20181212郭信差之閒話家常:色不異空

青樺

聽完梁老師的曲，更加堅信人的財富、工作、容貌、名聲、權勢和環境…都是變動的，都是無法自己獨力掌控的，真實存在的只有變動一直存在。換句話說，變動、緣起、性空才是世上真實的一切。

一境性

要親自體驗初步的色空不異, 並將自己的心理拆解, 我們一定要有相對強的觀察力和定力. 如何培養觀察力和定力. 相信勤諗祝福文可以幫到大家. 我也相信這是觀察自己內心其中一項很勵害的工具.

我覺得祝福文並沒有特別的諗法, 總之起初把他背熟, 在自己心神不定或煩惱現起的時候, 立即在心中默念. 好像近排天氣凍我每日都好像唔願起身返工, 在我胡思亂想之前, 立即在床上默念幾遍祝福文. 到了自己的心稍為定了下來, 才去擦牙洗臉. 我覺得這樣比逼自己夾硬好得多! 起碼不會令負面情緒積聚, 出了門口少了心理負擔, 追地鐵都快過人! 十分著數!

到我熟諗祝福文, 到了一個程度可以在煩惱和負面情緒將近出現之前又或者出現之後立即被自己察覺得到的時候, 大家就可以嘗試一下觀察自己的內心.

當然, 我並不鼓勵大家係又觀察, 唔係又觀察! 因為現代人實在工作忙碌, 而且過多的觀察往往會撩起不必要的煩惱, 不太值得. 所以我覺得應該首先觀察當下這一刻, 對自己影响最大的情緒先! 不論是負面的或者是正面的!

首先談談看似"正面"的情緒, 例如你在街上遇到某中學同學, 現在身光頸領, 穿勞帶銀. 你不禁會問他近排係邊度發達, 有乜好路數?! 於是他和你下午茶, 說他近排在股票行做野, 賺了不少. 仲問你有無興趣辭工跟他揾食如此這般..... 臨走他恐防你唔信, 仲要比個股票號碼. 嗱, 見係中學同學先益你, 呢隻野今個禮拜內一定升一倍! 今日先星期一, 你可以試吓入定少少貨! 結果到了星期五, 呢隻股不止升了一倍!

此時大部份人的心一定會落入興奮狀態. 嘩! 我中學同學無點我噃! 咁靈既? 話升就升!? 你整個週未都因為這件事開心到訓唔著, 而一向工作不順的你此時真的躍躍欲試: 好! 星期一就打比我中學同學, 之後跟佢揾食!

但若果有了心理觀察習慣的人, 在興奮之餘. 也會慢慢靜下來, 嘗試一下觀察自己的內心! 首先, 我當下的心理狀態可以拆解為幾多個部份?

首有, 我現在最明顯的狀態是興奮! 除了興奮之外呢? 噢, 我是因為預見了一個可能發達的大計, 所以我第二種心理狀態是貪心! 除了貪心之外呢? 噢! 為什麼我想發達呢? 因為我不滿現在的工作環境, 有了錢之後可以盡快脫離! 這是第三個心理狀態: 厭惡! 另外我想報答我的父母, 因為父母年事已高, 我想他們住得好啲, 我想買一個大啲的單位比佢地, 但我成日怕自己人工低, 在有生之年也實現不了目標! 憂慮, 這是第四個心理狀態!

還有無第五, 六, 七個心理狀態呢? 可能有! 但暫時是以上述的四種心理狀態影响當下的我最大! 所以我要首先處理咗佢地先!

一境性

好! 各位! 我地繼續!

到了認定了之前的四種狀態之後, 你就可以立即就這四種心理逐一觀察! 如何觀察他們? 首先要觀察這種心理狀態對現在的你的身體有什麼影响!

第一是興奮, 我們興奮的時候, 通常都個心跳加速, 頭部發熱, 手腳好像特別想郁動咁! 呢個時候你就可以從身體逐個部份觀察. 首先是心跳, 到你好細心觀察到你心臟跳得有幾快時, 之後轉到頭部, 現在發熱中, 到你好清晰地感覺到頭部發熱, 之後可以留意自己的手手腳腳....... 就這樣心, 頭, 手腳. 心, 頭, 手腳. 心, 頭, 手腳. 逐一反覆觀察. 此時你就可以審視興奮或者過份的喜愉有什麼不好之處.

噢, 你想到, 興奮會影响我的判斷力, 令我做錯決定. 另外, 一般人對興奮狀態都是不知不覺! 做錯咗決定之後先至知道! 最後, 興奮會遮敝了自己的觀察力, 令自己察覺不到其他心理狀態, 尤其是不好的心理狀態. 此時, 你會慢慢停了落嚟! 不久之後, 你自覺認為你可以暫時放下興奮這種狀態, 又或者暫不受它影响的時候, 這時你就可以轉而觀察自己另一個心理狀態.

第二個心理狀態, 貪心. 它直接引起了剛才興奮狀態和相應的身體反應. 所以我們這次可以直接觀察他的害處.

