- 註冊時間
- 2013-11-7
- 最後登錄
- 2021-1-21
- 閱讀權限
- 90
- 積分
- 3457
- 精華
- 0
- 帖子
- 773
|
本帖最後由 cwcheung24 於 2020-3-20 23:19 編輯
傻啦,今次疫情搞到冇人出街食飯,好多餐廳就原本10幾萬租變到落去兩三萬咋,仲要唔使頂手費,若果有少少本城的話,包起佢來做,而且轉做外賣,早午晚市無一不包,若果聰明啲嘅話可以做埋甜品,包你發達!
連傳單都唔需要牌, WhatsApp有一個功能每一次可以發送250個短訊,若果發出一萬個短訊,其中有30個人幫襯你,你都唔會冇生意!
就算任何技能乜都冇,只要靠一部電話,都可以發達!因為而家好多人都唔敢出街買嘢,尤其是買餸若果失業在家的師奶可以發揮買餸嘅功能的話,用電話接單專登幫人買餸,送埋上門,都一定發達。
居住方面,而家好多公司執笠三4000尺的Office好多萬幾蚊咋! 若果夾埋六七個朋友或者志同道合的人,一人都係二$3000 ,從來都冇一條法例話禁止人哋訓Office,而且可以順便成立一間公司,專登幫人收買執笠公司的舊文具舊傢俬舊電腦,有好多公司因為執笠,但業主需要公司在執笠的時候還原做清水樓,好多公司都唔肯願意花錢去佢搬走呢舊傢俬,若果你肯收幾舊水甚至乎免費幫人哋車走啲舊傢俬或者舊電腦,跟住擺番上網買,一定會發達.
就算你真係一蚊本錢都無, 連電話都無! 襯住個個人都唔敢出街, 而香港又有咁多長期病患者要去醫院攞藥, 幫佢地去醫院排隊攞藥, 順便買埋日用品, 都可以賺唔少水腳費. 我唔係吹水, 一個屋邨咁多老人家, 實有生意, 而且已經有人做緊, 勤力啲一日賺返千零絕對唔難!
仲有好多形形色色數之不盡嘅錢可以搵,全部都是合法的,希望香港人最重要不要放棄! |
|