20180304郭博士開示:電影-黑暗對峙

容燥兒

一個懂得幫丈夫䙜補破襪的賢妻，成就了一個人物！
譲他改變了世界的歷史，
亦挽救了國家命運！
觀賞後撰評點分享為盼。
另放k影院上分享。
Dr郭泐❗

容燥兒

http://www.freemvtv.com/v/play/18769-1-1.html

容燥兒

因為在此套電影之前,上映了鄧寇克大行動。

所以知道當時英軍被困,將要全軍覆沒之命運有幾大鑊。如果鄧寇克的英軍同法國軍隊被人殺哂。英國命運亦都要改寫。
所以睇呢套戲時,就多咗一條時間線比我去思考。

當打字小姐向邱吉爾問佢哥哥會點,咩人都唔會願意講出口:話你哥哥凶多吉少。

在議會自己派系一片講和氣氛中,就連老細都唔信你得,美國總統都托手㬹,講無能為力。明知係死局。但都要撐落去。最後決定權,都係來自返人民。

並唔係靠自己離地,紙上談兵同斷估,去分析形勢。

影片中,講到邱吉爾去坐地鐵,問民意。
果個場口好有感覺,亦是全片的高潮所在。

但整套電影自己用咗個第二個想法去解決件事,就係希望自己親自會見希特拉,令到希特拉呢個狂人停止呢場戰事,以免生靈塗炭。就算狂人都係人。
但當然呢個方法係好天真。
要見到佢當然好難,但扣除開支成本,都唔係有咩蝕底。自己係想做呢個說客。

因為睇影片時,感覺到好多資訊收達都唔方便,隔好多層。大部份時間係估敵軍做咩。完全處於危險狀況。擦槍走火易到非常。向咁嘅環境底下。

雙方都好易受人誤導。

wwkin

鬼佬電影美術同氣氛做得好吸引，黑暗對峙、鄧寇克大行動一文一武英國脫歐宣傳片，巧合的是歐盟大哥正是德國，英國又有一班人係歐盟工作居住。對號入座的是法西斯對大愛包容，納粹對左膠，不過現在的大愛包容左膠沒有法西斯納粹面目清晰的邪惡樣子。
平庸之惡用來指一些幫納粹衰野的人，應該叫愚蠢之惡更貼切，現場世界各地政治正是這些愚蠢之惡推動。

chriswong

觀後感:

如果一個人自以為聰明，剛愎自用的話，未必能成就一位邱吉爾首相出來。還需要娶一位很優秀和能幹的妻子，除了能在背後長期支持外，亦是一位有謀略的公關顧問，還有在人生不停地指正他走向正道。博士講過人生有3樣嘢唔錯得，第一唔好爛賭、第二唔好搵個壞女人和第三唔好搵老友笨七。第一個係自身問題其餘兩個都是依靠外力。外力支援在人生旅途上是具有很大的影響力，在壞情況下令人容易走進歪路。除此之外，貧富貴賤，放下身段搭地鐵，做人謙虛點，唔識就問人，行少很多冤枉路。電影所提及的戰爭和內閣鬥爭反而唔係重點，電影裡教會人的是與人相處嘅生活智慧，點樣去善待身邊嘅家人和共事者反而比較重要，當然要調服自己個心，要不斷地升華人格亦重要。而首相尋求美方協助到自己調動民用船隻救自己國家的軍隊，運用冷靜的態度及無畏的勇氣至少兩手準備去營救自己的國民。最後要說服議員及內閣投票支持開戰，我就想起金一南教授主講「從百年滄桑到大國掘起」中所提到中國國民只為了生活，不理會誰執政誰當皇帝，和大英帝國的民族尊嚴完成不同，不會奉承一少撮人帶來的地位及金錢利益放棄國家及民族尊嚴，以馬斯洛人類需求五層次理論而言，人類價值體系還徘徊在一個很低層次嘅生理需要水平中，諗起都覺得有點可悲，祝願習大大可帶領國民跳出哩個水平。