那班識唔識呢?
其實不只起樓,其他也可以。

莊得智

90億買可建3萬個單位既地皮應該有D難,就算除開3個人一個家庭都要1萬個單位,加上建築費咁貴,仲要運行一間公司既費用,每個單位最少夾1,2百萬,仲要現金,有咩普通人之會羅到出黎

最大問題應該係發展商可以問銀行借錢同其他公司記帳,加上你口中既平地皮唔會放出黎比人投,有都係好似數碼港迪士尼咁送比D奸商

就算以上問題比你解決到,但我相信香港應該冇乜人夠膽用1,2百萬買一層4-5年先起完既樓,

種種問題加起黎,好多人就算有1,2百萬現金不如買收息股再租樓住

ppeter12345

流動櫃屋

chrisX9

反對！   

最大問題係無地吖嘛，如果有處地方 D 地又多又平，隨便買黎起就話啫。

香港，人多地少又貴，同市場搶地或政府監平賣比市民，不如叫政府起埋，一了百了。

再講，一大班蛇齋餅糉可以收買嘅人，有又咁多責任和法律問題要解決，都係各就各位把啦…..