貪心有什麼害處? 它會令人急於做決定, 而且這些決定往往都是錯的. 而且貪心令人不理會這個決定將會帶來的風險, 招至損失. 這時你想到引起你貪心的源頭, 是你中學同學的一番說話, 他不是留了咭片, 上面有公司名的嗎? 所以這時你決定上網查一查同學的公司的真偽.

上到網, 嘩! 原來同學做果間公司叫XYZ公司, 個網頁好靚喎! 又有咁多投資專家有此留言, 肯定無死啦! 咪住, 個老細叫陳大文, 咁熟既個名？ 陳大文唔係喺都市閒情教煮餸架詳? 點解無啦啦做咗投資公司主席? 好奇怪喎! 咪啦, 不如去公司註冊處查吓XYZ既股東名冊先！

一境性

一查之下，原來陳大文只係掛名主席. 令外有個股東叫李東東. 於是上網查下李東東的底細. 嘩! 原來早在97金融風暴, 李東東間公司已經清盤! 之後到了08年金融海嘯, 李東東曾經因為包銷迷你債票而入獄三個月. 而XYZ公司原來只是開業三個月, 咁快有錢賺既? 有古怪. 此時醒目的香港人到了這裏已興奮不了起來了! 而此時, 剩下來的兩種心理狀態擔憂與憎恨也不用再觀察, 你都可以做出明智決定了!

而這就是本人對色空不異的理解和自認為在生活中的用處! 希望各位網友有時間的話多多指正, 當然不要影响揾食和返工, 謝謝!

至於點樣可以將某些不好的心理狀態, 進一步化整為零, 達成色空不異, 我自問暫時無呢種功夫, 但本人會繼續努力, 在實用和生活層面上多些留意自己的心理狀態, 不論是好的, 壞的, 甚至是壞的偽裝成好的, 也希望盡量一一觀察! 不枉費博士的一番心血!

wongs

全部歌詞睇完後，找到三個部份擬似是色不異空的情節

1.        若然你艷質遭兇暴啊；
          我寧願同埋白骨去伴姐妝前。
          或者死後得成連理樹嘞；
          好過生時長在呢個奈何天。



2.        嬌呀但得你平安願啊，
           我就任得你天邊誒明月啊都照向別誒人圓。


3.        我把陳後主個段風流講過你聞。
           講到兵困景陽家國破嘞；
                            歌殘玉樹後庭春。
           攜住二妃藏井底；
           死生啊難捨、難捨、難捨佢嘅意中人。

chriswong

見到同學網友長篇大論寫咁多心得，又想寫多兩句。
感覺色不異空，就好似一隻杯咁，倒乜落去，佢就係乜。一種無形到有形嘅現象，由心主導，境隨心變。空就係一個載體，色就係液體。若遇因緣果合就會出現，緣滅就會消失。

alexwush

chriswong 發表於 2018-12-14 01:59
見到同學網友長篇大論寫咁多心得，又想寫多兩句。
感覺色不異空，就好似一隻杯咁，倒乜落去，佢就係乜。一 ...

你咁講，打飛機都可以體會度色不異空嘅境界，如果色不異空，放諸四海皆準嘅話

容燥兒

Alexwush網友舉的例子。

諗咗好耐。我終於明點解了。

yc_ray

本身字面上也未完全理解到咩係色不異空的，膽粗粗試下寫了。
其實未必呢支曲的詞先有色不異空，色不異空不在詞中，在自己心中。
好比唐詩宋詞，睇到某D岩“心”水的詩詞時候，會自動浮現個畫面出來。
人可以自己製造一個世界出來，發夢就係其中一種，夢境何其真實，係色空不異的。
再睇番曲詞，確是主人翁都有呢種味道。
"涼風有信，秋月無邊。思嬌情緒好比度日如年。"
呢到已經好明顯，佢係自己一個人。
“你睇斜陽照住個對雙飛燕，獨倚蓬窗思悄然。 ”呢句好明顯佢係製造佐個愛人的假象出來同佢對話，呢種就係夢的感覺。
而作為觀賞曲詞的我地，第一時間會想起果段《胭脂扣》，梅姐同哥哥係妓院到的對唱。
呢林林總總，都係我地自己心意識run出來的所謂“真實世界”。
睇到前面有同學用打飛機來形容，岩嘎。你以為你射野係需要到女性的生殖器幫助先射到？非也，好多宅男成日講“性幻想對像”，就係呢下幻想，佢確是等同於一個真是存在的女性，先會觸發到生殖系統去做嘢啊嘛。當然，打飛機何止咁少學問，希望同學你打多d，體會可能更多。

楊灝貽

麻甩佬刻舟求劍, 141網大把沈船野睇
睇返依家d人好過, 實在D, 有「人」嘅感覺

比佢攬住條女, 延續四十年多數瀨野, 由條女四十過外, 變師奶, 變呀嬸佢一定後悔