大陸開始實行［一妻多夫］制度

goldenma

早前內地有教授教作詩，話中國係人口性別不平衡問題最嚴重嘅國家之一，初生男同女嘅比例係118比100，去到2020年就有3千至4千萬個單身男，便提出「一妻多夫」呢個被全城圍插嘅建議。

正當大家以為呢個係得啖笑嘅天方夜談，點知早前網上瘋傳話中央最新嘅白皮書話，一妻多夫制係6月1日起正式生效！當局話，經第三次人口普查得出，由於而家90後男女比例相差太大，如果按照一夫一妻制度，將有38.86%單身男性，會掀起21世紀新一輪「離婚熱」，最後中國人事部、常務委員會、政治協商代表共同決定，由中國憲法和婚姻法明文規定，中國可以實行一妻多夫制，咁可以避免38.86%嘅男性遭遇「無妻煩惱」，亦大大避免發生社會暴亂，減少犯罪率咁話喎；如果任何一個夫嗌大交，妻有權休咗佢。

咁樣真係解決到男女失衡？而促成這個失衡問題係基於男尊女卑概念，內地人一味生仔，要仔唔要女，是惡性循環；如今驚死窮男變「光棍」，就推出「一妻多夫」，看似提高女性地位，說到底是將女性淪為男性嘅生育工具，大肚的話老豆會係邊個？唔通要生出嚟驗DNA先知？橋段咁似N年前嘅《最佳女婿》。

http://www.buzzhand.com/post_710022.html

陳柱民

男多女少？唔計啲黑戶就或者係嘅，社交網很清楚真相，不過這是國家機密，心照啦～

odin

若果城市化持續，相信三，四十年後中國將有三分一人唔會結婚，以至無經濟能力結婚。