設為首頁收藏本站|簡體中文

天羅地網

 找回密碼
 立即註冊
搜索
熱搜: 活動
查看: 2178|回復: 1

20180529郭博士開示:前人經驗值得看看

[複製鏈接]

5886

主題

1

好友

8萬

積分

論壇元老

Rank: 8Rank: 8

發表於 2018-5-29 23:00:06 |顯示全部樓層
本帖最後由 容燥兒 於 2018-5-29 23:03 編輯

Dr.k:生逢亂世雞人充斥社會,前人經驗值得看看!
能做到多少算多少,
一定有些得著。
順頌吉祥!
Dr郭泐❗
回復

使用道具 舉報

5886

主題

1

好友

8萬

積分

論壇元老

Rank: 8Rank: 8

發表於 2018-5-29 23:03:04 |顯示全部樓層
瞓醒晏晝覺,百無聊賴,諗下讀咗一甲子書,似乎乜都知啲,所以歸納咗他人講過嘅嘢,試下寫咗以下50句說話同大家分享:

1、蜘蛛: 識得坐享其成, 主靠嘅就係佢嗰張關係網。

2、蝦: 當喺大红之日, 就係大悲到嚟。

3、天秤: 邊個喺某一面放多啲, 佢就會偏向嗰一面。

4、瀑布: 因為係居高臨下, 就可以口若懸河。

5、鋸: 因為伶牙俐齒, 所以最叻就係做離間嘅行為。

6、氣球: 只要被人一吹, 就會飄飄然。

7、鐘錶: 雖然可以返到起點, 但卻非以前。

8、合桃: 雖然冇華麗嘅外表, 但却似係充實嘅大腦。

9、指南針: 思想穩定, 面對點好嘅嘢都唔會被誘惑到。

10、花樽: 除咗有個美麗嘅外表外, 內心其實係極度空虛,唯一嘅作用就係俾人插。

11、 你永遠都唔會知道, 聽日同意外, 邊一個會首先到嚟!

12、 人生短短幾十年, 最重要嘅係滿足自己, 而唔係討好他人。

13、 鐵飯碗嘅真正嘅含義唔係喺同一個地方食一世飯, 而係一世人去到邊度都有飯食。

14、 真壞人唔可怕, 最可怕嘅係假好人。

15、 被人恨嘅人, 係冇痛苦嘅; 但去痛恨他人,卻係傷痕累累。

16、 人之所以生活得好攰, 係因自己放唔底個架子, 攞唔開面子, 解唔開情結。

17、 細個時, 幸福係好簡單嘅事; 人大咗, 簡單係一件好幸福的事!

18、 婚姻唔係 1+1=2, 而係 0.5 + 0.5=1。 即係兩個人各削去一半自己嘅個性同缺点, 然後湊合喺一齊先至係完整。

19、 夫妻倆過日子就好似一對筷子: 一、就係邊個都唔能夠離開另一半; 二、就係甜苦酸辣咸都一齊去嘗。

20、 面對生活,就要識得有最好嘅準備同最壞嘅打算。

21、 所谓門檻, 過咗之後就係門, 過唔到就係檻。

22、 呢個世上有三樣嘢係人哋搶唔到嘅: 一係吃入肚嘅食物, 二係藏在心裏嘅夢想, 三係讀咗入腦嘅書本。

23、 人要有三種平嘅心態: 平和、平穩、平衡。 對自己要鬆容, 對朋友要寬容, 對好多事情要包容, 咁樣自己先至會開心。

24、 人生第一個青春係主賜予; 第二個的青春係靠自己努力嘅。

25、 一個人嘅快樂, 唔係因為佢他擁有好多好多, 而是因為佢好少去計較。

26、 尋日係一張廢棄咗嘅支票, 尋日係一筆尚未到期嘅存款, 只有今日先至係你可以支配嘅現金。

27、 揮唔去嘅係記憶, 留低嘅係年華, 攞唔不起嘅係失落, 放唔抵嘅係情感, 輸唔起嘅係尊嚴。

28、 父母對子女嘅思念就好似流水一樣,一直係不停咁流; 而子女對父母嘅思念就像風吹樹葉一樣,風吹一下,就郁一下,風唔吹,就不郁。

29、 世上有兩件事不能夠等:一、孝順。二、行善。

30、 發脾氣,就係攞人哋嘅做錯嘅嘢嚟懲罰自己。

31、 凡係小事都要大聲講, 凡係大事都要細聲談。

32、 有風唔好駛盡裡, 有福唔好享到盡, 便宜唔好佔到盡, 聰明唔好用到盡。

33、 權力是暫時嘅, 財產係後人嘅, 健康是自己嘅。

34、 身安不如心安, 屋寬不如心寬。

35、 人生不能事事盡如人意,但求無愧於心便可。

36、 想掙錢嘅人好多, 但掙到錢嘅人唔多。 有本事嘅人掙錢都難, 一般人掙錢就更加難。

37、 錢就似水一樣, 冇,會渴死; 多,會浸死。

38、 學習要耐得起寂寞, 做人要經得起風雨。

39、 用最少嘅悔恨面對過往,用最少嘅浪費面對現在,用最多的希望面對未來。

40、 愛情之酒, 兩個人飲就係甘露, 三個人飲係酸醋, 隨便咁飲就會中毒。

41、 人一世, 親情、友情、愛情三者缺一,便成遺憾; 三者缺二,實在可憐; 三者全無,生不如死。

42、 超過他人一啲啲, 人哋就會嫉妒你; 超過他人一大截, 人哋就会羡慕你。

43、 全部可以交易嘅係市場,不能全部交易嘅係社會。

44、 十種健康生活方式: 少食肉,晒太陽, 雨中行,常唱歌, 飯後息,挺起胸, 静坐思,天倫樂, 步當車,行善事。

45、 是非日日有, 唔聽自然冇。

46、 兒孫自有兒孫福, 莫為兒孫做遠懮。

47、 在成長中成熟, 在成熟中衰老。 順應自然,笑待人生。 不要早熟,也不要早衰。

48、 平安是幸, 知足是福, 清心是祿, 寡欲是壽。

49、 超越死亡三原则: 唔好尋死、 唔好怕死、 唔好等死。

50、 超越生老病苦死三原則: 活得自如、 病得快樂、 老得自然。

希望呢50句話大家睇咗會鍾意!!!

回復

使用道具 舉報

您需要登錄後才可以回帖 登錄 | 立即註冊

Archiver|手機版|天羅地網

GMT+8, 2024-3-29 23:24 , Processed in 0.025588 second(s), 19 queries .

回頂部