20171225韶關樂昌智識問答競賽之行後感分享

erict

　　我反而咁睇：唔識嘅嘢背咗先，日後可能會明白，是否正確，將來可以再調整。例如：

一，當年上中國文學課，讀到短歌行，曹操劈頭一句對酒當歌，人生幾何？係咪爽到震？即係冇人夠佢打。即使三國演義係小說，但佢實際上係敗於赤壁之戰，以此反映，做人唔好贏三幾場仗就牙擦擦，隨時行番轉頭收你皮。

二，又例如讀到增廣賢文嘅逢人且說三分話，未可全拋一片心；甚至係來說是非者，必是是非人，後生仔細路仔讀果陣未必會了解，但人大個咗出來社會做事，遇見的人事物，自有定斷係咪咁，只因為人心難測。

　　讀過嘅文章唔排除有啱有錯，既然今日咁艱難讀到書，讀咗先，背咗先，物盡其用。再諗深一層，用另一層面睇，或可能文中闡釋事情有錯，但可能行文通順，訓練用文字表達，都未嘗唔係有得著。如果一開始就懷疑，唔睇唔了解，好蝕底。套一句國內用語：有調查才有發語權。咩都唔了解就爆響口話唔得，其實即係豬up。John Nash讀數學，睇過Adam Smith嘅Wealth Of nation有思維盲點，誤打誤撞，自創一套到今日都用得著又好使嘅Nash Equilibrium，仲要攞埋諾貝爾獎。John Nash讀數學，基本上跟經濟學係兩碼子事。好學而立下，或者有時有驚喜呢？