2015.7.9 郭博士提問：大陸股市死因何在？今晚開估

peterau

郭大師話：傳媒無人可以點出問題所在，香港底子厚，本來可以賺錢，昨天不會跌最多2000點，現在考考大家。

jackychan

奸有奸輸，茅有茅輸。沒有誠信。

stanleychan

政策朝令夕改 !

jasonhope921

多年來管治手法太強,人民盲信政府.  還有政治因素在內

bingo23

郭博士問答遊戲：

郭博士提問：大陸股市死因何在？今晚開估
緒論:
中國一跌市，已經¬跌了七個希臘的GDP，大陸股市是人為災難。以往股樓急跌，都有一個現象，就是金融體系出現流動性風險(Liquidity Risk)。

A股目前的情況（大股價獲護盤、沒停牌的跌停、一半股份停牌避跌），其實與1987年香港宣布停市無疑，充滿阿Q式精神及思維。流動性危機的可怕，在金融金嘯中曾經出現過，銀行間彼此不信任，不借貸。但你起碼知道發生甚麼事、心裡有個底。

刻下A股流動性失去， A股投資價值被扭曲。今次股災是人為式自殺，猛藥亂投，最關鍵的，是你唔知傻強可以去到幾盡。

天災不及人禍，中證監再有新動作，要求旗下各證監局，約談近半年內減持公司股票的大股東及高層，明確要求曾經減持過的，請你依家買返。一個股市值得玩下去，最基本要求，是對方還遵守遊戲規則，但目前中央已經視規則如無物，目前的底線，是沒有底線。

中共權力既凌駕法律，股市受其掌握、調節，是理所當然的事，如今以舉國之力「救市」，後果只有一個，此為國家托市、股民出貨！

A股鬧劇何時收科、如何收科，甚至陰謀論指今次或涉政治權力之爭，美國會否藉此機會、加快加息踩多一腳，我感到寒意。

現答大陸股市死因何在？

甲)
共產黨的心意識概念:  
1) 在這時空，在2008年後，全球經濟衰退，中國經濟增長放緩，經濟轉差。美國救市得，日本以前唔得，最近兩年都開始得，甚至歐洲喺希臘搞搞震之前都得，共產黨認為可依樣畫蘆去干預股市，當局試圖藉股票牛市製造財富效應（wealth effect），令在股市有所斬獲者增加消費，進而經濟可在「內部消費推動」下持續增長，如此國務院定下今年GDP增長百分之七點一左右的目標。

2) 因為共產黨係信馬克思，馬克思係唯物觀，而落到中國成為有中國特色嘅唯物觀，就係用結果去說明原因，先做成既定事實，再引導你去認同。即係夾硬嚟。現在共產黨玩死自己。在惡劣的中國經營及經濟下，你唔信A股牛市就一萬億成交兇到你信，你唔信香港升得穿二萬五就一日升千六點夾到你信，你唔信亞投行搞得成就五百億包底引到你信。中央政府認為黨可無事不可撼動、無所不能!!

3) 金融市場的作用是融資各種行業、各門生意，讓「非工作所得的資金」（unearned money）投入市場，從而衍生成為「工作所得的資金」（earned money）；金融市場的效能便是如此簡單。共產黨卻認為金融市場是政治工具，如今內地全民皆炒，股市弄虛作假之事層出不窮，股市已成變相賭場，

認清實際環境及問題核心:  
郭博士在節目說明的”概念與現實的距離”， 這就是大陸股市的死因。
1)        內地統計部可輕易更改經濟數據，當最高經濟政策決策人說今年增長百分之七時，屆時的數字肯定是證實領導人的預測絕對正確。可是，對於股市指數，內地統計部門便無能為力了，因為證券每手買賣公開，而且計算指數權數的程式人所共知，極難作假
    中央政府無事不可撼動、無所不能的形象有所毀損！
2)        在資本主義社會，經濟盛衰和股市升沉，很大程度取決於參與者（經濟是全民，股市是股民）的態度，由於人的意向不可知、難猜測，對經濟和股市的預期，即使是政府，絕對準確是不可能的。事實上，所有股市，因為一切取決於客觀環境變化和主觀條件（有人賺百分之十五滿足，有人賺百分之百亦嫌不夠）所主導的「人的行為」。在這種情形下，當一貫正確和掌握無上絕對權力和財力的政府及其宣傳工具對股市指指點點時，對市場的殘害是不言而喻的。這就是大陸股市的死因。
3)        A股是工具市場，不是自由市場，有政治任務。呢次崩盤就係教育國民，乜嘢叫做唔好借錢買股票。全世界只有中國嘅股市，可以停晒IPO，叫券商唔好斬倉，捉人沽空，唔畀國家大戶沽貨。行政手段出齊，但市場力量係無法抵擋，股市續跌。這就是”概念與現實的距離”


