雨傘: 1) 圍毆三休班警 2) 真普選新定義

lenlan

CarmenNg 發表於 2014-10-17 19:48
轉貼：15/10/14 巿民在龍和道示威時被黑警虐打
Ken Pang
現場毆打篇

感謝 CarmenNg 一直發表傳媒很少報導的文章及真相   希望閣下唔好刪去舊文章, 因為小弟還有很多篇未有時間看, 及讓更多人傳閱.

CarmenNg

lenlan 發表於 2014-10-18 14:06
感謝 CarmenNg 一直發表傳媒很少報導的文章及真相   希望閣下唔好刪去舊文章, 因為小弟還有很多 ...

放心!我不會刪的.只是update reference headline.

很多文章是從有參與抗爭者的facebook取的,所以好像現場一樣. 讓大家睇到第一首資料.

CarmenNg

【Mrs. Ho：草草根根，粗粗魯魯，就是我愛的香港】

昨晚和老公落了旺角。到達時十二點半，已光復了。只差十字路口仍對峙。

一、有個阿婆橫過馬路，一個警察話佢。旁邊人群起哄，話佢蝦阿婆。一時粗口橫飛，「道歉！道歉！道歉！」，警察無奈放行。阿婆也不是省油的燈：「兇我？我出入雜差房時你都未出世！」眾人拍手起哄：「阿婆好嘢！」（隔鄰嗰阿叔係咁對住我笑，我頂唔順，一齊笑。）

⋯⋯二、離開對峙區，光復地，一排人已經坐下，很多中年人就就地睡著了。有阿叔派水。有個小姐派餅，佢話「好L多嘢食」。佢之後叫人一起搬垃圾，個個撲出去幫手。

全文︰http://www.passiontimes.hk/article/10-18-2014/19281

CarmenNg

【文博：1017旺角奪還戰的意義】

吃過晚飯，才六點半左右，豈料從亞皆老街進入彌敦道佔領者留守的區域，已經是迫得抖不過氣來，大家都要貼身前行，當時已感到會前來聲援的市民人數，應可與10月3日驅趕黑社會那一晚相比。在佔領範圍看到一名OL坐在地上，一身寫字樓套裝，邊拿著飯盒吃飯，邊拿著手機查看，她與現場環境，看似格格不入，但在群情洶湧的形勢中，多少帶來一點舒緩，又叫人甚為感動，因為這一場佔領運動的全民參與程度，已經超越了年齡、性別和職業的界限，誰認為自己要對香港的未來負責，便會出現在街頭。

在彌敦道兩旁游走時，看到不少戴上口罩和眼罩的年輕人走過，心裡甚為感慨，便跟太太說：「上次看到香港通街都是戴著口罩的人，是03年沙士，今時今日的香港，仲衰過當年，除咗口罩，宜家啲人要戴埋眼罩，妳就知道呢個政府幾仆街。」豈料站在身旁的一個婆婆，也來附和。

婆婆指自己是獨居老人，家在附近，最近每晚都有到街頭支持佔領者，支持學生和佔領者爭取真普選，她還知道一人一票的假普選，比起原地踏步的小圈子選舉更可惡，而更難能可貴的，是她拿出一張白紙，上寫著一句文法不通的英文：「I looking forward to having realize democrat」。她表示自己不懂英文，該句子是自己找字典翻譯出來，自己抄寫下來，留待遇到外國記者時，便會遞上字條，以便告訴記者自己追求的是真民主。我們隨即為婆婆把句子改好，並大竪拇指。

當我看到年輕的OL，以及年長的婆婆也走上街頭的一刻，我便知道，奪回旺角街頭只是時間的問題，而香港人也真的在一晚中做到了。經此一役，旺角除了是佔領者的橋頭堡，這次勝利也為旺角加添了一份特殊意義，因為當中多了一份港人賦予給佔領者的力量。奪回旺角，就是奪回香港人的尊嚴，香港人的主場、香港人的未來。

全文︰http://www.passiontimes.hk/article/10-18-2014/19280

CarmenNg

【雨傘後話】
狼英願對話?「689講乜都係鳩嗚」
學生會談可能再破裂

近兩日暴力清場有啲跡象可尋，明明阿譚話重啟談判，⋯⋯
魔警就持人多蝦人少，處處打壓示威者。
「689 廢話連篇，反口腹舌，信半成都死，
不過你都係死性不改，睇嚟最後你都係做破壞王，
個記招我只係留意到奶媽(指林鄭)一臉無奈。」

CarmenNg

蘋果說謊 抹黑黃洋達

林慧思
我從不是熱狗，但請蘋果別說謊！有人證物證看到黃洋達先生在場，別老屈抹黑。

CarmenNg

我們支持新聞自由, 但不容蘋果作新聞抹黑黃洋達,話他清完場後才現身.

