20190811郭信差之閒話家常:暫停上街示威21天。

一境性

故事發展落去完全沒有意思, 同一些無道理可講的人(或政府)講道理十分ON 居. 博士一早講過, 共產黨有能力整死晒香港所有人, 而唔需要顧任何後果.....

我們就像一個租客, 準時交租, 單位又保持整潔企理, 又無同人結怨. 無奈業主蠻不講理, 為了回收單位自住, 想在租約完結前迫我們租客走. 結果又放老鼠, 又放蛇. 為的就是要迫我們解約. 作為一個理智而有能力的人, 全世界咁多間屋, 點解要淨係要住死一間先? 所以咪要走囉.

至於無能力的人(包括小弟), 即使你日日去同業主炒大鑊都係無補於事, 只會令業主和打手們更加得戚.  唯一可以改變就是自己的心態, 繼續敬業樂業. 只要香港繼續有錢揾, 我理得佢鬼返. 就像當年鴉片戰爭一樣, 英兵殺到入香港, 村民都無話鬼殺咁嘈, 英兵戰艦和清廷水師和虎門對戰, 村民都像睇熱鬧似的, 男女老幼仲嘲笑清朝水師的不堪一撃, 和日本仔侵華不同, 完全沒有國破家亡的氣氛. 村民照樣安居樂業, 日日出海攞魚. 理得你掛英國米字旗定黃龍旗!

這些事跡都可以在中央圖書館的檔案室找到, 而我認為中共宜家又唔係要殺晒所有香港人, 而明知共產黨的手段就是挑起人民和階級之間的矛盾, 而這次就是要挑起警察和市民之間的矛盾. 就像當年三十年代上海的工人暴動一樣, 所有事情都是共產黨的汪壽華在挑撥離間, 挑起商家和工人階級的仇恨和矛盾,造成了一場場無謂的暴動. 所以杜月笙最後才會殺了汪壽華! 大家可以睇吓杜月生傳, 博士真係推介得無錯.

咁既然歷史早有先例, 我們又何必作別人的棋子呢?

所以現在我們無必要再上街, 無必要再反對別人上街. 無必要仇警, 亦無必要撐警.

停著! 等中央政府做嘢! 我諗這就是博士經常說的棋術的奧義了!