乙)
時間:
1)        希臘危機。
2)        美元強勢。
3)        在這時空，在2008年後，全球經濟衰退，中國經濟增長放緩，經濟轉差。
4)        美元強勢大背景下，加上金融海嘯後嘅經濟環境，成個市場環境都冇肉食，籍M&A(收購合併)係最立竿見影嘅賺錢方法。如卡夫食品同亨氏合併，輝瑞收購惠氏。
但要做M&A，公司唔夠大就冇着數，無論係用股份代付定融資，都需要公司市值夠大。中國破局嘅其一方法，將會係資本輸出，而資本輸出對撼就需要企業夠大。可是，外企太大隻，但國企太細隻。因此，共產黨要推高股市及企業市值，方便國企集資，莊大國企。
5)        今年MSCI指數決定是否加入A股及IMF特別提款權決定是否加入人民幣。故此，現在共產黨想推高中港股市，令全世界買入中港股市，籍加入MSCI指數，加快人民幣國際化，用以防止硬通貨流失而衰落，；另一方面，打包國內因高樓價出現的地方債，再以人民幣計價成債卷賣給海外買家，以防止炒爆資產又同時推爆滙水。
6)         在這時空的中國，兩年來，中國政府反貪污、反腐敗、反奢侈風，現在的中國，當官員及國企民企領導的，事情做的多，總會有出錯的地方，會不知不覺，也變成一個蒼蠅，中國政府把這些領導打下去。因此，官員及國企民企領導去炒股票，沒人管你，賺、賠多少錢，都是法律保護下的正當收入。民企及國民借錢去炒股票，再加上政府政策要推高股市，股市飛昇，漸影響實體經濟。


丙)
空間: (對應以上時空之事件)
1)        A股是工具市場，不是自由市場，有政治任務。
2)        阿爺心急要股市昇，但用錯方法。 阿爺要做天下第一莊，但係第一莊原來唔係正常地玩股票。本來做莊嘅任務，係要喺低位嘅時候自己收貨，再叫自己友好一齊買上去，到高位嘅時候就搵啲百姓接貨。接完貨之後，做莊嘅與友好離場，由佢自由浮動，百姓有輸有贏。而家阿爺做莊掉番轉，喺高位叫自己友好入場接貨，百姓個個見唔對路，趁機鬆綁走人。冇人好似阿爺做莊做得咁仁慈，托市畀人走。好明顯，阿爺做莊並唔係為錢，佢開嘅盤口章法，完全唔可以用市場行為去想像。用搵錢嘅市場去搞第二樣嘢，一心搵錢嘅人係唔識同你玩，趁機鬆綁走人。股市因而大跌。
3)        中國停牌機制的錯誤。從香港1987年嘅經驗，一復牌又會再跌，加上跌停牌機制，唔可以一步跌到位，更加跌唔停，愈跌愈有。現在，你睇港股，任你跌，昨日早上只有唔夠20隻股票有得升。到下午，有股票跌到殘之後反彈。市場是冷血的，唔識恐懼，人先至係又貪又驚嗰個。打開門口任你沽，反而啲人先唔敢沽得太狠，先有人心思思要入場撈底。中國停牌機制的錯誤令到股市唔可以一步跌到位，更加跌唔停，愈跌愈有。

丁)
解決方法:
1)        其實只要人民銀行要無限量的錢去接股票，怎會接¬不住。一日萬多億成交，用幾千億就夠。接十日接了幾萬億之後，就不會跌。街貨只有十多¬萬億，用幾萬億去接，就跌不到。這之後又怎樣呢？人民幣多了幾萬億，但也不用怕，因為¬當人賣了股票，錢又會存入銀行，然後提高一些儲備率便會把錢還回銀行。其實只是一個數¬字遊戲，當你托穩了市，人又會再拿錢來買股票，整條數便會改變。
2)        A股係泡沫。如何對付一個泡沫爆破？就係製造另一個更大泡沫。我哋呢一代人就係生活喺唔同泡沫之中，同最後泡沫鬥短命。
3)        李克強總理不應說「救市」（遑論「暴力救市」），他該下定決心，整頓股市，通過立法監管及向股民灌輸投資常識，大掃股市不正之風。惟有建構健康有秩序受嚴格規管且有規矩可資遵循的股市，中國才有望成為股民可信賴的金融中心（若三權合作，絕難成為國際金融中心），股市亦成為中外企業集資發展業務進而令內地經濟受惠的寶庫。
4)        市場絕不完美，盲目亂炒的投機活動無可避免，因此，所有有價商品（包括股票）的價格，有時偏高有時偏低，是常見之象，因此，只要政府定下嚴格規條、嚴加管制，保障股蟻（亦稱散戶）不會受愚被騙，金融（資本）市場便會健康發展，這肯定對經濟發展有利（可以輕易籌集資金便是一例）。
5)        中共權力既凌駕法律，股市受其掌握、調節，是理所當然的事，如今以舉國之力「救市」，後果只有一個，此為國家托市、股民出貨！如此下去，有一天當局頒令不准賣股（當然更不能拋空）只可購進亦未可知。北京應該減少干預市場運作，不然，內地要打造一些市場成為國際金融中心，是想也不必想的。
6)        凡事都有兩面，中國金融制度落後嘅着數之處係好多事可以跟人做，先進國家遇到新問題要解決，條路人哋行晒，有埋驗證，變相中國改革所需時間可以縮短。根據國際嘅經驗，英國由制度轉化為實力，美國以金融手段坐莊，德國製造令人趨之若鶩，日本執着做事結合金融手段敬陪末座。中國若要強大，自問上述四項有邊樣比人優勝？

