GT6,你唔好係度鬼殺咁嘈啦

geo

GT6,你唔好係度鬼殺咁嘈啦，你買1396之所以輸錢，係你掌握唔到個timing，1396由上市2個幾升到4個幾，之後回落，如果有買開股票應該知道走勢向下回，
股票必有向上向下周期，你唔識放，與人無尤，郭博士提供，新上市到最高位都有一倍利潤啦，中途亦有提供指示，放一部份守一部份，保本之餘爭取最大利潤，再自己睇走勢，進可攻退可守，合情合理。

嚴格嚟講搏士提供股票貼士無輸過，北京發展154畀左價位，到左位、毅德1396升左近倍、1340惠生你可以話輸錢，但其後指示低位溝翻到均價1.5，亦都上返1.5幾畀到位出貨仲有些少賺，仲想點？買賣股票最重timing，你無買錯，係你掌握唔到個timing炸，唔好怨人。

1396同1340我都會密切留意走勢，而家價位咁低，我未必會再買，但價位實在吸引，向下幅度唔大，向上就大有空間，少注值搏率相對高，少注入最多預全部執粒輸晒，師父教落買股票要用閒錢，夠胆輸夠胆贏！

GT6，驚你睇唔到，再貼翻之前回你果段比你睇：
見到咁多鬧郭博士的文，本來我一向睇多過講嘅，忍唔住都想講些少。
博士推介左好幾隻股，我只買了1396，兩個幾入，入左之後跌落兩蚊邊，再溝一口，等，之後慢慢上創新高，3.4沽第一口保本，由得佢飄上去，最高4.48，
我分三口出，4.48無出因唔知最高位幾多，等回到4.1左右沽第二口(出完第二口已經歸本仲賺到過萬)，一路回，之後覺得暫時已炒完，3.4左右放埋最後一口，
總結差不多有一倍利潤。
北京發展同惠生，因為錯過左低位，想入時已升了不少(154看時已標上3個幾、惠生一上市即標高到2.3幾)，覺得再上的值搏率唔高所以放棄。
個人認為聽貼士，點都要自己分析一下，無理由亂咁樁入去，自已財力，承受能力只有自己知，一定要set止賺止蝕，投資係自己向自己負責，贏輸都係自己，無得怨人，幾好嘅股票買來最終都係要沽嘅，唔好同股票談戀愛，我自己就受過教訓，唔可以死揸一隻股票，要看自己能力和市況、國際走勢定取捨，股災唔通唔放咩！
其他的評股人推介的我都有跟，有贏亦有輸，但我跟人買股票輸錢從來唔會怨人，無人揸搶迫你買，自己買賣，輸贏自己負責。
1396對我嚟講非常成功，利潤近倍，仲想點？
而家gt6咁樣鬼殺咁嘈，以後要郭博士再提供心水難矣！

yuen

冇錯.投資當然要小心市道升跌.不應怨責他人

Ming5812

1396 又再停牌

Yoma

Ming5812 發表於 2014-7-21 09:36
1396 又再停牌

對啊！又停了。

Yoma

師兄你好勁，連博士損手，你已賺了一倍。

我相信好多網友想跟你貼士買野！

philiplau

Good news

CarmenNg

樓主: Totally agreed. 1396我也有買有賣幾次,都有賺錢.每次都是少注,所以停牌也不担心. 以無掛慮心待之.

geo

yoma，我唔係勁，只是廢柴一條吧，只是博士貼士準，我亦嚴守止賺止蝕原則(因為以前乃過野)，獲到利要多謝博士，而家買股亦有輸有贏，唔敢比冧吧叫人跟，買股票無實贏，要時刻看緊。

出呢帖係唔抵D人鬼殺咁嘈，亂Q咁噏，指鹿為馬，好似D愛港乜愛港物咁，越睇越慶，所以唔抵得要出帖，明明隻1396升左成倍，又唔出聲，跌返落嚟停牌就鬼殺咁嘈，又唔檢討下自己錯乜，只識鬧人！有贏大錢嘅預期，亦要有輸清光嘅準備！

各位睇下我講嘅有無理據，我唔識搏士，亦唔係似時空識班學生(想學但都幾十歲,學費乸脷,唔夠閒錢交學費,自己廢無得講啦)，無必要擦博士鞋，純粹以事論事，如果邊位覺得我講嘅係錯，歡迎開帖討論，真理越辯越明。

話人神棍又乜又物，人地有無坤過你一毫子丫，如果我係神棍乜都講錢啦，開班收咁貴搵鬼讀？博士有些觀點，有時我亦不大同意，各有睇法實屬正常，但博教的健康法，人生道理，確實獲益良多，我媽媽九十歲了，我教她平甩功，練左半年，而家身體明顯精神左，要多謝博士。

如果我嘅言論，有偏差，令看者看後不舒服者，請多多包涵！

責人須有理，各位網友共勉之

Yoma

geo 發表於 2014-7-21 12:43
yoma，我唔係勁，只是廢柴一條吧，只是博士貼士準，我亦嚴守止賺止蝕原則(因為以前乃過野)，獲到利要多謝博 ...

師兄好野，支持。
師兄你好孝順，真心要向你學習。又希望令壽堂身體健康，長命百歲。

股票嘅野都唔係好穩陣，大家都係小注玩下算。當吹水有話題。

Joelee

100 % 同意.....
成年人..要有腰骨...自己買賣，輸贏自己負責。
咁樣鬼殺咁嘈，郭博士想再提供心水..比我們都難..