20180408郭博士開示:時空識互動課程的主旨

cwcheung24

甚麼是時間，空間，物質的真正關系？

現代人成日話忙到唔夠時間, 但當你無啦啦, 突然得到一個星期, 甚至乎一個月的額外假期,  度日如年的時間真是嚇死人, 平時好想做的時情, 打機上網傾閒計等等做得一兩日之後都好似變得了無意義, 大家都可能係經歷同一個廿四小時, 但一個覺得時間好慢, 另一個忙到死覺得時間覺得真係快......

空間, 香港地少人多, 現在樓價最平都要萬幾蚊一呎, 現在一家四, 五住在四, 五百呎的單位已是不錯了, 空間在香港仿佛十分短缺, 每個人都想有更大的空間. 但當你去到外國, 或者鄉下, 空間多的是, 起初是十分過癮, 因為有些鄉下地方的屋郁下都幾千呎, 淨係間房都大過香港個廳, 但當你住了一頭半個月之後, 感覺又回復平常了, 尤其是當你睡覺的時候, 會發覺不論你是身處香港, 加拿大, 或者大陸, 晚上睡的也不過六呎床鋪.

物質我就無資格講啦, 因為我仲未發達, 但我認為原理都是一樣的, 當你還是窮光蛋的時候, 總會對別人有車有樓, 出入豪華餐廳有一種酸溜溜的感覺. 但當你一朝腰纏萬貫, 日日魚翅朗口的時候, 你又會發覺其實人一天需要的也無非一日三餐, 夜宿一鋪而已. 在這個原則下, 一個普通人和李嘉誠的分別原來也不是很大.

其他深奧學問我不知道, 知道我就發左達了. 只知道若果立心不良, 心術不正, 讀左時空識班反而有害, 此所以博士用心良苦去物色學生.........