Goonerstar

細佬只係塵世間一隻迷途小書僮，識d唔識d，聽d唔聽d，亂顯醜。

我諗起2007年中國股市人為夾上6千1點，當時國勢正盛，左有08奧運在即，右有港股直通車，全世界講上證起碼睇8千點，真係無得輸，想窮都難。OK! 就插破2千比你睇，吹咩。但咁大鑊都無亡黨亡國喎？眼見只有奸有奸贏，傻有傻輸。終於認識到金融世界係凶險殘暴江湖，無倫理可言。

當全世界諗住世界末日之際，就到美國次按爆煲。大陸股市因提早自爆關係，反而影響最少 (唔計香港)。當時聽過有高人話：阿公利害，先知先覺，先做市自爆Gap水，順便排洪避災.....

有良心愛心會關心貧苦大眾，照顧散戶，幫助一般民企，又點會姓共叫產黨.....

今次又有高人話：阿公係大陸夾A股上去，係香港高位出貨Gap水，跟手插番個市落去，贏埋期指又係大陸收番乾d靚貨。話阿公應該收到風，好快就有世界級大鑊野發生，影響至深，所以係大半年前開始減持美債 (日本好似已代替中國成為最大債權國)，亦著手加快攪亞投行 (遲D大把人要幫，中國做硬大佬)。阿公又再一次將個泡沫預先自爆Gap水兼避險。而家就高調做樣這樣那樣擺門護市，實即坐擁巨資，插深d個市，殺晒d牛仔call 輪長倉，睇定大形勢先施施然入市掃貨.....

細佬唔識真相係乜，但以我觀察，中美表面對抗，實即你中有我，我中有你。仲似乎好大機會趁勢聯手做世界。誠如博士另一post 話美國趁你地病時加息打爆全世界，一d都唔奇。

bingo23

澳洲AFR：中國飛奔向自己一套的1929股災...和隨後的大蕭條
http://www.afr.com/markets/equit ... ion-20150708-gi7lsc

英國電訊報：令人擔心的股災不會在希臘發生，而是中國
http://www.telegraph.co.uk/finan ... ina-not-Greece.html

美國財富周刊：中國股災比你想像中更差
https://fortune.com/2015/07/07/u-s-china-stocks-falling/

華爾街日報：中國股災比希臘情況更恐怖
http://www.wsj.com/articles/chin ... -1436309780?tesla=y

華爾街日報：北京的救市反映揭露了政府的不安感
http://www.wsj.com/articles/stoc ... a-threat-1436253152

德國Handelszeitung：這次金融風暴將會是「Made in China」
http://www.handelszeitung.ch/inv ... e-made-china-809088

德國WiWo：中國在賭桌上押上了自己
http://www.wiwo.de/politik/ausla ... zockt/11998648.html

瑞士NZZ：中國領導人如「無牙老虎」
http://www.nzz.ch/wirtschaft/wir ... se-tiger-1.18576174

法國Boursorama：上海的「私人賭場」關門了
http://www.boursorama.com/actual ... c8d093b471dac43f21b

Valuewalk：中國股市有前所未見的規模、前所未見的速度、和前所未見的理智喪失
http://www.valuewalk.com/2015/07 ... e-is-unprecedented/

bingo23

其實昇得急，昇得高，因自然力量加人性貪婪及獲利盤，股民購買力逐漸乾涸
，而且做孖展做得太廣泛， 所以最終都會跌。

goldenma

停版！！

CalvinKan2013

大部份由散戶持有，又用高扛槓桿，散戶對股市知識認識自己以爲好深，其實係當賭場賭錢一樣，連開3日大，繼續買大，谷吓谷吓，谷到HiHi。一開細，個個走，人踩人。有知識份子見到有機會搵錢，仲會放過你咩！
仲有大陸監管果班，識鬼監管咩，有啲係華爾街做咗三幾年，當正自己大亨，好似我有一個朋友，讀金融，真係抆晒車邊先話畢到業，反大陸即刻做咗監管，你話唔死有鬼。