2017年12月3日 泰國國慶嘉年華相片分享及感想

chriswong

當日我都係帶屋企人去結下善緣，心諗係去聽下祝福及睇佛舍利子。喜出望外是能供僧施食，真係要多謝 博士、徐先生及主辦單位。
還有機會散播慈愛，幫一位行動不便的婆婆拎櫈安排座位和排隊拎食物，閒聊間婆婆是為了祝福彩繩而來，佢話近排黑仔成日跌倒要轉運，心諗哩個係身體問題(用平衡儀應該有幫助)，所以即刻諗到叫佢搵博士，但佢又冇回應所以不了了之。事後諗返轉頭，應該教下佢手指瑜伽、平甩功和拍腳功，腦筋轉得唔夠快。香港話大唔大話細唔細，義工淨人原來係我當天晚上學手力急救的3位同學(仲要一位係一組,2人1組)，有一位仲要上台比賽泰拳，比賽無睇唔知結果如何，因為要送家人回家之後要上堂，上堂時大家還展示手中祝福彩繩。有食有拎過了一個歡樂的星期天，多謝晒。還有一個發現，誦經時，在場泰國人是可以一字不漏誦出經文，要加倍努力才行。

祝願當日所有供僧功德，願與所有天羅地網網友及生命分享! Sadhu Sadhu Sadhu!
希望未能抽空出席的網友隨喜同得功德分。