20180126郭博士開示:『天九闕』測試版

容燥兒

http://tinkau.s3-website-ap-southeast-1.amazonaws.com/


現在送上『天九闕』測試版， 歡迎各位提供寶貴的意見
請注意：

蘋果手機用戶需要將ISO更新至11.0版本或以上;

安卓手機用戶需要將系統更新至 Android 8.0 以上

erict

　　玩過一輪，以下是我見。

一，如用平板電腦玩，似乎在頂頭比較難睇到出咩牌，如圖AAA。似乎這方面要調整一下。而做法可以將四家定為東南西北。因為用東南西北而將來有機會做英文版，有好處。因為好多鬼佬識打麻雀，起碼對鬼佬嚟講少一浸麻煩。而表達各家及分數情況，可見下圖CCC，做法我估計大約係用Microsoft Access設定database，只要日後將東定改為East或E便可。而莊家可用Banker，咁就可以讓中英文玩家明白，因為打天九同麻雀都一樣，係逆時針行。
二，或者一開始先定四家為1234或ABCD，咁就知道你係邊家及分數情況。另外，莊字可放在較中間，咁就可以避免遮到最後一隻牌，如圖BBB。
三，或可以在電腦程式設定文武子出牌情況而計機會率估計玩家出牌，再針對性應付。前提係一家對三家，擺到明係不公平競爭。以下是例子：
A：四文四武
B：一文七武
C：三文五武
D（玩家）：八武
假設A係頭牌莊家，出雙天雙九，呢四隻牌贏晒，B出四武，C出兩文兩武，D無文子，出四隻武子。
之後，就係
A：雙文雙武
B：一文三武
C：一文三武
D（玩家）：四武
之後，用電腦計贏到D嘅機會率。因為D玩家只有武子，而電腦亦知道D有咩武子牌，因為係互動，谷D玩家出大牌，或長短棍，或扮冇武子（扮飲），企圖在過程中欺騙D玩家，以為出面仲有武子，搞到整個戰況及D玩家的心態戰戰兢兢，咁好可能會增加樂觀。

　　因為，我有好多舖扮冇牌，明明天打到扮飲，成功欺騙電腦，再打細牌包尾殺，所以，啟發到，如果咁樣設計，用出牌機會率及每次出牌都係互動，咁就類似接近Alpha Go，在過程中不斷運算而作出行動。如果做得到，我相信非常好玩。

kenji0hk

手機update唔到，冇得打~

erict

　　玩咗三幾日天九新版，估計小弟應該有六成半左右把握長期站穩勝方，記憶中好似試過連勝6至8舖，比少少意見。

一，用電腦運算以致電腦三家都有楝
一來可以令局面緊張，二來唔會有乾炒兩家或三家情況出現。運算方面，如果程式做得到的話，可以使用類似股市mark-to-market形式，出牌之後馬上運算，作出最好安排，以下是兩個例子；
A）玩家搶到楝
即刻運算電腦三家文武子牌在手，企圖阻止玩家連續搶楝，即係電腦並中一定有大打大。玩家出文子人，電腦其中一定打到天；玩家打武子七，電腦其中一家打到九。
B）電腦其中一家搶到楝
馬上運算及分流，電腦X專責文子，電腦Y專打武子，電腦Z專砌玩家。形成三挾一局面。

二，防止玩家扮懵扮冇牌打而墊牌
除了可以用第一點的B方法之外，可以猜乒乓球方法，操作如下：
a. 電腦X出牌，專打文子；搶楝之後，打細武子，成就電腦Y打大武子搶楝；電腦Z的作用則專打玩家牌，務求做到玩家冇楝可搶。

如果在電腦程式方面做到以上兩點，難度應該大大提高，好好玩。但有一點，因為每一次出牌其實牽涉連續性搏奕，又要兼顧文武子平衡，所以小弟玩之時，點都留一隻細文子或武子，使電腦無所適從，我相信呢個係其中一個方式破電腦三抽一（當然，我只是估計我玩之時係一家對三家）。

erict

　　試舉一個實例：

　　呢手牌我認真麻麻。上家獅子撲兔或強攻，我死都留個五仔，最後僥倖結到牌。

　　估計要平衡陰陽之道，似乎係勝負關鍵之一。

erict

　　似乎不止一次遢過五連莊之後hang機，玩唔到......

erict

　　似乎玩過不下四五百舖天九新版，有少少發現。

　　當你先頭扮冇牌，死忍，到差不多剩下三四隻牌至開始部署，例如有天，人，七及五，打人打五留天，七，對方一出文字你打天，再用七包尾殺，甚至留隻六或五，都有可能結牌，合乎正反陰陽之道，因為對方都唔知你有咩牌。

　　當然，如果舖牌夠大，可以主動強攻，但我試過以上方法，粗略估計都有七成贏面。

　　但玩天九真係一門佈陣遊戲，強攻而扮有料，嚇窒你；扮死狗卻原來留以有待，最後殺個措手不及，的確好好玩，多謝郭博士。