因在facebook上常看到黃洋達及熱狗們分別在金鍾,銅鑼灣及旺角日以繼夜,夜以繼日地留守.將當時所發生的事情上載facebook.  

CarmenNg

你的感受，我想黃洋達應該很理解！( 不過我又唔係佢肚裡面條蟲，所以我只可以"懷疑"佢會很理解 o羅！ )

^ oo ^
黃之鋒 Joshua
去到衝突現場前線 = 有意騎劫群眾自發行動
去到衝突現場附近 = 對著勇武戰友隔岸觀火
直程唔去衝突現場 = 坐視不理漠視群眾行動

咁你地想我去定唔去………………⋯⋯
（我昨晚喺旺角既。）

CarmenNg

【八神：致離地村民的信】

你一句「我都支持民主，不過都唔係咁樣樣爭取架！」咁你話我聽，可以點爭取？寫信、請願、遊行、示威、絕食、簽名、對話，你哋所謂的「和平理性」方法，要做的已經做過了，做咗廿幾年了！！！！

係。你。哋。班。離。地。港。豬。唔。留。意。新。聞。時。事。就。話。我。哋。

你一句「你哋佔路唔好佔到我舖頭門前啊！阻住我搵食啊！」對！我哋都知道阻你搵食，對唔住。但我更想給你們知道，之所以在香港有生意做，係因為香港的基石，包括健全法制、金融地位、國際關係等等，令你哋生意做得更妥當穩健，要是在大陸做生意，你唔畀人呃過你都未必會「醒水」！

而家我哋令你們有短期的痛苦，我們都很抱歉，但是希望你們明白，我們是為了全香港人大家的長遠利益：民主政制、獨立司法精神、文明教育及政策等，全都關政治事！你唔可以話「你有你佔路，我有我搵食」，我們爭取回來的民主，大家都可享用的！

「我唔需要你同我爭取！我唔需要民主！」既然你有這樣自私想法的話，那麼，當有一天你被專權統治欺壓的時候，沒有人能救你了。

CarmenNg

Lam Ho Ken

我相信好多我既朋友都可能會奇怪
我點解撐黃洋達 撐熱血公民撐得咁出面
係今次運動前 佢地係公眾既形象一向都好差
黃洋達係無幾耐前既唔知邊個最不受歡迎人物選舉仲排第二添 好似輸左比689
咁既人好人有限啦⋯⋯
呢個係村民既唸法

佢講過乜做過乜
我懶得逐樣講
只想提出兩點

一、如果覺得我係fans所以佢講乜都支持
首先你會咁唸應該完全唔熟我 不理解我係 幾囂張既一個人 有無咁易做人fans呢？ 又就當我係fans啦 我老蕭有聽 毓民有聽 傑斯仔有聽 q仔有聽 好多其他以屌熱血公民為生既台我都有聽 咁點解我做唔到其他人fans呢？

二、 就係接住上面既點解 我當然可以清楚講哂我既點解出黎 因為我聽哂佢每日三到四個鐘既節目 無錯 係每日 當你覺得黃洋達好人有限既時候 你可能係電視見到幾秒佢個衰樣 鳩叫左幾聲 可能係高登見到老伯父或者高登黃洋達開post屌佢地 求其整兩張cap圖加幾句 最後打句自己睇不解釋 又或者係更間接既係唔知邊度引述佢講過乜野鬧左邊個邊個 而佢實際上講左每日四個鐘既野 你可能無聽過 亦無興趣聽

大家唸下 呢個情況 係咪同宜家呢場運動每日發生緊既狀態係一樣呢？ 每一日都有好多事發生 但主流傳媒只會揀佢既有立場既幾十秒黎播 再經過加加減減 宜家仲有無人會信新聞睇到既野就係事實既全部？ 連係咪事實都唔敢講啦 呢個情況根本一直發生係熱血公民身上 我一直有直接聽其言 觀其行 所以我既立場係好清楚 但覺得奇怪既朋友 並非要你因為我講兩句就即刻支持佢地 只係當你宜家睇新聞唔會再佢講就信 會思考片段前前後後係發生緊咩事既同時 希望你再回想一下 你以前聽到關於熱血公民既負面評價時 其實前前後後會否有好多野係無提及架呢？

我係支持黃洋達同熱血公民既 因為佢地係我見過最拼命去實現自己信念既人 但同時佢地亦係受到最多打壓抹黑既 原因我直接講 就係佢地做壞規矩

"明明其他人個個一直以來都hea做既 你呢班人走出黎堅做 又屌鳩我地Hea做喎 其他人睇到我地咪現哂型？咁不如抹黑你係搞事分子啦" 係咪真係咁希望你地自己睇自己聽 但總之呢班人就係一直係四方八面既壓力下堅持自己既信念 我覺得呢班人係值得敬佩既！