貧苦優異生為生計售冒牌手機殼 官判守行為望自強不息

KenFong

去屆DSE女考生與因工傷失業的父親領綜援相依為命，她為幫補生計在網上售賣冒牌手機殼，去年10月遭海關放蛇捕獲。女生早前在裁判法院認罪，透露女生在校內表現優良是總領袖生，本獲校長推薦讀教育大學，因被捕影響公開試發揮，無緣讀大學。裁判官今指以往在刑事案件裡他只會見被記小過大過的頑童，第一次見有58個優點的被告，反映被告「從來好乖」，對事件感可惜，但認為重要的是被告能知錯能改，並勸勉被告「跌倒要企起身」，判女生就兩罪每罪自簽1,000守行為12個月，同期執行，以令被告能盡快更新及可「洗底」。

裁判官在判刑時以「雯恩」稱呼被告，稱「考大學雖然有阻滯，希望你自強不息，不要氣餒，要再嚟多次，人生不如意事十常八九，希望雯恩你勇往直前，追求理想，做到律師固然好，但行行出狀元，任何工作都對社會有貢獻，每份工都有意義。」
被告父親有到庭聽判，判決完畢已離開法庭，被告聽判時則靜靜飲泣，完畢後拿出紙巾拭淚及由社工安慰。她離庭前向記者表示，案件完結令她感覺輕放鬆，但是否擔心前途受影響則「比較私人」，婉拒作任何回應。


被告女生葉雯恩(18歲)現於香港專業教育學院讀法律與行政課程，早前在裁判法院承認出售應用偽造商標的貨品，以及爲售賣或任何商業或製造用途而管有應用偽造商標的貨品罪。

http://hk.apple.nextmedia.com/realtime/news/20161028/55837982

KenFong

ilddddlm 發表於 2016-10-28 13:21
其實本人小人之心覺得:

(1) 點解學校會濫派58個優點俾案中學生?

您並非小人之心，我認為您是持平的心，態度正確，法制人員在絕大部份情況下都應該跟進案件每個疑點，更不能以貌取人，可憐相並非一定好人，惡形惡相亦並非一定壞人，由於世事無絕對，所以為確保彰顯正義公正，揸正嚟做是正確的。

問題是現在香港政府、以68狗為首的各個掠水集團、呃飲呃食的高級公職人員，除左無當街販毒外，有咩衰野無份？真係要肅清既話，少林寺隻鑊都裝唔落！

喺咁既情況下，香港已無法治可言，若對啲雞毛蒜皮既事反而揸得太正，似乎有點本沒倒置，法律變左管制蟻民工具，所以英國遺留的司法制度中，有一樣野到依家都仍然值得我地俾Like的，就是“酎情權”，亦同時造就左劉德華的法外情、法內情經典地位。

講反依位妹妹單 case , 要入一定有位入，但需唔需要咁做？連裁判官讀詞時都係溫柔溫柔的。

既然個妹妹第時想做律師，今次經驗應該教曉佢以後做野小心啲，以及如何與警方展開談話，想做律師又想正正直直，遲x早變廚師，到時真係日日對x住隻油鑊。

KenFong

有啲嘢好左就算吧，有心煮佢嘅話，表哥送？

幾時送？邊到買？收據？.......

佢唔係殺人放火....

ilddddlm

其實本人小人之心覺得:

(1) 點解學校會濫派58個優點俾案中學生?

(2) 佢話受案情形影考唔到大學, 我覺得如果平時真材實料, 點會考唔到?

(3)佢庭上的iphone6 係表哥送的? 咁佢d親戚都唔係好貧窮, 平時都會接濟佢地

(4) 佢賣老翻被拉證明佢係有小聰明, 但係佢唔好彩, 亦都係賺左先算, 唔理後果既人, 聰明反被聰明誤, 今次受既教訓可能對日後成大事有用

楊灝貽

容燥兒 發表於 2016-10-28 11:44
如果佢有聽好人好事，起碼可以好多選擇。唔使買翻梘。

就算上到法庭，巳有一定常識應付，前期的程序。

唔入得中學必修課程, 過左18歲自己學聽, 唔關家長道德潔癖事
一聽, 好野聽左當耳邊風, 郭生個種大口氣就做左先粗口講左先, 即刻死
應該叫D家長聽完之後自行過慮
再將其中有益資訊傳比子女
咁先正路
佢d子女自己上網聽就佢嘅事, 但對18歲以下一定唔出聲推介

容燥兒

為咗聽少兩句粗口，咁就無咗個生命升級機會。

自己平時返公司咪又比人日妖夜妖。
又唔見佢哋理直氣壯辭工喎

容燥兒

如果佢有聽好人好事，起碼可以好多選擇。唔使買翻梘。

就算上到法庭，巳有一定常識應付，前期的程序。

同學講過家長有道德洁僻，一聽節目有粗口就擋咗自己修褔的機會。

其實好人好事節目，應係香港政府要主動納入中學必修課程啦。