- 註冊時間
- 2013-11-7
- 最後登錄
- 2021-1-21
- 閱讀權限
- 90
- 積分
- 3457
- 精華
- 0
- 帖子
- 773
|
本帖最後由 cwcheung24 於 2019-2-4 00:23 編輯
中美談判, 中國成個布局錯晒. 明知特朗普會咄咄迫人, 係大庭廣眾羞辱你大陸. 就緊係要扮可憐啦! 我覺得呢一次中國外交部一個人都唔好去, 只需派五個普通人去參加就夠. 首先, 揾返鄧小平兒子鄧樸方帶團, 坐住輪椅入白宮. 之後隨團帶一個失了業的富士康前女工, 一個退休煤礦工人代表, 一個航運業代表, 一個小女孩.
一開會, 乜都唔好講. 等特朗普講先, 若果Trump哥一開口就發癲閙人, 鄧先生即刻將集合晒因為呢次中美貿戰而失業的中國工人聯署簽名. 若果特朗普話你地中國失業問題唔關佢事, 即刻扔出第二份文件, 係因為中美貿易戰而失業的美國人聯署簽名(你咪揾晒啲美國華僑簽名).
之後Trump哥話係你地中國唔誠實在先, 鄧先生就立即攞出鄧小平張相, 話佢身為一個中國人, 身為改革開放設計師鄧小平的兒子, 我係度代表我爸爸向美國人道歉. 因為改革開放的原意係要少部份人富起來, 但估唔到後來會發展成咁.
因為在場大把記者, Trump哥呢個時候都會有啲唔好意思. 但以Trump哥性格佢會不斷窮追猛打, 不斷要求中國承諾要買幾多美國貨, 諸如此類. 呢個時候鄧先生就可以逐一介紹身後的中國老百姓. 拿呢位係阿蓮, 原來係富士康員工, 但因為中美貿戰而失業. 之後係阿陳, 原本係退休煤礦工人, 因為中美貿戰燃料價格上升, 可以要臨老出嚟開礦. 第三位係小李, 係航運工人, 因為中美貿戰失業三個月. 最後小妹妹因為中美貿戰父母都失業.
若果Trump哥再打斷, 鄧先生可以照直說. 無問題, 你我地中國買一萬億美金的美國貨無問題. 但因為羊毛出在羊身上, 我們中國政府的錢都是從老百姓身上取回來的. 但宜家佢地個個失晒業, 我地中國仲邊有錢買你地美國貨呢?
若果呢個時候Trump哥啲馬仔出來護航, 話你地中國一帶一路求期揾個城市仔的基建都幾千億啦, 點會無錢? 鄧先生此時立即掩面痛哭, 說一帶一路的資金都是舉債舉回來的! 就像你們美國過百萬億的外債一樣! 現在中國政府已是外強中乾, 國庫的盈餘只夠一年開銷了! 試問仲邊有錢向你們美國買野呢?! 之後一手扔出中國各省各地, 大小銀行, 國企的欠款數據(當然要係真的!)
呢個時候就可以反客為主了! 啦! Trump哥! 你睇我地中國都係一窮二白吖. 國內又有十四億人的温飽問題未解決. 不如咁呢賒住十億噸大豆嚟頂先呢! 之後我們中國發十萬億國債, 分三十年還, Trump哥你點睇! 之後Trump哥發爛渣都唔緊要, 因為已經成功左一半!
之後不停扮可憐, 最好預先叫埋個女仔咸! 幾十個記者和傳媒在場. 你地共產黨要製造輿論, 搞到Trump哥好似欺負弱小咁! 呢一招駁同情我諗起碼會得到美國唔少人支持, 因為美國好多政府部門人員都因為聯邦政府停擺而無糧出, 一定身同感受! 總之Trump哥叫你買乜都好, 都要話自己無錢, 一係就賒住先. 淨係呢兩招都夠你現成粒鐘啦. 沒有任何協議, 不歡而散. 就係呢次會議的最大收獲....... |
|
發表於 2019-2-4 00:10:49
