25年控夢經驗

goldenma

http://hk.apple.nextmedia.com/enews/realtime/20161222/56075245

新海誠作品《你的名字。》票房好評價高，而原來這個夢中交匯的故事靈感是源於小野小町的一首和歌，內容大致是「當你思念住對方入睡，就可以夢見佢，但如果知道係夢就不要醒過來」。換言之，夢真的可以控制嗎？其實可控制的夢境，稱為清明夢(lucid dream)，而擁有25年控夢經驗的靈魂出體導師King Sir指出，控制夢境的關鍵就是 ─ 先識破自己正在發夢。

記者：余傲芝 攝影：Neo、馮峰
當洞悉到自己發夢，就可以試控制自己夢中的行動甚至於改變夢境，但如何知道自己正在發夢，King Sir教你三大方法。
方法1 ─ 提示語句
在日常生活中，多留意周圍環境，然後在不同時間地點提問自己：「我依家係咪發緊夢？」。久而久之，將這個習慣帶進夢中。另外也要多觀察現實生活，你就會較容易察覺夢中奇怪與不合理的情況， 例如看到男人穿女裝或大象在天空飛，繼而醒悟自己正在夢中。
方法2 ─ 寫夢日記
每朝一起床，寫下自己昨晚發的夢，越詳細越好。King Sir認為當你越寫得多，越有機會有夢中知道自己正在發夢，因為有朝一日，你就會不自覺在夢中想起自已要記下所發生的事。
方法3 ─ 醒完再瞓
睡醒後再入睡是一個更直接的方法。當你一發夢，場景就會轉換，所以不停地「 再醒再瞓」會令人有更多機會識破夢境的出現。
King Sir坦言，控制夢境並非甚麼新鮮事，而是自古以來都存在的一種精神修練的方法；甚至古代中美洲土著，都用作提升精神力量。而近代的心理學家亦會透過控制夢景，而為病人進行些心理治療，好讓他們彌補心裏的創傷。「其實控制夢代表乜，就係深入自己的潛意識，究竟你最驚乜嘢，有咩慾望願望，夢裏都會顯示。所以如果能夠控夢，又或者好清楚知道自己發夢，其實你就可以更加認識自己嘅內在世界。」

容燥兒

果日聚會，博士反問返一位同學。

我幾時教過追夢?
全場鴉雀無聲，，，，，，，

吳岩鷲

太耐無蒲頭，今次唔蒲頭唔掂。

可能我精神壓力太大，但真係要記錄低。
舊帖不見了，借人果位記低吧。

前段夢全部唔記得，最記得。

由我個房門，唔知點解門爛到有位望到。
開初見到似隻山羊角的物體，向我個廳。

再望下，唔係喎，係一種生物。

吳岩鷲

咁我下意識，想攞手機影攝綠低佢。希望透過門啲空隙。

點知佢知我想點，成個頭兀起。
係一個龍頭，佢重識講嘢，講咩我都唔記得了。
重知意識上佢唔比我拍片。
咁大個人，真係未發過呢啲夢境。
咁就責醒了。
我諗工作壓力太大，要去睇心理醫生先掂。

chriswong

個人覺得追夢最主要是了知因果關係，前世因今世果，不知道原由去追夢是浪費時間。
最終目的是追求不受後有。